الضابط و المهندسه

البارت التاسع عشر

::تعشگ ونص دينك يكملة ٱلغريب هو شمخرب العشگ غير النصيب 💔

اريد اكلج شي اني حاس بي من زمان بس ما متأكد منه وهسه تأكدت واتمنى تفهميني
كول شنو
احس كلبي راح يطلع كد ما ارجف مو خوف بس شعور يخليني اتخربط
اني احبج
بلعت ريكي ورجعت اقره شنو كاتب من جديد معقوله
وعلي ما اصدك
ضليت ساكته
مصدومه
وفرحانه
وارجف
وينج
اي وياك
راح ادك عليج
لا لا
ماشي
لارد
كولي شي ليش سكتيي
مادري يعني شكول
اني احبج...انتي تحبيني؟
مادري
يعني ماتحسين مشاعر تجاهي
اريد اكله اي احبك بس خجلانه
مادري
يااااالله لادكليلي ماادري شلون ماتدرين؟
لارد
زين اني راح اعوفج تفكرين ويه نفسج وتكتشفين
مشاعرج تجاهي...وثقي بالله اني ماعندي شي وياج ولا جاي العب مثل بعض الشباب صدكيني غرضي شريف
انتضر جوابج ماشي؟
باي
يمه كلبي
هو كالي احبج
يعني هو يحبني
اعترفلي
واني احبه
يعني قصه حب
يااااااااااااربي شكد حلو هالشعور
طلعت ركض من الغرفه لغرفة مروان دكيت الباب
طلعت ميلان
ميلان: شبيج
وين مروان
نايم
تعاي تعاي
سحبته لغرفتي وفتحت المبايل طلعت المحادثه وشافته
ضلت فاتحه عيونه
ولج هذا معترفلج بحبه
اييييييي
وانتي عود خجوله وثكيله وثول ليش ماكتيله احبك
خفت
منين خفتي شكد ثوله هسه هو كالج اريد جواب شدكليله
اكله اكو مشاعر بس ما اعرف اذا حب او لا
راح يكرهج ويعوفج
ليش؟
كوليله اني هم احبك
استحي
حبي الحب مايعرف خجل وثكل الناس تسوي المستحيل علمود الحب وانتي اعتراف ما دبرينه
ماكدر هيج من احجي وياه لو من اشوفه تلزمني الرجفه واضل اخبط بالحجي وكلبي يدك
اي ادري أني هم جنت هيج من احجي ويه مروان نفس الحالات تصير وياي...انتي لمحيله مو اعتراف كبل
تمام
كل مره احذف المحادثه خاف واحد يفتح مبايلي ويشوفه بس هالمره كاتب احبج ماكد احذفه
ب5 اخذت المبايل ونزلت للمطبخ
طاقتي قويه
نشيطه
ودي اطير
محتاره شنو اسوي
اكثر شي
يعبر عن
سعادته ابتسامتي
دخلت للمطبخ لكيت ربى
طلعت مواد الكيكه وطلعت اغنيه اليسا
اول مره تحب ياقلبي واول يوم اتهنى
وكعدت اخبط واغني وربى مبتسمه
ربى شغلي الفرن
ربى: اي
شغلته وحطيت الكيكه وخبطت كريمه
واغني
ليه بيقولو الحب اذيه
ليه بيقولو شكه ودموع
اول حب يمر عليه املي الدنيا فرح وشموع
افرح وامله الدنيا اماني لا انا ولا انتى هنعشك تاني
افرح وامله الدنيا اماني لا انا ولا انتى هنعشك تاني
اول مره
اوووول مرررره
شلوني به خوش اغني
اي حلو
دخلت عليه امي
ميرال: يا يا دينا الغروب حرااام الناس تفتح قران انتي مطلعتلي اليسا
يارا: نسيت
طفي طفي بسرعه
طفيته
شنو هاي شتتملعبين
حرااامم عليج دكولين عليه هيج كاعد اسوي كيك
لعد المطبخ ليش هيج مكلوب
