الضابط و المهندسه

البارت الثاني والثلاثين

اسر: يلله حبيبتي كملتي
يارا: اي اجيت
جنت خايفه اروح بس ماريد ابقى على هذا وضعي
راحت ويانه خالتي وماما
ماما جانت اول مره تشوف هيج شي وتسمع بي ابد ما مار عليه هيج احد
لان هناك بامريكا مو مثل العراق هناك ماكو ناس تشتغل بالسحر
ناس مسامله كل واحد ملتهي بنفسه
واذا يريد ينتقم من احد الدوله تتصرف
هنا بالعراق الدوله كلشي ماتسوي فتلجاء الناس للسحر
وصلنه للسيد ودخلنه سولفتله كلشي يصير وياي وكل الكوابيس وكلشي بالتفصيل
وجان جوابه
انتي متعرضه لسحر قوي وهذا هو نفسه سبب اجهاضج مرتين وكرهج لعائلتج وكل المريتي بي جان سببه هذا السحر والمسوي شخص قريب عليكم وهذا السحر قوي لازم تلكون السحر حتى ترجعين نفس ماجنتي
اسر: سيدنا وين نلكه السحر
السحر موجود ابيتكم
كلهم ضلو صافنين
منو و
شلون
محد يعرف
انطاني ماي اسبح بي وحرز وهيج شغلات ورجعنه
اسر جان يمشي سريع ومتخبل
امي كلش خايفه عليه وخالتي تهدي ب اسر
طول الطريق افكر
منو اله مصلحه يسوي هيج
ضليت اراجع نفسي معقوله مأذيه احد وماعرف
حتى ينتقم مني
شنو سويت اخذت حق منو
شلون دخل السحر للبيت
واحنه محد يدخل لبيتنه بس اقاربنه
والسيد يكول واحد من اقاربكم
منو من اقاربنه؟
ضلت الاساله تروح وترجع ابالي ومالكيت جواب
وصلنه للبيت اسر صف السياره بالكراج كال نزلو
دخل كدامنه للبيت يركض
اسر: كلام السيد وكف عقلي ولصت للبيت دخلت كدامهم
لكيت ابوي بالصاله
محمد: ها بويه شكاللكم
بعدين يابه بعدين
صعدت ركض للغرفة نكثتها نكث ماخليت مكان مادورت بي اجت امي
هم ادور وياي كلبت الغرفه كله ومالكيت شي
سناء: على كيفك يمه نلكاه وين يروح
مسحت وجهي بثنين اديه
ماكو وين يعني وين الكاه
خل ندور جوه بالبيت
لا هنا بالغرفه اني متاكد هنا لعد يارا ليش كاره الغرفه لان موجود هنا...ياسر وين
طالع
خابري خل يجي يشيل الجربايه وياي
يا يمه شيدخله جوه الجربايه ماتشوفه شكبره ومسدوده من كل الجهات مايدخل شي جواهه
لا يدخل هاي الكح...مايصب عليه شي لو يكلفه الامر تحفر الكاع هم تحفر وادخله
نزلنه لجوه جانت يارا كاعده وصافنه
خابرت ياسر اكثر من مره مايرد
كمت اريد اصعد وحدي اشيله
وكفتني امي
سناء: اوكف يمه يجوز اخوك عنده شغل وين تكدر تشيله وحدك هسه يطك ضهرك
يمه سهله اني ادفعه ماعليج
ميرال: زين صيح واحد من الحراس
لا عمه تريدين الناس تباوع على سوالفنه ماترهم صعبه
لعد انتضر اخوك
رجعت دكيت عليه جاوبني
وييينك انتى
ياسر: شبيك جان عندي عمليه ومبايلي عايفه بمكتبي شكووو
تعالي للبيت اريدك
غير دكول شكو
اكعد اشرحلللك بسرعه تعااال
يله جايك
والله وكعته هدت حيلي
منو هذا اليكره
شنو سوت حتى هيج تكره الناس
تذكرت كلام السيد
والمسوي شخص قريب عليكم
منو القريب علينه ويسوي هيج
ماكدر اشك باحد
