الضابط و المهندسه

البارت العشرون

لزم ايدي فزيت بسرعه احاول اسجبه منه ماكدر
يزززن عووف ايدي
تره اكدر اسوي بيج السويته ويه ريان وتنجبيرن عليه
فتحت عيوني مصدومه من كلامه كلبي نكمش واحاول افلت ايدي منه
حراام عليك كافي اعتقني شسويلك يعني ماريدك ما احبك هيه غصب
اي غصبببب غصبببن عنج تحبينييييي راح اخطبج من عمي واذا ما وافقتي يصير المامتوقعته ماشي
رجعني للبيت
اي ارجعجج
حرك السياره وصلت للبيت نزلت بسرعه
وجهي اصفر من الخوف وارجف
دخلت لاكتني امي
ياربي هسه شكله شلون ورطه
ميرال: شبيج يارا
ما اا بيه ش شي
يااا وجهج ليش اصفر مرت اخوج وين
بقت عد اهله
منو وصلج
اا ي يزن
لعد شبيج ترجفين
عفته وصعدت لغرفتي سديت الباب وكعدت عالجربايه
اجر النفس شويه شويه
دك مبايلي اسر
خفت اكثر احس نفسي خنته
صح ماسويت شي
بس مجرد وجودي
ويه يزن احس داخون اسر
دك لمن فصل
ماكدرت اجاوبه الخوف تملكني من كلام يزن
صرت اتوقع منه كلشي 
_______________________________
اسر: الصبح طلعت للدوام وقررت اخطبه من مروان احسن
خلص الدوام وعزمته عالغده
كعدنه بمطعم تغدينه
مروان بصراحه رايدك بموضوع
مروان: أمرني
ما يأمر عليك ضالم...تعرف علاقتي بيك وشكد صارلنه سوه وانتى اخوي وصديقي...واني اريد اناسبك
اتشرف بيك بس تعرف اني ماعندي غير اخت وحده
واني اريده...شفت اخلاقه نفس اخلاقك ماناقصه شي
بس هاي وحيده ابوي والقرار بكيفه
اي انتى فاتح اهلك بالموضوع وانتضر ردكم
والله انتى اخوي ولو الموضوع يمي ابد ما اتررد وانطيكاه وين الكه واحد مثلك يصون اختي
تسلم بس اني اريد الجواب منه
خير انشالله...يعني عزيمه اليوم علمود يارا مو لله
شنو ولك اول مره اعزمك
هههه خيرك سابق بويه ما اقصد
_______________________________
يارا: الضهر رجعت من الجامعه لكيت ميلان راجعه بدلت ونمت كعدت
ب6 لكيتهم كاعدين ينتضرون العشه
مروان يباوعلي ويرفع بحواجبه ومبتسم
ضليت مستغربه شبي!!
كعدنه كلنه عالطاوله تعشينه
وكمنه اني وميلان ويه امي ما تقبل لازم ندخل وياهه للمطبخ
اخذنه الجاي وكعدنه كلنه بالحديقه
الجو حلو بي نسيم بروده
اني مااشرب جاي بالصدفه
حطيت سماعاتي
وفتحت المبايل
مروان: يابه تتذكر صديقي اسر
بس سمعت اسمه بسرعه رفعت راسي وخفك كلبي
عمار: اي اتذكره شبي
اليوم حاجاني بموضوع...وكال اريد اناسبكم
ميلان غصت بالجاي
اني دنكت سويت نفسي ما سمعت
شلون موقف
اجيت اموت من
الخجل
والفرح
شعووور يجنن
صدك سواه وخطبني
يربي يعني اصير مرته
اوووف
عمار: هااا هو الولد خوش ولد وماشفت منه موزين
والله يابه سنين اني وياه اصدقاء من اول مرحله بالجامعه احنه سوه الولد اخلاق وادب ورتبه واهله خوش ناس وابوه دكتور يجوز تعرفه وانتى تعرف اسر ضابط وتعرف شنو خطروة شغله
اني ماعندي ماعنع ابدا بس القرار لاختك...ها بابا شدكولين
يارا: ها حاجيتني
اي شدكولين
على شنو شدكول
مراد: شنو ماسمعتي
لا شكلتو؟