هسه ارتبه
يله اريد احضر العشه
ساعدت ماما بالعشه وزينت الكيكه وجمدته
كعدنه نتعشه
مراد: شو اليوم مبتسمه
هو اني يوميه مبتسمه بس اليوم ابتسامتي اكبر
اي هو اني مستغرب لان اليوم اكبر
وانتى حاط عينك على ضحكتي
عمار: شكو اليوم سمعت صوت واحد يغني وصوته حلو
صدوك صوتي حلو
يعني انتي التغنين
امممم
اي حلو
ميلان: شتغني من اغنيه؟
مراد: اول مره مال اليسا
هاااا
يارا: خزرته هاي تفضحني ادري بيه
غسلت المواعين اني وميلان لان ربى وسحر راحو
صعدت اريد لغرفتي شفت مراد كاعد بغرفه اهلي دخلت يمهم
كاعد يقنع بامي تحجي ويه ابوي يرجعله السياره
ميرال: واذا مقبل
مراد: انتي احجي وياه وشوفي
مو اخاف هم تدعمه
هسه انتي خايفه عالسياره
لا يمه اخاف عليك خل تولي السياره بس هالمره الضربه بالسياره تخاف الثانيه تجي بيك
هسه ليش تفاولين علين
ياا اكو ام ماتريد ابنه بس غير انبهك
هسه عوفي التنبيه عود من يرجعلي السياره نبهيني خوش
شفت ابويه دخل للغرفه كام مراد باس راس امي وايده
واني صافنه
عمار: هااا شو مجتمعين
مراد: اي يابه اني متعود كل يوم قبل لا انام ابوس راس امي وايده ماكدر انام متعود
اني حاطه ايدي على حلكي واضحك ابويه يدري بي جذاب بس يغلس
تسمحلي ابوس راسك
باس ابويه من راسه
عمار: لوتي على خوالك...رفع اصبعه بوجه مراد...
شوف لا عبالك تتلوكلي ارجع السياره
لا يابه السياره وراعيه جوه رجلك
اي عبالي انوب تريد تندعم وتروح انتى والسياره
والله متفائلين هواي بموتي
يارا: يله تعال تعال
سحبته وطلعنه
مراد: ولج شدكولين يسمع كلام امي
انشالله
عود ادعيلي
ولو ماتستاهل بس ميخالف خاف احتاجك توصلني ترجعني
امشي انطمري امشي
دخلت لغرفتي بدلت
وطلعت صورته بالمبايل
وحطيت السماعات طلعت اغنيه
وحضنت المبايل واردد ويه الاغنيه
اجاني صوت اشعار مال رساله
اكيد الرساله من عنده
رفعت المبايل باوعت
رساله من اسر
اسر: مساء الورد
يارا: مارديت حتى مايكول هاي منتضرتني كبل جاوبت
مرت عشر دقايق بعده متصل...رديت
مساء النور
منتضر ردج ديريبالج دكليلي ما ادري اذبحج
ضليت ساكته ومحتاره اكله لو لا
احجي لاتسكتين
ضليت اكتب وامسح اريد ارتب الكلمات ماكدر
مشاعري تجاهك مخربطه ماعرف شلون اوصفه
يعني اعجاب حب انطيني راس الخيط
اسر شنو معنى كلامك شتريد مني
اني احبج ونيتي وياج ابد مو نيه خبيثه ورايدج بالحلال
صدكي حبي الج نقي واني مستعد باجر اخطبج بس كولي اي
شعور الفرح حلو
احس وياه عالم ثاني
حلو ومختلف
كلامه يسحرني
ماعرفت شنو اكله
وشرد عليه
ما اعرف اجمع الكلامات
ابد
يارااا
هاا
ولج موتي كلبي احجي لاتسكتين
ثواني ودك عليه ضليت خايفه ماكدر اجاوبه فصل ورجع دك
جاوبته
دخيل ربج شكد بطيئه...هااا ماتحجين
اي