ربع ساعه واجه ياسر
ياسر: سلام عليكم
الكل: وعليكم السلام
بشرو شنو كال السيد
اسر: صعدت الدررج وصحت
يااااسر الحكنييييي
يمه فهميني شبي ابنج يسحول بيه تعال وتعال
سناء: يمه ابجهال منا هو يفهمك
اسر: صعد وراي
يله كابلني نشيل الجربايه
ياسر: افهم من كلامك اكو شي بغرفتكم
اي السيد يكول سحر وموجود بالبيت
جانت الجربايه مسدوده من كل الجهات يعني داكه بالكاع ابره ماتدخل جوه شلناهه
وجواه فارغ بس انتبهت لوصله سوده شلته وفتحته جان بيه حجر لون احمر بلون الدم
ياسر: ها هو هذا
اي اكيد هذا
نزلت شوفته لامي
سناء: اي يمه هو هذا اني اكول ترجعه للسيد وهو يتصرف
اي هسه اروح
ياسر: اجي وياك
يارا: بس شفت الحجر البيد اسر رجعت عليه نفس الحاله وضاك صدري اختنكت كلش وصرت ابجي من الخنكه
ماما انتبهت عليه انخبصو بيه واسر طلع بسرعه نيفين اخذت الاطفال لجوه
حسيت الهوى اختفه لحد ما اغمى عليه
مادريت بالدنيا شصار
وره فتره كعدت لكيت نفسي بغرفتي ورهف يمي
واسر يصلي
هاي غرفتي ورهف واسر يمي
واني مابيه شي
حسيت نفسي رجعت نفس ماجنت قبل
كمل اسر واجه كعد يمي
اسر: ها يروحي مرتاحه
اي
باس راسي وحضني
والله لو اعرف منو السوه بيج هيج محد يخلصه مني
بس باذن الله اعرف منو وين يروح مني...المهم هسه رجعتيلي مثل قبل
رهف: بابا اني هم بوسني
ههههه
حضنه ومددنه عالجربايه وكل شويه يسألني زينه
ندك الباب كعدت بسرعه
اسر: تعاي يمه
دخلت خالتي حطت صينيه الشعا واجت يمي
سناء: ها حبيبتي شلونج
جاوبته بابتسامه: الحمدالله خاله
يايمه الف الحمدالله والشكر والله مامصدكه تحسنتي
يمه اسر مو تنسى نذرك للكاظم
اسر: لا يمه شلون انسى انشالله بعطلتي اسوي
حبيبتي امج جوه تريد تروح تعاي شوفيه
يارا: نزلت لامي لكيته كاعده يم نيفين
حضنتني وتبجي
هياتني ماما مابيه شي
ميرال: يا ماما والله كطعتي كلبي...والله لو يعرف ابوج مايخليج هنا
لا شنو لادكلين لبابا فدوه
يمه ماشفتي حالج شلونه من اختنكتي عبالك ميت وطلعت روحه اسم الله عليج ياروحي رجعي وياي للبيت فتره
لا خليني هنا ابيتي وبابا لا دكوليله
يعمري انتي بنته الوحيده وتعرفين شكد يحبج اني لسه ما كتله عن السحر كتله مريضه ورايحتله وراد يجي وياي
بس اقنعته مابيج شي مو انوب سحر والله اخاف عليج
لاتخافين الله الحافظ
بكيفج ديبالج على نفسج حبيبتي وانتبهي لغرفتج ولاتحتكين بكل واحد والله ينتقم من الجان السبب
خالتي نزلت وسمعت كلام امي
سناء: ام مروان هاي بنتي تخافين عليه واحنه موجودين
مو بيدي والله هاي روحي وكلبي لو تدرين شكد تلوعت يله شلته بيدي مو تكبر واشوفه تتعذب كبالي واسكت
حقج بس انشالله بعد ما شي
يارا: اي ماما كلام خالتي صحيح خلص لاتهمين اني مو صغير
اجه مروان ياخذ ماما
نزل سلم عليه
مروان: شنو هاي ولج شو ضعفانه شبيج امي كالت مريضه
اي شويه بس هسه احسن