والله محد يلحكني بالغباء
مروان: صديقي اسر خطبج اليوم
منو صديقك هذا المتصاوب
اي
هاا شمدريني
عمار: ههههه لعد نسئل منو
امم ا لا هو اااني ما ماعرف انتى بكيفك
اني ماريد اجبرج على شي حاي حياتج بالنسبه الي موافق....وانتي ميرال
ميرال: والله وكفت الولد ويانه من نخطفتي تكفي وتوفي حتى تثبت خوش رجال اني ماشايفته بس من كلام مروان مبين ما ينخاف على بتي وياه
انتي عمرج بعده زغير وبعدج تدرسين اذا ما موافقه كولي هاي حياتج وزواج مو لعب
يارا: ضليت ساكته ومستحيه دنكت
شوفي حبيبتي الج كل الوقت تفكرين من كل النواحي
شوفي شنو اليناسبج واحنه نرد خبر لاهل الولد
هزيت راسي اي
وكمت دخلت لجوه لزمت كلبي والابتسامه تارسه وجهي
دخلت ميلان
ميلان: فكري زييين
شفكر موافقه مووافقه هذا حب حياتي
ههههههههه لعد الف مبرووووك
شكرا
اليسمعج يكول عمرج بالثلاثين وتريدين تتزوجين
ههههه لا والله مو هيج بس يعني ماعرف شعوري شلون اوصفه بس احبه واتمنى اكمل حياتي وياه
الله يوفقكم انشالله
صعدت لغرفتي ضليت كاعده افكر
بي
وبهواي شغلات تخص حياتنه
وشنو العوائق
الصبح رحت للجامعه واني كل تفكيري يم الموافقه شويه متردده
وشويه اكول
لا احبه وهو يحبني
ليش اعوفه
احس اجتاحني خوف
رجعت للبيت تغديت وكعدت ادرس
وره العشه اجت رساله من اسر
اسر: موافقه؟
ضليت صافنه شنو اكتب نفتح الباب ودخلت امي
ارتبكت كلش طلعت من الواتساب وطفيت المبايل
ميرال: بعدج كاعده
اي
كعدت يمي عالجربايه
فكرتي حبيبتي
اي
وشنو قرارج
لارد
همم كولي شنو
انتم موافقين
اذا انتي موافقه ومقتنعه وتشوفين حياتج وياه حلوه ومستقره احنه ليش نعترض على سعادتج...بس اسئلج سؤال وجاوبيني بصراحه
شنو؟
انتي عندج تواصل وياه ؟؟
عضيت شفتي ونزلت راسي
يوووو هسه شكله والله عيب
هااا مجاوبتيني
ضليت ساكته ماكدر اكله اي ولاكدر اجذب واكول لا
لو ماتتواصلين وياه جان ماخفتي وكلتي لا صحيح؟
لارد
من يمتى تحجين وياه
من فتره مو كلش طويله
وليش ما كتيلي احنه مو متفقين اي شي يصير دكوليلي بي
ماعرف خفت اكلج وماتقبلين
اكيد ما اقبل الولد غريب شلون تراسلينه
ماما والله مابينه شي كلام عادي والله والولد ابد ما كال شي موزين وهو الاصر يتواثل ويايه اني جنت دوم اصده بس هو لو يسألني على مروان لو هيج مواضيع عامه والله
يا ماما هذا الشي غلط وابوج لو يعرف ميقبل وحتى يرفض زواجكم
لا لا عفيه لا دكولين لبابا
يعني هسه اني شفهم من تواصلكم...حب؟
لارد
يعني هسه انتي تحبينه
هزيت راسي اي
وهو
هو هم كالي احبج وكال اريد اخطبج وخطبني
ولج شلون تسوين هيج هسه يكول مثل ماتحجي وياي تحجي ويه غيري
لا والله هو مايفكر هيج
شمدريج كاعده براسه
يعني انتي من تعرفتي على ابويه ما جنتي تتواصلين وياه
يا ماما اني جنت جبيره مو مثلج
شكد جان عمرج
20
فرق تلث سنوات
