الضابط و المهندسه

البارت الثاني عشر

اجيت اطلع صار كبالي نفس الضابط الشفته بالشركه
انتى شتسوي هنا
تجاهلني ودخل كعد...اني مخبله شلون اكله هيج غير جاي خطار بس نصدمت...دخل مروان سلم عليه وصاحلي كعدت يمهم
اجه بابا هم سلم عليه ابوي منين يعرفه
اسر: احم اريدج تسولفيلي كلشي صار بالتفصيل
يارا: بيدت احجيله من انخطفت من الأسواق لحد ماصحيت بالمستشفى
يعني ماشفتي احد
لا
ماسمعتي اي كلمه حجو بموضوع
لا ابد
زين وقعي هنا
شوف اديه ماكدر اوقع
مروان وقع انتى بمكانه
وقع مروان بمكاني وكام الضابط
اني اترخص
عمار: اهلا وسهلا ابني ومشكور على وكفتك ويانه
الشكر لله عمي
يارا: طلع الضابط واني رحت للصاله لكيت امي كاعده
ميرال: ها امي شصار
ما صار سولفتله كلشي وراح
رحم الله والديه والله لو ماهو جان هسه الله اعلم بحالج
وهو شعليه
شنو شعليه غير هو الخلصج منهم
هو هذا نفسه
اي
صعدت لغرفتي شباك البلكونه مفتوح شفته واكف ويه مروان يسولفون ويضحكون مبين علاقتهم قويه
ثاني يوم مروان رجع مبايلي لزكته مكسره وحافضته مشخطه كلت اشتري غيرهن
_______________________________
منار: يمه هاي ثالث مره يتقدملي شخص هالمره ما ارفض علمود اسر كافي سحلت روحي سحل وهو ولا معبرني
منال: ولج املاكنه كله بيده سوي كلشي بس كون تتزوجينه
شسوي يعني شسوي اكثر من المسويته تره ابنج الطيحنه من عينه لو ماسوالف جان احترمنه انتي اكبر منه مايحترمج تريدينه يتزوجني مستحيل
سلام: ولج احجي عدل
اسكت بله كله منك صار سنين نحاول ونحاول نرجع الفلوس وانتم حاطينه وسيله تسحبون منه فلوس بالمستقبل يجوز بعد محد يتقدملي راح اوافق على هذا الولد وخلص ماريد اسر بعد
منال: يطبج مرض اني كتلج حاولي بس انتي ثوله
لو تتزوجين اسر تعيشين بالجنه بيتهم شنو املاكه شنو رتبته شنو ماعايزه كلشي
سلام: لاتخافين يوم اني احاول اسحب منه بحجه زواجي
خل نشوف ولو ادري بيكم كلشي ماكو بس نشوف
_______________________________
بعد مرور اسبوع
اسر: رجعت  للبيت لكيت ياسر موجود
اكول يومي كله مصخم من الصبح لان راح اشوفك
ياسر: الله يطيح حضك هو هذا هم استقبال
حضنته...الحمدالله عالسلامه
الله يسلمك
شرجعك
ولك غير انتى وابوي خابرتوني تريدوني ارجع
اي نسيت
اي يمه بمناسبه رجعتي اريد وليمه من ايدج الحلوه
سناء: تدلل يمه من عيوني
اسر: وليمه المن هو جدر دولمه وهاي هيه
ياسر: شنو شو صاير بخيل مو كل فتره تتبرع مدري شكم مليون لو من تصير السالفه يم ياسر تبخل....والله لعبت روحي من اكل الاجانب ماااصخ
سناء: ماعليك بي يغار منك
اسر: يمه تره اني الصغير المفروض ادلليني وهو يغار مني
ياعمري هو اني يمتى مفرقه بيناتكم...
_______________________________
يارا: كاعدين بالصاله ومراد يفتح بالشاش
ااخ على كيفك
مراد: والله لو ماخذينج للمستشفى يشلعونه شلع مو مثلي شويه شويه اوخره
متشوهات اديج يحتاج عملية تجميل
اي والله لسه بيهن أثر الله ياخذه الله ينتقم منه
مروان: تؤ لاتدعين عليه بالموت بلكت نلزمه
امين...يله يمعود فضهه
مراد: وجع تره اني مفضل عليج هسه
بابا اني موكتلك اخذني للمستشفى احسن مايذلني مراد
تعااال انتى وخره
عمار: كافي تتناكرون وسكتي
خلص مراد ضليت اباوع على اديه احسن مو اديه ادين شخص ثاني
شووفوهن نفس كبل
ميرال: هههه اكيد نفسهن يعني غيرناهن بس مستغربه لان صار فتره ملفوفات تتعودين
والاثر
يروح ويه الوكت
_______________________________
الساعه ال8 مساء
محمد: بيبيتك سمعت بيك رجعت روح شوفه
ياسر: اي والله مشتاقله حييل شويه واروح
سناء: بعدك تعبان خليه لباجر
لا نمت هواي ماتعبان...اسر نروح بسيارتك لان سيارتي صار هواي واكفه مادري شنو بيه
اسر: خوش...كملنه عشه وطلعنه اني وياسر لبيت عمي عامر
فتح الباب سلام
سلام: الحمدالله عالسلامه
ياسر: الله يسلمك
تفضلو
اسر: دخلنه الحجيه اخذته بالاحضان لا هو الجبير بين ولد اعمامي
