الضابط و المهندسه

البارت الثامن والثلاثين

بليل بدلت وكعدت انيم سيف واسمع اسر كاعد بالبلكونه يدخن يخابر وفاتح سبيكر
اسر باستهزاء: جعلكم الله من المجاهدين في الدوله الاسلاميه
احمد: هههههههاي اووويلي لو تشوف شلون كامت الجنود تمطر عليهم قفصوهم كلهم وطلعوهم كل واحد لحيته واصله لبطنه
كون طلعتو الاسلحه والمخدات بامان
اي واستلمتهن مكافحه الارهاب وباجر يبلش التحقيق
صدك نسيت اكلك
كول
المقدم سامي سألني عليك يريد يشوفك
خير
هو عالمهمه هاي يريد يستفسر منك و احتمال الشغله بيه ترقيه
خير انشالله...اي كمل
اي وطلعوهم الجنود من البيت وهمه يصيحون تبقى الدوله الاسلاميه
نعل الدوله الاسلاميه شكو واحد تايه تلكي بالدوله الاسلاميه..بس الحمدالله من لحكنه عليهم
كمل مكالمه ودخل...
اسر الدوله الاسلاميه مو نفسه داعش لو اني غلطانه
اي نفسه داعش
وشعندك وياهم
شغل
عزااااا اسر تتتشتغل ويااااهم
ولج صوتج شنو تشتغل وياهم راح اكوم اعلسج
لعد شنو؟
والله خبصتيني انتي وامي واكفاتلي على الزله شنو زعطوط اني وتحققن وياي
غير نريد نعرف اخبارك حتى مايضل بالنه
جان عندي مهمه مجموعه دواعش موجودين بالمدينه
ولزمناهم
يعني طلعاتك بليل جانت علمودهم
شنو عبالج متزوج عليج
لا ابد ما اجه ابالي هيج تفكير ادري بيك تخاف مني ههههه
اي اني كلش اخاف منج
كمل كلامك
جنه انلاحقهم بالليل وعرفنه كلشي عنهم وصدناهم
غير اتحررنه من داعش من زمان منين طلعو ذوله
اتحررنا اي بس طلعو كلهم لسه اكو عالحدوود والجيش لسه وراهم بس اكو مجموعات متفرقه بالمحافظات
والله تخوف
الصبح كعدت على دكه الباب باوعت مكان اسر فارغ
وين راح
كمت فتحته...طلعت رهف لان امس نايمه بغرفته
رهف: روحي سويلي حليب
هسه
دخلت غرفة الملابس ملابس اسر العسكريه ماهيه
كل مره اني اكعده هالمره شلون راح وحده
حضرت ريوك وتريكنه سألني عمي على اسر
عمو طلع للدوام
محمد: شو ما شفته
اي طلع من وكت
وره الريوك اجه اسر
سلم وصعد للغرفه ركض
صعدت وراه
شو رجعت
اي راح اسافر
وين تروح
للموصل عندي شغل
عززززاااا شمضيع بالموصل اسر صدك تحجي
وخري شويه
يحجي وبكل برود طلع جوازه وغراضه
بس فهمني شعندك
مو داكلج شغل
نزل لجوه واني وراه
سناء: ها راجع لدوامك
خاله يريد يروح للموصل حاجي
شلوون يممممه شتسوي هناك
اسر: يمه بس نوصل مساعدات للجيش ونرجع وياي ضباط مو بس اني
وكفو عمي وياسر وخالتي يحجون وياه وهو مستعجل
يريد يروح واني واكفه ابجي ورهف وسيف يم نيفين خايفيين
عمي يصيح عليه وخالتي تحلف بي مايروح
صح خلصنه من داعش بس هسه وبعد اكو مستحيل يروحون وحتى لو داعشي واحد هم يخوف اشكال سوو بالعالم العراق كله شهداء بسببهم
محمد: ماكو غيرك يروح بس انتى
بويه شغله بسيطه ما اطول
سناء: احلفك بغلاتي عندك لاتروح يمه والله خطر خطر
هاي كل اليروحون هيج لو بس اني اني توكفون وتعرضولي
وكفت كدامه ولزمت ايده وحجيت بصوت ناصي
اسر ماتخاف تروح ويصير بيك شي اني وجخالك وين نروح
مايصير اله الكاتبه الله
باس راسي وطلع احس طلعت روحي ياسر طلع وراه
واني وخالتي نبجي وسيف هم بجه خايف شلته وصعدت لفوك
ضليت كاعده على نار ميته من الخوف
خابرت مروان اريد افهم شنو السالفه
مروان: شويه شويه خل افتهم لاتبجين
شعندددده هناااك
هو ماكالج ياخذون مساعدات للجيش هيج اشياء بسيطه ما يدخلون للمدينه وهسه ماكو شي يخوف تقريبا امان