يا وانتي تجيبين نفسج ويايه اني مجنت اعرف هيج حرام وحلال وكلام ناس جان كلشي مباح لمن عرفت ابوج وتقدملي يله التزمت مثله وصرت اعرف الحلال والحرام ولبست حجاب وصرت اصلي حياتي وتربيتي تختلف عن حياتج وتربيتج ما اكلج اهلي جاونو مخليني كولش على راحتي بس انتي تعرفين الاجانب بدون حجاب ولا صلاة والبنات وياج بالمدارس الامريكيه قبل عادي يحجن ويه شباب ويعتبرون الموضوع عادي بس هنا بالعراق لا ماكو هيج يكولون اهله ما مربيه وتحجي ويه شباب
كلام امي ضوجني احس نفسي صدك مذنبه ونزلت من عينه
بس والله ماجان قصدي شي
اعرف يماما اعرف ماقصدج شي بس الناس ماترحم واني اعرف بمصلحتج...يعني هسه موافقه
هزيت راسي اي
باست راسي وحضنتني
جنت اكول بعد مايصير عندي غير مروان ومراد وما تجيني بنيه افرح بيه البنيه تختلف عن الولد تكون قريبه على امه اكثر...بس من حملت وكالو بنيه اغمى عليه من الفرحه وجنت انتضر هذا اليوم الاشوفج بي عروس
يا حبيبتي الله يخليج الي...بست ايده
كامت طلعت واني فتحت المبايل ارد على اسر بس تذكرت كلام امي طفيته
وغمضت واتخيل نفسي عروس
اووف هذا حلم كل البنات
شكد فرحه جبيره
الصبح رحت للجامعه اني وميلان وصلنه ابراهيم
رجعنه الضهر
كعدت ادرس
دخل مروان كعد يمي
مروان: قاطعتج
لا ماعندي شي
انتي موافقه على اسر
هو مابي شي قصدي ماناقصه شي
انتي تعرفين شنو خطورة شغله وهو ضابط استخبارات وهاي الفتره يوميه ضابط مخطوف وضابط متهجمين على بيته وضابط جايته طلقه تايه يعني حياة الضابط شويه صعبه والتزوام انتي شتشوفين نفسج تكدرين تعيشين وياه رغم وضيفته
عادي هسه ميلان مو عايشه وياك مابيكم شي
انتي شمدريج اني وميلان شلون عايشين
يعني اشوفكم مرتاحين مابينكم شي
ميخالف هم لازم تفكرين من هاي الناحيه
اي فكرت
ماعندج مانع
هزيت راسي اي
خير انشالله
بابا كاللهم موافقه...وكالو المشيه والعقد سوه
وحددو يوم كلش قريب استغربت وهاي الايام ابد ما ارد على اسر كلام امي ضل يرن براسي
العصر تذكرت رسمتي عالنص بدلت وطلعت للمرسم
كعدت لحد ما كملته
تشبه اسر
اي والله نفس الملامح
لزمت مبايلي افتحه
صار كله فحم من اقلام الفحم
رجعته ومسحت اديه والمبايل وطلعت صورة اسر وكعدت اطابقه
والله هو حتى طالع احلى بالرسم
اوووف هذا كله اثر حبه بكلبي
_______________________________
اسر: كملت دوام ورحت لشقه صبا
دخلت
صبا: اوووف اسر وين جنت صارلك اسبوعين ماكو
كعدت بالصاله
عندج اسبوع تفرغين الشقه
شنو راح ننتقل لمكان ثاني
لا اريد الغي العقد
شنو ليش اسر ليش تلغي العقد كولي شنو الغلط السويته
ماسويتي شي بس اني اريد اتزوج وانتي انتهى وقتج
بس اني احبك ماكدر اعوفك
محد كالج حبيني وانتي تعرفين زواجنه بيا ساعه ينتهي
لا اسر الله يخليك لاتعوفني وين اروح
رجعي لاهلج
ماكدر انساك
هاي مشكلتج بعد اسبوع وتطلعين منا ولو يوم كافي عليج بس يله
كمت اريد اطلع لزمت ايدي وتبجي
خليني زوجتك واتزوج عادي صدكني ما ادخل بحياتك ولا اسوي اي شي والله ابقى هنا بس لاتعوفني