اريد موافقتج
انتى متأكد تريدني زوجه
اي متأكد
انتى تعرف ماضيي وحياتي كامله يعني مقتنع بحياتي
مقتنع كامل القناعه...وماتهمني حياتج قبل وعلاقتج بأبن عمج جانت علاقه عابره وانتهت بالانفصال ما اعتقد هذا شي يأثر
لارد
كولي احبك اني ادري بيج تحبيني بس ماتعترفين
منو كالك احبك
والله تحبيني
ههه
هسه شلون دليني على درب امشي بي
يادرب
احجي ويه اهلج
بكيفيك
اذا بكيفي اني اريد احجي وياهم ومستعجل هم
مادري
يعني ترضين احجي
لارد
السوكت علامه الرضا
كافي اسر روح
ههههههه
سديته ولزمت كلبي
دخيلك ربي
عود صدك يخطبني
واني غبيه كمت اخربط بالحجي
نمت والصبح رحت للجامعه
سولف لسما كلشي صار
سما: يعني كالج اخطبج
اييييي
واذا خطبج توافقين
اني احبه اكيد اوافق
بله حلو شعور الحب
اذا من الطرفين يجننن حلو حلو حلو
يله تصيرون ضابط ومهندسه...عود اعزميني بالعرس
ههههه انتي مستعجله اكثر مني
والله ضوجه اريد عرس فاتحه اي شي الهم طلعه
ههههههههه
رجعت للبيت كبل لغرفتي بدون غده فتحت المبايل مالكيت رسائل
بدلت وكعدت ادرس
دك مبايلي...مراد
الووو
مراد: وينج
بالبيت
تحديدا وين
بغرفتي
شو ما اشووفج
اي ادرس
اي خوش براحتج
انتى وين
بالصاله
انتى صدك ماتستحي يعني وياي بنفس البيت وماتجي تسأل عليه تخابر بالمبايل واني اختك الوحيده صدك ماستحي
دولي مو صوجج صوجي اني داك اسئل عليج
سد المبايل بوجهي
عكر مزاجي بيني وبين غرفته امتار ومايجي يدك الباب
عديم الاحساس
الصبح كعدت ماكدر نحلانه الجو بارد رجعت نمت مارحت للجامعه
ب9 سمعت صوت امي تتلمس كصتي
ميرال: يارا يارا شو امي كعدي شبيج
تعبانه
شجاج امس مابيج شي
عوفيني انام
سحبت الغطه عليه ميته برد
شوفي روحج مصخنه كومي سبحي وانطيج علاج
عوفيييني
طلعت وشويه وسمعت صوت مروان
مروان: يارا شبيج يروحي
فتحت عيوني شويه ورجعت غمضت
هاي مصخنه
ميرال: اي حاجيه حتى دكوم تغسل اذا تبقى ملفله ماتروح الصخونه
فتحي عيونج ولج
يارا: اكو واحد يسبح بهذا البرد هسه شويه واصير زينه
وخر مروان الغطه عني واني ارجف شالني للحمام
يمعوووود نززززلني
مروان: اششش فضحتينه باع شلابسه اكيد تتمرضين شيدفن ذني ملابسج
نزلني بنص الحمام واني ارمش كوه اشوف
غسلي وبدلي ونزلي نتريك سوه تاخرت على دوامي بسببج موو وتأخرين
هزيت راسي نزلو واني غسلت ولبست ونزلت كعدت اباوع عالاكل ونفسي تلعب ماكدر اكل لازمه الكلنكس وبس اعطس
كوه جبرتني امي شربت حليب وياه كيكه مروان وصه امي عليه وراح
كمت مددت عالتخم بالصاله
ميرال: اذا تضلين نايمه تتعبين بالزايد
ماكدر
هسه اخابر ابوج يجيبلج علاج
كعدت ميلان تسويلي كمادات
للضهر اجو وبابا بيده علاج
عمار: يله بابا كعدي شووو ليش هيج مصخنه ميرال سويتيله كمادات