منين الامان ماتسمع اخبار انتى كل اسبوع انفجار واشكال والوان
اي شي يصير اني اكلج كافي بواجي
سديته من مروان
ماكو ضباط مالكو غير اسر يدزونه لهيج مكاان
اجت نيفين يمي الجهال نزلو يلعبون
لليل ندك عليه وماكو
طلع الفجر وهم ماكو خبر
وكله قلقه ضلينه بس تفكير وهم
واني كلبي شويه ويسكت من الخوف
خابرت مروان يكول واصلين للموصل وراجعين بالطريق بس هسه هم يدكون عليهم ماكو خبر
ياسر راح للمركز يشوف شنو الوضع
الضهر رجع
سناء: هااا شكالوولك
ياسر: يكولون متعرضين لحادث بالطريق والسياره مكلوبه بيهم
واخوووك
يكولون جابهم للمستشفى بس لسه مايعرفون منو العايش ومنو الميت
كلمات ياسر خلتني افقد السيطره
اسر جان بالسياره
يعني اكيد متأذي
ماكدرت اوكف اكثر
فقدت وعي مادري شكد بقيت فاقده وعي
بس صحيت اني بالمستشفى كوه اشوف بعيوني بيدي كانونه ومغذي
ميلان واكفه يمي رجعت اتذكر شنو صار وكلام ياسر
سألت ميلان بسرعه
ااا اسر وييين ؟
ميلان: مابي شي اسر هذاك بغرفته لاتخافين ولج والله ووكفتي كلوبنه
وين اريد اشوفه وينه ؟
نايم ويمه الدكتور
بي شي متاذي ؟
لا كلشي مابي
دخلت ماما مبتسمه عدلت كعدتي
ماما شفتي مابي شي الله عليج
ميرال: يا ماما والله العظيم بس كسور
كسووور ؟ يعني متأذي بس اريد اشوفه
اوكفي تشوفج الدكتور اول...انتي تدرين شصار بيج والله خفنه عليج اكثر من اسرر
خابرتني ام ياسر كالت يارا وكعت وهسه بالمستشفى
اجينه اني ومروان بسرعه
لكينه اسر بالعمليات كالو وضعه مو خطير
وانتي كلبج واكف وبالصدمات يله راجع ينبض شلون تسوين بروحج هيج
ميلان: يا عمه غير زوجه وخافت عليه حقه
اجه الدكتور فحصني وكال تكدرين تطلعين كبل رحت لغرفة اسر لكيته نايم وخالتي يمه من دخلت طلعت
كعدت يمه لزمت ايده وابجي
ضليت يمه اباوع بوجه شلون كله جروح
وايده ورجله مجبرات
ياعمري اكيد توجع
طلعت لبره يمهم اجت ميلان
اكلج انتي ما عندج اطفال تسألين عليهم وين ما وين
ضل براسي اطفال من سمعت صاير وياهم حادث..وينهم
بالبيت يم مرت حماج
ماكال الدكتور يمتى يكعد
كم ساعه ويكعد...اني اروح عفت قيس وحده
اوك
راحت ميلان وخالتي كالتلي روحي ارتاحي بس ما قبلت اله يكعد اسر ونطلع سوه
للعصر كعد شافه الدكتورو كال لازم يبقى بعد بالمستشفى واهله يتقاتلون يريدون يشوفونه واني واكفه بالاخير
طلعو كلهم يله دخلت
جان كاعد ومنتجي عالمخدات ورا
اسر: وعلي لو هيج الحب لو ميراد....بس واضح من الفرحه بخبر موتي وكف كلبج مو حزن عليه
والله ما تتغير لو هسه مدري شيصير بيك....انتى ما تستاهل وحده مثلي
يجوز اي ويجوز لا بس ع الاكثر اي ما استاهل...تعاي حبيبتي تعاي
كعدت يمه عالكرسي
تعاي هنا عالسرير
كعدت عالسرير
ام قلب الرقيق
لاتتمهزل غير وكف كلبي بسببك مو كلتلك لاتروح شلون تسوي هيج ما تخاف من ربك
ليش اخاف من ربي شمسوي ؟
اسم الله لو صاير بيك شي اني اموت كبل وراك وجهالك وين يروحون
عدت سلامات كافي لاتبجين
حط راسي على صدره وباس راسي
والله اني الخف من كالولي يارا هيج صار بيه...شحال اهل جماعي الراحو
صدوك كم واحد ماتو ؟
ثنين
خطيه الله يرحمهم
شلون صار الحادث
كملنه شغلنه وسلمنه المساعدات ورجعنه بالطريق ولاكتنه سياره جايه رون سايد وصار الحادث ونكلبت السياره كلبه من هاي الزينه وخطيه ذوله ثنين صارو جوااه كلش الدكتور كال عضامهم مكسره وطالعه ووجوهم مش..