انتي غبيه ماتفهمين هذا زواج موقت شلون اخليج عندي اني اريد الغي وهذا القرار بكيفي مو بكيفج
طلعت من الشقه رجعت للبيت
يمه اصلي واجي اريد غده
سناء: صار يمه
صعدت سبحت وصليت نزلت كعدت يم ياسر بالصاله اتغده
ياسر: صدك الك ايد بالاستخبارات ؟
اششش منين جايب هذا الحجي
صدك لو لا؟
منو كالك ؟
يعني صدك
يا كوا...كالك؟
ماعليك منو كالي...امي وابوي يدرون
لا محد يدري
والله لو يدري ابوي يسحلك سحل
عليمن يسحلني هو الشجعني اصير ضابط
ولك يريدك ضابط عادي مو تروح تصخم ويه الاستخبارات انتى تعرف شنو شغلهم هذا الشغل كله يم الوزارات شدخلك بي
نصي صوتك هذا شغلي من زمان مو قبل يوم ويومين
وفوكاه خطب وراح يتزوج بله خطفوك كتلوك وين تروح مرتك
يعني هذوله ضباط الاستخبارات مايتزوجون كل واحد عنده عائله ولاتخاف كلشي مامن ومحد يعرفني باسمي الكامل او اي شي يخص حياتي الخاصه شغلنه من المراكز ويمشي
انتى اكبر بلوه بحياتنه
عود تقنعني خايف عليه
لا خايف على امي وابوي اذا عرفو بيك كلشي توقع منهم
_______________________________
مر اسبوع وعكب باجر العقد
كاعدين نتعشى
عمار: حجيتو اليوم
اي ها لا هو منو ماحجيت ويه احد
هههههه ويه اسر؟
صفنت بوجه...همه يدرون اني احجي ويه اسر خلال فتره الخطوبه عود حتى نتعرف على بعض مايدرون صار سنه من نحجي سوه
احجو بابا عادي لازم تعرفينه وتشوفينه يناسبج او لا
بس مواصيع عامه يعني
هزيت راسي اي...
مستحيه ياربي شنو هالمواقف انوب طلعلي مراد
مراد: شعجب وافقتي على اسر
يارا: باوعت كلهم يباوعولي...هو عادي يعني اوفق
شنو عادي شنو اوافق
اقصد مابي شي ووافقت
يله بكل الاحوال الحمدالله المهم تطلعين من البيت
ورحم الله من زار وخفف
ميلان ضحكت واني صافنه عليه
ليش عيني شنو يعني من اتزوج بعد ما اجي لهنا
تجين ساعه ساعتين وترجعين
لا اسبوع هنا واسبوع هناك
شهر ويطلكج
ميلان: بسم الله...همه بعدهم ما عاقدين شبسرعه جبت الطلاك
ميرال: يمه مايصير هيج دكول على اختك
مروان: هسه يمتى عقدكم
ميرال: اتفقنه عكب باجر
كملنه عشه واجتني رساله دوليه من كارلا بنت خالي
كارلا: مرحبا يارا اريد التحدث معك على الكمبيوتر
صعدت ركض لغرفتي نزلت اللابتوب وكعدت بالصاله فتحته واتصلت بكارلا
مرحباااااا
كارلا: مرحباا كيف حالك
بخير
هل صحيح تقدم ضابط لخطبتك
نعم
واااو وماذا كان ردك
موافقه
ياااااي مبروك
شكرا
والدي يريد االتحدث معك
كعد خالو كدام الكاميرا
ستيف: سعدت كثيرا عندما قالت لي ميرال انكي سوف تتزوجين...لا يمكننا اني نحضر حفل زفافك ارجو اني تعذريني
لا داعي لا عتذارك اني اعرف ضروفك سوف نبقى على تواصل
اتمنى لكي الحياه السعيده
شكرا
______________________________
اسر: كاعدين وره العشه وبيت عمي عامر يمنه
منار: اسر صدك خطبت
اسر: أي
واحنه ليش ماندري
شنو استأذن منكم
لا بس غير تنطينه علم
سناء: صارت بسرعه بسرعه
ومنو هاي الخطبته بله حلوه متخرجه منو اهله
اي حلوه وتدرس هندسه معماريه
