مروان: دخلت للعمليات واهلي كلهم خايفين
يارا اعز من روحي
هاي مدللة البيت
امي تخربطت واخذوه حطوله مغذي
مرت اربع ساعات وطلع الدكتور
عمار: هل ابنتي بخير
الدكتور: لقد نجحت العمليه والان سوف ننقلها الى العنايه المركزه لكي نطمأن على وضعها
مروان: طلعوهه من العمليات للعنايه
رحت لامي
ميرال: ها يمه
طلعت من العمليات وهسه بالعنايه
ياا الله الف الحمدالله والشكر
ضلينه كاعدين يم العنايه
مرت ست ساعات اجه الدكتور فحصهه
عمار: المفروض الان تستعيد وعيها
الدكتور: بعض المرضى تطول الى اكثر من ست ساعات سوف ننتضر ساعتين ايضا اذا لم تصحى نعلن دخولها بغيبوبه مؤقته
مرت ساعتين وامي تبجي وتدعي اجه فحصها مره ثانيه
مروان: شدكول تصحى
مراد: انشالله بس لاتخاف اذا دخلت بغيبوبه تكعد ما اطول اقصى شي خمسة ايام
طلع الدكتور
الدكتور: مضت ثمان ساعات ولم تصحى هذا يعني دخوله بغيبوبه سوف تستيقظ لكن حسب استجابتها للعلاج
راح الدكتور
مروان: ليش دخلت بغيبوبه شبيه العمليه
عمار: الدكتور كال اكو مضاعفات وره العمليه خل تكعد ونشوف
دك عليه عمي
هله عمي
غمار: ها بشر
يكولون دخلت بغيبوبه
لااا ليش
والله مادري يا عمي هاي بعد
يعني عمليته زينه
اي زينه
ميلان: مروان شلونه يارا
مادري
شلون يعني
دخلت بغيبوبه
يححح عليك الله؟
مجذب عليج يعنييي
من تكعد انطيني خبر
سديته
ابوي راح حجه ويه الدكتور ودخلو يشوفونه واحد وره الثاني
مر اربع ايام وماكعدت واحنه كاعدين على نار يوميه الدكتور يجي يفحصه...نتانوب اني ومراد يوميه واحد يبات امي تمرضت وكعدت بالبيت وابوي ابد مايعوف المستشفى بس يرجع للبيت يبدل ويرجع للمستشفى
اليوم الرابع رجعت للبيت سبحت وصليت وطلعت للمستشفى بالطريق دك عليه اسر
اسر: شلونك
هله خويه
شخباركم
والله موزينه
خير خو اختك مابيه شي
صارله اربعت ايام نايمه
وتكعد
انشالله هسه رايح اشوفه
الله كريم كول ياالله
والنعم بالله
اذا تحتاج شي كول
سلامتك
مع السلامه
سديته...وصلت للمستشفى لكيت الدكتور عده
هاا مراد
مراد: كعدت
يااا الله
طلع الدكتور
الدكتور: لقد استيقظت سوف نطمأن على وضعها ومن ثم نخرجها من العنايه
عمار: هل يمكنني ان ادخل
نعم لكن لا يمكنه التكلم حاليا
دخل ابوي
مراد روح جيب امي وتعال
راح مراد ودخلت وره ابوي لكيته كوه مفتحه عيونهه
اجت امي حضنته كبل
مراد: يمه مو هيج البت بعده ماصاحيه زين
مروان: ضلت بس تهذي بابا و بابا وابوي واكف يمه شويه وفتحت عيونه زين
يارا: فتحت عيوني شفت دكتور وممرضه والاجهزه تارسه جسمي واني بدون تيشيرت شويه وطلعو
ماشوف زين كله مغوش شويه ودخلو اهلي وابوي يمي
اريد احجي بس ماكدر وخرو الانبوب البحلكي
باوعت لمروان واكف على صفحه ابتسملته
جنت كلش عطشانه
طلعوني لغرفه عاديه
ع عطشا انه
ميرال: اي يروحي هاج
شربتني امي ماي واجه الدكتور هم سوالي فحوصات
وراح
يمتى طلعت من العمليه
مراد: الاخت ماتدري...بابا صارلرج اربعة ايام نايمه
ليش
وره العمليه دخلتي بغيبوبه....اكلج
ها
جرحج يأذيج
لا زين