الحجيه: هلا هلا بالغالي هلا يبعد روحي
ياسر: هله بيج حجيه والله مشتاقلج
وين كطعت بينه صارلك مدري شكم سنه
مو قبل سنتين اجيت
ياا يكلي سنتين والله ودي اكعدك هنا كبالي وماتفاركني
اذا هيج الحجي السفره الجايه اطول اكثر حتى يزيد حنانج عليه
الكل: ههههههه
منار: شلونك اسر
اسر ببرود: هله
اباوع للحجيه تخزر بمنار لان لابسه كصير وضيك والله لو تصير ملكه جمال العالم هم ما اباوعلهه
الحجيه: اي يمه نزوجك قبل لاترجع لسوريا
ياسر: شنو هاي حجيه شنو سوريا...روسيا
اخربط بيهن لان نفس الحروف
اي حقج
اي نزوجك
محد تقبل بيه
ياا اسم الله شبيك ولك بس شهادتك شحلاته
اني اكلج محد تريدني
اسر: شويه وطلعنه صعدنه بالسياره
اي دكتور ليش محد تقبل بيك شنو بسلا بيك شي وتفضحنه
ياسر: انجب شنو هاي سوالفك المكسره...ولو اني ما أمن بيك بس انتى اخوي الوحيد
شوف حبيبي اني احب بنيه وياي هناك بروسيا
ومنو يخليك تتزوج روسيه
مو روسيه عراقيه بس تدرس هناك بروسيا البنيه حبابه ما معيوبه حلوه
يعني صارحته
لا يمعود وين مره ردت احجي وياه طردتني طرده ما انساهه طول عمري
والله بت اصول
اني من هاي الطرده كبرت بعيني اكثر...اني مراقبه هناك الشباب حلوين شكر وحمر ماتباوع على احد لو تحجي ويه احد
يعني تريده
اكيد
خير انشالله عود كول لامي
لا لا من نتخرج اتقدملهه
_______________________________
يارا: كاعدين بالصاله ناكل كرزات ونتابع فلم رعب
اني كاعده يم بابا وحاضني
مروان: يابه رايدك بموضوع
عمار: خير كول
اني قررت اخطب
ميرال: يا الله ومنيه
ميلان بت عمي
عمار بابتسامه: جنت متوقع هذا اختيارك
يعني ماعندك مانع
لا ابد ميلان خوش بنيه وبت عمك ورابيه كدامك وانتى تعرفهه كلش زين
وانتي يوم
ميرال: ياروحي اني ماعندي اي مانع والله ميلان ورده شحلاته
مراد: بس البنيه تدرس
يارا: واذا يتزوجون وتكمل مو صح
حجة الناطق بأسم العالم انتي ليش تكمزين من يمج
اعرف الجواب ليش مجاوب...يمتى تروحون تخطبون
عمار: مستعجل؟
مروان: والله اني اكول نخطب ونعقد والاباقي على كيف
مراد: شنو هاي شو مستعجل...غمزله
مراد اتأدب
يارا: باجر جمعه ونروح
عمار: شو انتي هم مستعجله
اريد احضر عرس من زمان ما طالعين مناسبات
ههه من اتزوج اني اعزمج بعرسي
يااااااا تتزوج على ماما والله ما احاجيك بعد
يعني ماتقبلين
اكيد ما اقبل
يعني اني لو متزوج قبل امج عادي لو ماترضين
اباوعلهم صفنو...قبل امي؟
اي
مادري اعتقد قبل امي هاي جانت حياتك الخاصه محد يعترض لان ماصار هذا الشي بوجودنه حتى نعترض
شنو هالتفكير الحلو هذا هههه
ههههه
_______________________________
اسر: كاعد عد صبا ودك مبايلي عدلت كعدتي وجاوبت
الوو
سلام: صباح الخير
صباح النور
شلونك
كول
موجود بالبيت
لا طالع
رايدك بموضوع يمتى اشوفك
اني اجيكم بالليل
تمام انتضرك
سديته
صبا: منو حبيبي
شعليج
بس اسأل
كمت لبست ساعتي وشلت غراضي
وين رايح
عندي شغل
ما صارلك هواي من اجيت
دخيل الله شكد تلح...طلعت بسرعه
_______________________________
يارا: الصبح  رحت للجامعه فايتتني محاضرات اخذته من سما
رجعت ب3 خابرت ميلان
هلا بالعروس
ميلان: هلو منو العروس
انتي
اني؟
منو خطبني واني مادري
اليوم نجي نخطبج لأخوي مراد
مرااددد!!
شنو ولج بس لا ماعاجببج اشكر ودكتور شتريدن بعد
ولج انتي تدرين اني احب مروااان
بعد هذا حجي ابوي
ومراد موافق
اكيد موافق
عزاااا وشلون
شنو شلون اكلج بلليل نجي نخطبج
ماوافق اني احب مروااان والله ماتزوج غيره
اني هم ضايجه والله اريدج لمروان
زين مروان ماكال شي
لا ماكال شي
ووووولج شلون ماكل شي
عود من نجي كولي مموافقه
انتي متأكده مروان ما حجه
اي اصلا جان بارد ولاكال شي...يااا ليش تبجين
لعد شلون ما ابجي هو كال بس تكملين اخطبج شلون هسه هيج يغدرني
يله هيه قسمه...اني اروح
سديته...والله كسرت خاطري بس شسوي لازم اغثه شويه
بدلت حتى نروح نخطب
لبست بنطرون رصاصي وقميص ماروني وحجاب اسودوحذاء بيضه