اهله شلون حالتهم
اسر باستهزاء: هسه اليسمعج يكول حالتكم اعلى مايكون وادرون جناين من عوائل راقيه
منال: ليش شبينه الحمدالله
ياسر بحده: عمه شلون شبيكم يعني هاي الخساير شنو ماصايره بعينج...البنيه من عائله راقيه ابوه دكتور وامه دكتوره واخوهه هم دكتور واخوه الثاني ضابط يعني ارقى من ما تتصورون
منال ضلت فاتحه حلكه مصدومه...اي بيه الخير
اسر: اني اترخض
منار: عود ليش كلما تشوفنه تترخص وتكوم
ياسر: يدور راحت باله اني هم اترخص
اسر: طلعت من البيت خابرني مروان كال اشوفك
رحتله وكعدنه نسولف
مروان: اكلك
اسر: ورثت جكارتي...كول
طلك المتعه يله انطيك اختي
اي طلكته
يمتى؟
قبل يومين
_______________________________
يارا: رجعت من الجامعه سمعت صوت غريب عدنه
دخلت للصاله
لكيت ام اسر وبيبيته عدنه
سلمت عليهن
الحجيه: هله بمرت الغالي شلونج
الحمدالله
سناء: كعدي يمه تعاي كعدي يمي
كعدت يمهن وهنه يسولفن ويه امي على حفله
دقايق وكمت صعدت فوك
لازمت كلبي وغمضت عيوني
وابتسامتي شكبره
اتمنيت اسر كبالي واحضنه
الصبح رحنه اني وماما وميلان نشتري فساتين للعقد احتاريت شنو اختار
اختاريت خمسه
ماما يا هو احلى واحد
ميرال: شوفي ويه اليعجبج
خمستهن عجبني
ميلان: هاي الحمره مو حلوه والبنفسجيه مفتوحه كلش ومو مال عقد
ميرال: اي وهاي الزيتونيه ماتلوكلج
يارا: لا الزيتونيه حلوه
ميلان: شو اسكتي جنه علك...هسه عندج البيجي والسمائي
اممم البيجي قصيره...اختار السمائي...حلوه؟
انتي تحبين السمائي وبيه تدريج ابيض جمال
ها ماما
ميرال: اي كلش نازكه...روحي لبسيه خل نشوفه
دخلت لغرقة التبديل لبست البدله وطلعت
الهم صلي على محمد تخبلين
ميلان: كلللوش
يارا: اشش عليمن تهلهلين
انتي خلصتي يله اروح اختار بدله الي
مو تختارين حلوه
ليش عيني يعني بس انتي تلبسين حلو
غير اني العروس
اوووف منج
كملنه ورحنه حجزنه صالون ورجعنه للبيت
تعشيت وسبحت وكعدت اباوع عالكتب مالي واهس ادرس اريد اتحضر لباجر
خابرت امل وسما وندى عزمتهن
شويه راسلني اسر
اسر: ولج شو كلبتي عليه من اليوم الخطبتج لليوم ماتراسليني
وحك علي اذا ما تردين اخابر ابوج واكله اريد احاجي
مرتي صار فتره ماتحاجيني وافضحج
بسرعه جاوبت
هااا
وجعاااا وين جنتي
هسه عليمن تغلط كاعد ادرس
ليش ماتردين عليه
مشغوله
بشنو مشغوله شنو هالعذر التافه
هسه شبيك مكدرت ارد عليك
المهم
شنو
باجر نعقد وتصيرين مرتي
ابتسمت على كلامه
اكلج اريد العرس وره العقد باسبوع
شنووو شنو اسبوع اسر شبيك مستعجل شعدك
مستعجل اريدج يمي وبحضني
بس اسبوع قليل عبالي وره ما اخلص هاي النسه
اي واسر يضل مشتول لمن تخلصين السنه يشتعل جد جدي بكبره...شعندج هو بس بدله ومكياج مدري ميكب مدري شتسمينه
شنو بدله ومكياج لا والله هواي شغلات
عشرة ايام
لا
اسبوعين غير الاسبوعين ماكو غصبن عليج دكولين اي
واهلي
ماعليج خليهم وراي...هاي هيه؟
بكيفك
والله لو بكيفي باجر نعقد وعكبه العرس