يابه شوف جرحه
شيشوووووف
ولج فضحتينه بالمستشفى احنه مو بالبيت..غير يشوف الخياط
عمار: هههه عوفه تستحي
كلهم ضحكو واني استحيت طاح حضك مراد
مروان: كملت التحايل والفحوصات رحنه اني وابوي ومراد للدكتور
مراد: هسه غير يحجي
عمار: ماهي النتائج دكتور
الدكتور: تعرضت لضعف بعضله القلب
لماذا
قلت لك قبل العمليه سوف تحدث مضاعفات وخصوصا نحن صلحنه صمامين وغيرنا الثالث العمليه كبرى ولها مضاعفات لكن لا داعي للخوف مع العلاج سوف يكون وضعها جيدا
هذا يعني لايوثر على حياتها
لا لا ابدا لن يؤثر على حياتها
شكرا
مروان: طلعنه خابرني يزن
يزن: شلون صارت
زينه
كعدت
اي كعدت
ميلان: ها مروان شلونه
كعدت
اووف الحمدالله مابيه شي
ايييييي مااابيه شييي
شبيك
ميلان مالي خلك كافي
براحتك
سديته ورجعنه لغرفته
يارا: ضليت يومين وطلعت للبيت
صارلي اسبوع مفتقده أجواء البيت
ثاني يوم اجو خوالي
يسلمون عليه
خالو ستيف وابنه فرانس وبته كارلا
وخالتي ساندي وابنه جيمس وبته الحيه ريناد شكد اكره
ريناد: الحمدالله على سلامتك
يارا: شكرااا
كارلا: لقد قلقنا عليكي كثيرا
حقا
نعم
شنو هاي كله تحبني هالكد
ماذا
يمكنكي ان تناديلي امي
طبعا
راحت صاحت لماما
اريد اسبح
ميرال: لا امي مايصير لمن يطيب جرحج
ريحتي كله ديتول لعبت نفسي
ميخالف كومي غسلي اديج ورجليج
غسلت ورجعت كعدت بالصاله
كعدو كلهم ومراد فتح فيدو واني بالعنايه مصورني
قبل لا اصحى ماجنت حاسه بنفسي
احجي بصوت ناصي بابا
بابا واكف لازم ايدي ويبوس بيه وعيونه مدمعه
كلهم يباوعون
لليل اخذت علاج ونمت الصبح
اجه مراد بيده ديتول وشاش
مراد: هاج هذا يوميه مرتين تعقمين الجرح وبالج يتلوث
تره تموتين
يارا: اسم الله عليه
مروان: ليش تخوفه ماكو شي حبيبتي
اكلك يالدكتور
مراد: نعم
اثر الجرح يروح
مايروح
صدوك
اله عمليه تجميل
كووول والله
هو جرح زغير شبيج معضمه الموضوع
ميرال: يا يا كوم كوم منا ماعليج بي يخوف بيج يروح ويختفي لاعمليه ولا كلشي
طلعو اخواني وبابا
اجت ماما تعقملي الجرح
اني اني اسوي
ماتكدرين وحدج
ميخالف ماما عوفيني
ولج شبيج شنو هالطبع النحس
مو نحس استحي
امج اني من شنو تستحين شو يله رفعي التيشيرت
عقمتلي وكامت
اكلج
ها
مشتهيه سوشي
الدكتور كال اكل صحي لاسوشي ولاهذا الاكل الماصخ
زين انتي شمسويه
دولمه
اي بيه مجال
ضلينه بعد 3 اسابيع بأمريكا
باجر نرجع للعراق
اخذني بابا لعياده الدكتور
فحصني وكال كلشي تمام وانطاني علاج
راح بابا للصيدليه جاب العلاج واجه صعد بالسياره
يارا: بابا غير سويت العمليه بعد المن العلاج
عمار: حبيبتي وره العمليه تعرضتي لضعف بعضله القلب
وهذا يحتاج علاج حتى تستقرين
يعني وضعي نفسه قبل العمليه
لا بابا هسه احسن بهواي وهذا العلاج مو مثل علاج قبل يعني تتحسنين بسرعه
وصلنه للبيت لكيت مروان كاعد بالصاله
هلاوو
مروان: شكال الدكتور
زينه...شبيك
لارد
يا شبيك
ضايج
ياعمري من منو
ميلان
هاي ماتكعد راحه شمسويتلك ؟
علمود سالفه الحجاب
بس هيج...سهله من نرجع للعراق اني احجي وياهه
.
.