اي
يله كومي تغدي واخذي العلاج ويتحتاجلج ابرتين تصيرين زينه
كمت وياهم كعدنه اكلت لكمتين وكمت اخذت العلاج وماما ضربتي ابره ونمت
كعدت ب8 بليل الغرفه دافيه واني عركانه كمت سبحت وبدلت فتحت المبايل لكيت رسائل من اسر
اريد اجاوبه ونفتح الباب بسرعه طفيت المبايل
دخلت ماما
ميرال: ها زينه
احسن من الصبح
عركتي
اي عركت
اي يعني راحت الصخونه من الابره نزلي تعشي
كولي لسحر تجيبلي العشه ماريد انزل
براحتج
نزلت امي واني فتحت المبايل جاوبت اسر
جنت مريض ومافتحت المبايل
دقايق ورد
اسر: سلامات شبيج
صخونه
بيه ولابيج حبيبتي
اسم الله عليك
اخذتي علاج
اي
باجر عندي مفاجأه الج
شنو
باجر تعرفين
كول شنو
لاتلحين
اوك
راح اتصل اريد اسمع صوتج
تؤ تؤ لا...يله باي
هاي تطرديني
لا بس كافي حجينه هواي
هواي شنو هيه عشر دقايق شو مستكثرته عليه
ميخاالفه روح
سديته وكعدت اخمن شنو الهديه
ضليت لل2 ادرس واصفن افكر شنو الهديه
_______________________________
اسر: شكد احاول اسحب منه الكلام ماكدر دوم تتعذر وتتهرب هيه اكيد تحبني لو ماتحبني ماجان بقت تحجي يواي بعد ما اعترفتله
جنت كاعد بالصاله وامي والحجيه يمي
اكول حجيه
الحجيه: كول يمه
انتي شكم مره رايحه للحج
مره وحده
اخذج الثانيه على حسابي بس بشرط
شنو الشرط
اريدج تخطبيلي
صلاوات على محمد اي يمه اخطبلك كول منو
سناء: صدك تحجي لو تضحك عليه مثل كل مره
اسر: لا يمه شنو اضحك عليج صدك اريد اتزوج
صااار من عيوني تددلل....منيه؟
يارا اخت صديقي مروان
صفنت شويه وبعدين كتلت...اي اخطبه الك خوش ناس ونعرفهم والبنيه من شفته اول مره كلش حبيته مودبه
وانتي حجيه
الحجيه: والله اني ما اعرفهم بس البنيه اني شفته حبابه
سناء: هسه يجي ابوك واكله ونشوف
اسر: ابوي شعليه البت الي مو لابوي
ادي الك بس ابوك لازم تاخذ رأيه عيب
ولو رأي اهم بس يله
كلللللللوش
ههههه
اجو ابوي وياسر
محمد: المن تهلهلين
اسر عاجبته بنيه ويرد يخطبه
اي يالله ومنين البنيه
اسر: يله يمه الباقي عليج
كعدت امي تشرح لابوي عن اهله
محمد: سامع باسم ابوه بس ما اذكر وين
اسر: يابه ابوه دكتور بمستشفى ال... واخوه الصغير هم دكتور واخوه مروان تعرفه ضابط وياي
اي بس ما كتيلي البنيه شتدرس
سناء: ثاني سنه هندسه معماريه
ياسر بهمس: طاحك يا ناقص حاط عينك عالبت ومادكلي
اسر بهمس: وانتى شعليك
اني موكتلك انتى ليش ما دكول
اني ما أمن بيك
لا انتى زايح المستحى فد مره
اي يمه باجر تروحين تخطبيه مو
سناء: اي باجر
محمد: وانتي عليمن مستعجله
تدري بيه بسرعه يمل ويبطل عليه واني ماصدكت يلكاله وحده تعجبه البنيه حلوه وحبابه واهله خوش ناس هاي هيه
بس خل اعرف ابوه منو واخطبي
براحتك