يبووو اسكت اسكت
خابرتني نيفين
نيفين: ها شلونج وشلونه اسر الحمدالله على سلامته
الله يسلمج...الحمدالله بخير
رهف تريدج وسيف يبجي تجين لو شلون
اي هسه اجي
اوك انتضرج
سديته وكمت
اسر: شكو
نيفين دكول رهف وسيف يبجون يردوني اني رايحه اشوفهم وارجعلك
لا المن راجعه اني باجر اطلع
الدكتور كال لازم تبقى لمن تتحسن
عود  اطلع وبالبيت اتحسن باجر اخلي ياسر يضبط الامور ويطلعني انتي ابقي يمهم
تمام حبيبي
اجت اطلع لزم ايدي
اكلج اني شيصبرني لباجر انطيني بوسه
هههه
بسته وطلعت لكيت ماما رايحه وخالتي كاعده
خاله اني رايحه خابرتني نيفين
سناء: اي يمه روحي ارتاحي جهالج يردوج اني وعمج نبقى هنا
تمام اي شي يصير خابريني
رجعت للبيت لكيت نيفين شايله سيف وتسكت بي
اخذته منه
بس ماكا بس حبيبي
كعدت ارضعه ورهف يمي
تعبوج
نيفين: لا شتعبوني بس سيوفي الله يسلمه جاع وماكدر انطي حليب من هذا لان حسب ما اعرف اسر مايقبل
عفناج وحدج من امس لليوم
شنو عايفيني تتونسون غير عدكم ضرف وشبيج انتي كاعده تبررين مابيناتنه
تسلمين يكلبي
رهف: ارييييد بابا
بابا مريض بالمستشفى
ليش
نكسرت رجله وباجر يجي
نيفين: صدك شلون صار الحادث شو كلشي ما فهمت
كعدت اسولف لنيفين لحد ما نام سيف عيونه وارمه من البجي
صعدت سبحت وبدلت ونزلت اكل من امس لليوم كلشي ماماكله
ورهف تفتر فوك راسي اريد بابا ايرد بابا
بليل عمي رجع وبقت خالتي وياسر يم اسر
ثاني يوم كعدت من الصبح بدلت ومسحت الغرفه الجوه
لان مايكدر يصعد لفوك
لل10 اجو رهف ركضت كعدت بحضن اسر وتباوعله مستغربه وسيف كوه لازمته هم يريد لاسر
اسر: انطينيا
حطيته بحضنه ويكمز واسر كلساع وغلط عليه لان يأذي جروحه
اسر: بابا لاتزاطك اثبت
كام للغرفه وياسر لازمه كبل نام
صار البيت هدوء خالتي وياسر نامو تعبانين وعمي طلع للعيادة مالته واني ونيفين نشتغل والاطفال يلعبون بهدوء لان ياسر هددهم المايسكت اطرده بالشارع
كعدت اسر حتى يتغده وياخذ العلاج
اسر: هسه راح نكعد بالبيت اقل شي شهر
اي عيني وشبيه كعدت البيت
تخنك يمعوده متعود لازم اطلع
غير مريض تحمل علما تصير زين
لو شايفه امي شلون رزلتني تموتين من الضحك
تستاهل
عود جاي اشكيلج منه
روحك كله غلط بغلط
كلامكم وتفكيركم الغلط هذا شغلي
اعرف شغلك بس وراك عائله حطه بين عيونك
حاطه بعيوني
اممم
لليل رهف كلش تعبتني كلساع متعاركه ويه سيف اخذت منه الايباد
طلع اسر كعد يم اهله بالصاله وعمي يحجي عليه ويحذر بي ويحلفه
ابنه حقه يخاف عليه والوكت كلش يخوف كلما نتقدم كلما يفسد ويتراجع للاسوء
باوعت للساعه ب9 وباوعت لرهف
يله رهف كومي لغرفتج
رهف: ماااريد
خزرته
كووومي
اسر: عوفيه براحته
اني وبتي رجا لاتدخل اني معاقبته
شنو هاي صايره شخصيه وتنطين اوامر وعقوبات من دون علمي