هههه
اتصل
لا روح اريد ادرس
عود ليش تتهربين من الاتصال
باي
سديته ونمت
الصبح رحنه للصالون سويت مكياج وسط مو كلش صارخ ولبست البدله

يارا: ها حلوه
ميلان: هنه كل العروسات حلوات تخبلين
بهمس: اكلج مرت اخوج ليش سوت نفس مكياجي شنو هاي
ميلان: ماعليج هاي حتى مني تغار كلما اشتري تشتري مثلي
غير اني عروس
اوكفي اني اتصرف...احم ريان
ريان: ها
لون الحمره مايلوكلج
ليش؟
مو حلو
يعني اغيره
اي
يارا: غيرت الحمره تغير شكله كله
اجه مروان ياخذنه صعدنه اني وميلان وره وامي يمه
باوعلي بالمرايه
مروان: بله اشوف وجه العروس
يارا: رفعت الكبوس وابتسمت
ميلان: وليش ماتباوع عليه عيني
مروان: شبيه خلقتج ليش مو حلوه مثل اختي
اني مو حلوه؟
والله اختي احلى منج
اي لان عروس تصير احلى مني بس والله اني حلوه
_______________________________
اسر: اتفقنه على موعد المشيه والعقد سوه ماريد اتاخر
يكولون خير البر عاجله
اني ماعندي شي بس هيه فاهيه تتحجج
كاعدين وجماعتي يمي
علاء: يااابه الف مبروك يوم الاشوف جهالك
اسر: تسلم علاوي بس استر علينه واكعد لاتفضحيني
وسفه عليك اني تكول عليه هيج ارفع راسك بالهوسات
لا رحمه على اهلك لاهوسات ولاخبصه كعدو كلشي ماريد
شكم اسر عدنه يلللللله شباااااااب
وكفو يهوسون وعلاء قائدهم
ياسر: ها خويه فرحان
اي الحمدالله
يله ادعيلي وراك
انشالله....ولك كافي شهرته اكعد ماريد هوساتك
ليش عوفهم واني هم
هذوله كوا....انتى شعليك بيهم
غير اخوك الجبير
_______________________________
وصلنه للبيت ناس هواي جايه للمشيه
دخلنه نسوان تهلهل
ونسوان تشمر جكليت
كعدت الصاله مغيرينه كله وصاير اكبر ومزينيه نفاخ ورد
شغلو اغاني والبنات تركص
اجو اهل اسر
اجت امه باستني
سناء: مبروك يمه الله يهنيكم
تسلمين خاله
الحجيه: الهم صلي على النبي ربي يحفظج يمه ويسعدكم
سلمن عليه بنات عمه اني اعرفهم اسر مسولفلي عنهم
رنا كلش حبابه ورده بس اخته منار ابد ما سلمت
وامهن سلمت عادي ومرت عمهم باسم وبته هم حبابات
هاي اول مره اشوفهن وخالته ثنين هم سلمن عليه
هواي عائلتهم
اجت صديقتي امل
امل: مبرووك يكلبي شنو طالعه كمر
تسلمين حبيبتي بس اطلب طلب زغير
كولي حب
اريد ترفعين راسي بالركص وتكعدين البنات كله
بس هيج من عيوني
كامت امل تركص وهيه جسمه حلو
اجت سما يمي
سما: اول مره اشوف امل هيج تركص
ههه اني كتله
ههههه طلعت فنانه
شويه وكالو اجه السيد
كعدت قريبه يم اليسد بس بيناتنه فاصل مثل الحايط
امي حطت هيل بايدي وحطت رجليه بماي وبي ورد وغطت راسي بحجاب ذهبي وابيض
ماعرف شنو هاي السولف والمن...هم سوو هيج بعقد ميلان بس مافهمت شنو
حجه السيد واسر ردد ورا واني كلبي طبل احس راح يغمى عليه من الخوف
انوب حجه واني رددت ورا
السيد: يارا عمار....انتي موافقه على اسر محمد عبدالله على مهر قدره(...)ومؤخر قدره(...) اذا موافقه قولي نعم وانتى وكيلي
.
.
.
انتضروني
💖💖