ثاني يوم ابوي راح سأل على ابوه ابوي يدقق بأصغر التفاصيل
عرف ابوه منو وكال لامي تخطب
_______________________________
الصبح رحت للجامعه
جان اول محاضره  تصميم
كملت واجيت اطلع سمعت الدكتور
الدكتور: ياراا
نعم استاذ
بابا ليش امس ما اجيتي
جنت مريضه وماكدرت اجي
عندج العافيه
الله يعافيك
طلعت كعدت يم البنات خلص اليوم ورجعت للبيت
ميلان كالت اريد اروح لاهلي امي مريضه واني كلت اروح وياه تحضرنه وصلنه مراد وراح
سلمنه وكعدنه اجه تيم ابن يزن عمره سنه
ميلان: هله هله بالحلو تعال بوسني
اجه باس ميلان وكعد بحضنه وضل يباوعلي اني مو دائما اجي الهم فما يشوفني
امك وين
نورينا: زعلانه عد اهله
ههه ليش
هيه واخوج مايكولون شكو
دخل يزن كام تيم يركض شاله يزن
يزن: مساء الخير
الكل: مساء النور
كعد يمنه..كام تيم يلعب  بالالعاب اني ضجت من الكعده كمت يم تيم حطيته بحضني
يعمري شنو هالعيون الحلوه شبيهن سنونك شلون تاكل
يباوعلي ويضحك ويصفك
نوريتا: شكد جنت اتمنى يجي يوم واشوفج جنتي بس الله ما قاسم
يزن: ليش مو الشرع حلل اربعه
يزززززن اسسسسكت
ابتسم ودنك
ليش حرام هيه بت عمي عادي اتزوجه
كتلللك اسسكت
ميلان: وين جنت عن هذا الحجي من تزوجت ريان
يزن: هاي حياتي اتزوج قبله اتزوج وراهه محد يدخل
ضلو واحد يرادد الثاني اني خفت وضجت كولش
ميلان يله نروح
نوريتا: معليج بي يمه هذ...
لا عمه شعليه بس تأخرنه...ميلان ترجعين لو لا
ميلان: لا امي تعبانه ابقى يمه
اوك طلعت مبايلي ادك على مراد
خلي يزن يرجعج
لا لا
نوريتا: اي يمه هو يوصلج ماعنده شي كوم وصل بت عمك
باوعلي بطرف عينه ودنك على مبايله
لا مراد كال اني اجي اخذج
كام يزن سحب السويج وطلع كدامي
بوست عمتي واخذت جنطتي وطلعت لكيته كاعد بالسياره احتاريت اصعد بالصدر لو بالوره
كلش خايفه منه
اكثر من مره حاول يتحرش بيه
ما أمن على نفسي وياه
بس هسه هو متزوج وعنده طفل
يعني شيريد يسوي
كعدت بالصدر
حرك السياره يمشي على كيف وساكت وصلنه قريب عالبيت وكف السياره وقفل البيبان وباوعلي
بلعت ريكي
ليش وكفت
كوليلي شنو الطريقه الاستعمله وياج حتى تتقبليني
حجينه هواي بهذا الموضوع
انتي تفهمين كلامي تفهمين شنو احبج والله غلطه وصارت ونتيجته خسرتج ماتدرين شكم ليله اني مانايم بسببج جنت كلما اكلج خل نتزوج ترفضين واني شاب والي غايتي وانتي تعبتيني ماخليت طريقه ما استخدمته وياج شسوي اكثر بعد....جان املي بابوي يحجي ويه عمي بس مات امي معانده وماتقبل اتزوجج
يحجي وعيونه مدمعه
قهرني
بس اني ماريده
احب اسر
لزم ايدي فزيت بسرعه احاول اسحبه منه ماكدر
يزززن عووف ايدي
تره اكدر اسوي بيج السويته ويه ريان وتنجبيرن عليه
.
.
.
انتظروني بالبارت القادم