يله ماما كومي
رهف: والله اكول لجدو عليج
اسر: عيب بابا سمعي كلام امج وكومي
انام يمكم
لا اني ماريد واحد ينام يمي حتى امج اطرده
كامت رهف لغرفته كمت بدلته وغطيته وشفت سيف على نومته
طلعت صاحني اسر حتى اوصله للغرفه
كوه كام سوده عليه يتألم حيل
كعد عالجربايه
حبيبي يوجعك شي
لا لا...تعاي نزعيني التشيرت
بارده يزيد مرضك
ماعرف انام واني مقبط ملابس
ساعدته يبدل نزعت حجابي وجبتي وكعدت يمه تعبانه
تقرب حط راسي يم اذني وباس ركبتي
سمعت الباب اسر وخر كعدت بسرعه وعدلت شعري
سناء: اسر كاعد
اسر: اي تعاي
دخلت خالتي بيده كلاص حليب
اكعد اشرب هذا ينمي عضمك بسرعه
اسر: شكرا
كعد يشرب
بقى اسر بالبيت لحد ما اتحسن وضعه فتح التجبير وكل يوم يطلع يمشي مسافه حتى ترجع رجله ويسوي تمارين
يحط سيف جواه ويلعب شناو
ينزل يبوسه ويصعد ينزل يبوسه ويصعد
ورهف تغار هم تريد اسر يسويله هيج مره يحطه جواه ومره سيف
اسر: رجعت من الدوام دايخ والدنيا ضلمه بعيني مادري وين انطي وجهي من هاي السالفه
منين طلعتلي ياربي منيييين
دخلت لغرفة امي كبل لكيته كاعد تصلي انتضرته تكمل
تقبل الله
سناء: منا ومنك شبيك؟
تعبان يمه
اسم الله الرحمن خير
حطيت راسي بحضنه وغمضت وبديت اسولفه
واحد من اصدقائي مريض ويريد يسافر للبنان علمود العلاج
وعنده بنيه عمامه وخواله يكرهون ابوه ومقاطعيهم
يعني لاعم ولا خال وامه متوفيه
وابوه يريد يسافر وكال اريد تبقى بامانتك لان ماعده احد غير واني مريض واريد اسافر عينك عليه لحد ما ارجع
واني ماكدر اكله لا صاحبي من زمان واكبر مني من تخرجت هو الدربني وكفاته ويايه هواي
وانتى شكتله
شكله كتله بامانتي لاتخاف روح
اي يمه شبيه تبقى عينك عالبنيه
يمه ماكدر اطب واطلع وهيه غريبه الناس من تشوفني ادخل بيته شدكول ماترهم والله زحمه...كوليلي شسوي
اعقد عليه لحد مايرجع ابوه
ويارا
اي يمه هو عقد عالورق فتره مؤقته ومرتك عاقله ومثقفه وتعرف انتى شكد تحبه اكيد تتفهم الموضوع وماتعترض
منين طلعتلي هاي المصييييبه
كول يا الله الحياه اشكال بيه وانتى دكول صاحبي وواكف وياك هواي انتى هم ردله المعروف وتره مو فد شي عضيم ومامسوي معصيه هو زواج
عندج مو عضيم يارا هسه ترفع رايات العزاء
ماعليك خليه وراي اني افهمه
اكله يله اعقد عالبنيه اني مرتي احبه وعندي اهم من كلشي ماريد تجي دكلي اتزوجت من وراي ومثل كلتي
ما مسوي معصيه
طلعت لغرفتي لكيته كاعده ترسم
يارا: الله يساعدك
ويساعدج
احضرلك الغده
لا ماشتهي
اوك
سبحت وطلعت نمت لليل امي كالت راح اصعد احاجيه
صعدت وياه
امي ماتكعد توضح وتحط مقدمه طويله كبل دخلت بالموضوع وكالتله
ضلت يارا صافنه وامي تحجي واتفمهمه
يارا: شنو يعني
.
.
.
انتضروني بالبارت الجاي