ثاني يوم رجعنه للعراق
لكينه بيت عمو غمار عدنه سلمنه ودخلنه
ميلان: يا عمررري شكد خفت عليج
يارا: بله بدون لواكه وخري خل اكعد
كعدي انتي مو مال واحد يسأل عليج
ريان: الحمدالله عالسلامه كالو دخلتي بغيبوبه وصلتي للموت
يارا: رفعت راسي هاي شبيه...اسم الله عليه منو كلج وصلت للموت
سمعت
لا غلطانه الموت باليكرهوني انشالله
ميلان: اميييين
بهمس: اكلج
ها
انتي مهمته بيه هيج علمود تكبرين بعين حبيبج وامي
لا عيني اني جبير بعينهم بس غير انتي اختي وادير بالي عليج
هم صدوك
وجععع
غمار: اي عمو انشالله هسه احسن
يارا: انشالله
_______________________________
اسر: الصبح طلعت للمركز جان عندي تحقيق كملته
ودخلت لمكتبي لكيت مروان
الحمدالله عالسلاممممه
مروان: الله يسلمك
شنو يمتى رجعت
امس
شلون صارت اختك
لا احسن
دخلو احمد وعلاء
علاء: شنو هاي شو ماتنشاف
احمد: جان مسافر
واني ليش مادري
مروان: المره الجايه اكلك
اي شباب اليوم عازمكم عالسهره بس اسر انتى مااعزمك لان كل مره تفشلني ودكول لا
اسر: طبعا اكول لا شنو ادخل هيج مكانات قذره
مروان: ولك علاء انتى صدك تروح للملاهي
علاء: اي شبيه
شلون شبيه انتى غير متزوج
اي احب التغير
اسر: تزوج الثانيه
لا غيرتي ماتسمحلي اتزوج واكسر مرتي
وغيرتك وين تروح من تدخل للملاهى كله كحا...
بابا هذا مابي غيره وحرام
تدري الكح...اشرف منك عالاقل شغله جوز من هاي السوالف...وانتى احمد بسلا هم تروح لهيج مكانات
احمد: لا استغفر الله اني رجال خاطب خو مو من اول الطريق اخونه حتى الله مايرضى
مروان: هسه عوفونه من هذا الموضوع...الاسبوع الجاي
اعقد واريدكم موجودين
شنو ولك خاطب ومادكول
صارت بسرعه بسرعه
اسر: طلعو احمد وعلاء
بت عمك موو
مروان: اي
الله يتمم على خير
تسلم
_______________________________
يارا: شوفي ميلان مروان يكول راح افسخ الخطوبه
ميلان بصدمه: شنووو لييييش
لان حجابج مو عدل
اني هذا لبسي
ميخالف لازم تعدلين حجابج هاي اني اصغر منج والبس حجاب كامل
ما احبه والله
شوفي اني وياج اهلنه ماجبرونه على الحجاب من واحنه صغاار خلونه براحتنه نلبس نطلع ونطب براحتنه
بس هسه كبرنه واحنه بالعراق الناس تاكلج ماترحم وشوفت عينج اكثر البنات محجبه هسه مانلبس عبايه بس حجاب
لارد
مو داحجيييييي وياااااج
اي اسمع
اي يعني تعدلين حجابج خوش ماتعدلينه مروان يفسخ الخطوبه
احاول
اني هم جنت متضايقه منه بس بعدين حبيته كولش
حدد مروان هذا الاسبوع يعقدون لان كلساع سالفه شكل حضرنه للعقد
واني وميلان رحنه اشترينه بدلات وحجزنه صالون
ماعزمو هواي بس صديقات ميلان وواصدقاء مروان
وشكم واحد من اصدقاء عمي ونسوانهم لان عمي علاقاته جبيره
اليوم العقد
اجه مراد اخذنه من الصالون لبيت عمي
دخلنه للبيت جايين المعازيم صعدت لفرفة ميلان لبست فستان وردي ومكياج وردي
نزلنه لجوه وامي وعمتي محضرات كلشي
عقدلهم السيد
وامي تهلهل
اجه مروان لبسه الذهب والحلقه
واني اصور كل الاحداث
طلع مروان كامت البنات تركص وريان ماقصرت شنو لابسه فضيحه واني اخت العريس هم ركصت شويه
كملت الحلفه وكله طلعت
واكفين اني وميلان نصور دخل مراد و يزن
يارا بهمس: اني صاعده ابدل
ميلان: هسه اجي وراج
صعدت لغرفة ميلان قبل لا ادخل للغرفه حسيت احد وراي التفتت شفته يزن سحبني من ايدي وكفني بالممر مال الغرف
يزن:
.
.
.انتضروني بالبارت الجاي
أنت تقرأ
الضابط و المهندسه
Ficção Adolescenteقصه تتحدث عن بنيه لام اجنبيه واب عراقي ترجع للعراق حتى تكمل حياته...تحب ضابط عراقي وتبدا حياة جديد ❤❤ قصه باللهجه العراقيه وهاي اول قصه الي عالواتباد اتمنى تدعموني والقصه تنال اعجابكم