وين بتج والله مشتاقله
فوك
يله غير مره اشوفه
عفيه جيب ميلان وقيس وتعالو
وين مالحك احمك راسي اسألي امي ماكعد بالبيت
ابوج وكع براسي سالفة نقل الكاع الاشتراه وتعال يمروان انتى كمله
هههه يله غير انتى الجبير
وصتني ماما على نفسي للمره العاشره وراحو
رجعت لغرفتي لكيتهم كاعدين يتعشون واسر مربط رهف بحضنه حتى ما دكوم
رهف: ماما منو اجه
محد
وين بيبي ميرال
راحت
شهكت وكامت بسرعه
ليييش ما اخذتني ويااااه اريد مرااااد
اسر: بابا شلزكتي مراد ومراد خل يولي
يارا: حبيبتي عده شغل وراحت كالت غير مره اخذ رهف
لازم اجذب لان رهف كل مره لازم تروح ويه امي لاهلي
واذا كلت مروان اجه اخذه تلعب بيه لعب
رهف: ماااا مااا
اسر: رهفففف تعاااي امج تعبانه لاتخلين اكوم اشمرج من البلكونه
انتى ماااعليييك
كام اسر سحبه وحطه بحضنه وعاط بيه حتى تسكت
يله حبيبتي تعاي اكلي ويانه
كعدت يمهم اكل حسيت فرق جبير عن كل يوم
احس اني نفسي يارا
رجعت اضحك واسولف
واشتغل وما انام اله بغرفتي ورهف بحضني
واسر يمنه
ونيفين وياسر مبين زعلانين لان واحد يبسمر للثاني
وخالتي كل يوم اطكطك حرمل بالبيت والقران دوم مفتوح وعلكت المعوذات وايه الكرسي بالبيت
ياسر: يا يمه والله الوكت يخوف
نيفين: كله من هاي النسوان المشعوذه
لعد وانتي شنو ما محسوبه عالنسوان
عززااا خاله حاجي ابنج اني تحسبني من ذني الساحرات
الكل: ههههه
رهف: اني شفت ساحره شريره بالتلفزيون تخوف
ياسر: باع الفطيره تجيب ساحره التلفزيون ويه الساحرات العدنه هاي بس بالعراق هيج شعوذه
سناء: لا هم اكو بغير دول بس بعض الناس مايجوزون دوم متمسكين بالحقد والحسد الله يبعدنه عنهم
نيفين: امين والله يارا لو تشوفين حالج ابد ما عرفناج من وكعتي حتى رهوف استغربت بس ما حسسناه
يارا: الله لا يوكع احد بالمريت بي والله شفت الموت بعينه كرهت حتى نفسي
سناء: يارا انتي ديربالج على نفسج والله اني صرت اخاف من كال الناس بعد الشفناه بيج وانتي نيفين هم كلما يجينه خطار كريب غريب تقفلن غرفجن وتقرن المعوذات دوم
محمد: السيد ما كال منو السوه هيج
يكول واحد من اقاربكم...منو مانعرف؟
عمي ضل صافن والله السالفه تصفن شو كال اقاربنه مابيهم شي ويحبونه ونحبهم
للعصر جنه كاعدين بالحديقه ناكل كيك وعصير ياسر اشتراه جاهز
ياسر: هذا كله علمودج
اشترت على نفسي مستغربه
اني
اي نعم انتي
ههه شكرا شنو المناسبه
هيج مو ضروري يصير مناسبه
اسر عقد حواجبه ويباوع لياسر بطرف عينه هم مستغرب
ياسر مرات من يشتري لاطفاله يشتري لرهف بس مايحسب احسابي
ياسر: اكول ام رهف رايدج بموضوع
اي كول
كعد يمي ويحجي بصوت ناصي
هو الموضوع يخص نيفين صار اسبوع متعاركين علمود دوامه اكله الاطفال زغار عوفي الصخام دكلي لا دوامي مااعوفه وتعرفين احاجيه مني واحجايه منه وكبت العيطه وتعاركنه اريدج تحجين وياه وتفهمينه عده ثنين وتهم بالدوام شلون انتي مثل اخته وصديقته واكيد تسمع منج
تمام انشالله احاجيه
لليل رحت لنيفين لغرفته لكيته ترضع بدانه
سولفنه بمقدمه طويله حتى امهد الطريق للموضوع
نيفين: اني تعارك ويه ياسر لان مايقبل اداوم
اي غير التؤم بعدهم صغار
هيه اجازه الامومه وخلصت لازم ارجع للدوام
بس مايصير انتي بالدوام وياسر بالدوام خطيه اطفالكم
هاي كل اليصير عنده توم هيج يتبهذل
ولج لادكولين هيج هاي نعمه
الحمدالله بس هاي وضيفتي دفعت دم كلبي عليه سنين اني بالغربه جنت احب الاطفال وكل عمري احلم اصير دكتورة اطفال وهسه ياسر يكلي اتركه علمود اطفالي
ليش تتركيه اخذي اجازه
ياسر يريدني اقدم استقالتي
صدددك؟
والله
واني عبالي يريدج تاخذين اجازه بعد
لا واني لو اموت ما استقيل ماصار كم سنه من تعينت
اخذي اجازه ثانيه
يقطعون راتبي
اي واذا راتب ياسر موجود
ضليت اقنع بيه واشرح موقف ياسر
طلعت لغرفتي تذطرت هاي الفتره هامله اسر
لبست فستان قصير و حطيت مكياج وطفيت الضوه
وكعدت انتضره
دخل باوعت رواه رهف ماكو....كمت
حبيبي وين رهف
اسر: يا عمري والله انتي تحسين بيه عفت رهف يم امي
مشتاقلج
ابتسمت...حاوط خصري باديه
انتي احلى شي صار بحياتي
ياعمري والله حياتي بلياك ماتسوه كلشي...وياك عرفت شنو جمال الدنيا
هسه نضل نسولف تره بتج بأي وقت تسوي علينه مداهمه
ههههههه
وفتره متمده وراسي على ايده
سمعت بياسر يريد نيفين تقدم استقالته
منو كلج
نيفين كالت
ليش تقدم استقالته شعدهم
علمود الاطفال لان يردون عنايه وثنينهم بالدوام
تاخذ اجازه مره ثانيه مو تستقيل
والله حتى اني انصدمت من كالتلي احجي ويه ياسر حرام البت خلصت عمره تدرس تالي تستقيل
احجي وياه واشوف بس مو بكيفه
حسيت على صوت رهف تبجي
جنت نايمه واسر حاضني وخرت اديه وكعدت
يا روحي ليش الدموع يماما
رهف بدموع: ليش تعوفيني
ياكلبي وين اعوفج غير ناميه يم بيبي
اريد يمج
تعاي حبيبتي تعاي
اسر حس ورجع حضني من وره
اسر بنعاس: شجابه
اجت تبجي تريد تنام يمي
واني نسيتيني
انتى الليل كله يمي خطيه خليه
عض ركبتي رهف عاطت بي
رهف: لاتبوس ماما وخرررر
اسر: باع منو ينطيني ارشادات...انتي شعليج
يارا: كوم كوم لدوامك
كام بدل ونزل واني سبحت ونزلت سمعته يحجي ويه ياسر
اسر: صار اكثر من مره اشوفك نايم بالصاله لو هم مثل كل مره دكلي نسيت روحي ونمت هنا
ياسر: والله ياخويه مادري شكلك هذا حالي مضلوم
يمعود اني انام عالكاع انام عالتخم بس مال اعوفله الغرفه كله لا هاي ما صايره
الضروف تجبرنه شنسوي
كعد يتريك كلت افاتحه بالموضوع
اسر
اسر: همم
اليوم ارجع للدوام
رفع راسه...تره بعدج تعبانه
لا والله اخذت اجازه كلش طويله لازم ارجع
تمام بس اذا تعبتي رجعي صحتج اهم من الدوام
انشالله...رهف اخذه وياي
يكيفج
بدلت وبلدت لرهف