الضابط و المهندسه

البارت الثامن عشر

هسه اجيي كمت للمطبخ اخذت النوتيلا من الثلاجه ورجعت لكيت ميلان فاتحه مبايلي وداخله عالواتساب
ميلان: منو هذا سيادة الضابط؟
وجع نصي صوتج انطيني المبايل
عزاا باع الرسائل والمكالمات
والله هسه اصيح لمروان
شدكليله ميلان اخذت مبايلي دكلب بي واني اكله اختك تراسل سيادة الضابط...شنو اسمه
ولج انجبي سدي حلكج...لو مارجعه وباقيه بلبنان وخلصانه منج
تحجين لو اروح لعمتي
كومي كدامي لغرفتي فضحتيني
صعدنه لغرفتي
غردي
اي اغرد خايفه منج...هذا ااا امم صديق مروان
يااااا انوب صديق مروان صخام...منوو؟
اسمه اسر
هاا عرفته اي دوم مروان يحجي عنه خوش ولد...بس شعجبه بيج حتى يحجي وياج
هو مو معجب بيه هيج مجرد كلام عام
يا عيني باع الغبيه اكو واحد يراسل بنيه غريبه ماعنده شي وين لاكيته بيا قاموس
لا هو الولد حباب ماعنده هيج سوالف
اي واضح...من يمتى تتراسلون؟
من سنه
فتحت عيونه مصدومه...واني مادري؟
اصلا محد يدري
همممم بله عندج صورته؟
اي
طلعيه
شعليج بي
يلللله
اوووف طلعت الصوره شافته
هاي منيلج الصور؟
خمطته من مبايل مروان
يمممه ولا ينكدرلج...يعني هسه تقنعيني مابينكم شي
والله ماكو شي
باع انوب تحلف بالله...يعني انتي ماعندج مشاعر حب تجاه
واني شعرفني شنو مشاعر الحب
يعني واضحه مشاعرج تجاه تختلف عن مشاعرج تجاه باقي الشباب تحسي بس هو حلو بس هو لطيف وحباب
يعني تحسين كلشي بي مميز كلبج يدك تراقيبنه هواي تغارين تصفنين هواي...هاااا فتهمتي
يعني اكو هيج
اعراض الحب واضحه عليج
يعني اني احب
شوف الغبيه تسائلني اني شمدريني...ولو هو الثول هم من علامت الحب
هو يحبني لو لا واني احبه لو لا
ضل هذا السؤال يدور براسي يعني والله حلو هذا الشعور
_______________________________
اسر: بيوم عطلتي نايم ب ال10 الصبح دك مبايلي
زهراء مرت سلام...خير انشالله
الوو
زهراء: اسر فدوه الحك اكو ناس بره هادين علينه يريدون يكتلون سلام
شيكتول وسلام وين
ماهو وهسه فلشو الباب على روسه تعال بسرعه
جاي جاي
سديته وكمت لبست بسرعه ونزلت
سناء: وين رايح وهيج مستعجل
ارووووح اشوف ااااابن عمي شمصخم بعددددد
صعدت سيارتي فتح الحارس الباب
وصلت لبيت عمي نزلت من السيارة
لكيت سيارت واكفه وناس
السلام عليكم
الكل: وعليكم السلام
ممكن تفهموني شكو
: وانتى منو لاتدخل مو يمك
اني صاحب البيت
جفت عليه واحد لزمني من ياختي
انتى تعرف سلام
دفعته عني
احترم نفسك واحجي بأدب...اي اعرفه شتريد منه
: هسه اريده هسه اريد اموته ابنكم الحرامي
غير تفهموني لاتضلووون تكطفون حجي
اااااكله ابنكممممم با
اسسسسكت لاتصييييح...جان اكو رجال جبير وياهم
كول عمي شنو السالفه
: عمي سلام باكنه
شباك منك
اشترينه منه اثاث وانطينا فلوس واتفقنه وياه يوصلهن بس نكر وكال ما اتفقتو وياي وهسه احنه نريد فلوسنه
: لا تتستر عليه تره هاي مو اول مره يسويه بينه مره سكتنه بس هاي المره مانسكت والله اروح اشتكي عليه
تشتكي على منو بابا هسه اسحللللك سحل والله على هاييي هوسك بالشارع فضحتنننننه
يومين ونرجع نريد سلام لو الفلوس واذا مالكينه الشي الشرطه تتصرف
اني الشرطه كله اذا تريد تشتكي اشتكي عدي
ااااانتى تتمهزرررل
لا اله الله... انتى مو كلت يومين يومين ترجع تلكه سلام والفلوس يمك
راحو واني دخلت لجوه 
وين ابنج الحيوان
منال: ما هو
وووووين ماااا هووووو
مادري يمه من امس مارجع
هههه اكيد مايرجع بايك الناس بيا وجه يرجع الساقط
الحجيه: شيريدون
الحقير متفق ويه الناس وناكرهم وهسه يردون فلوسهم ومحمد اذا ما اطيح حضه بس الكه سهله....دكي على ابنج هسه يجي
منال: دكت عليه...مايجاوب
الحجيه: يمتى يكبر ويعقل تزوج وصار عنده طفل يمتى يصير مثل باقي الزلم
ليش شبي ابني شيخ الشباب
اسر: والله ما طيح حضه غيرج
اخذت السويج ورجعت للبيت لكيت ابوي بالصاله كعدت يمه
محمد: شبي سلام
سولفتله السالفه كله
يابه اني بعد ماعليه مليييت راح احول الاملاك كله باسمه ويطبه مرض مرض هو واهله اني شعليه
هذا وصيه عمك مايصير
زين اني اضل يوميه متفشل بسببه جايه الناس هداده فضح اهله بالمنطقه...هسه ادك عليه مايجاوب منين اجيبه
هسه اني اخابر عمك باسم واخلي يحجي وياه
اسر: مر اليوم ندك على سلام الناقص ماكو مايرد
الصبح رحت لبيت عمي لكيت منار ورنا موجودات
رناااا
رنا: هااا
دكي على اخوج
صار...دكت عليه....ماايرد
طلعت مبايلي الثاني سجلت رقمه اني عندي رقمين هو عنده بس رقم واحد من ارقامي دكيت عليه
جاوب
سلام: الووو
واخيرا استاذ سلام وينك
موجود
شوف الك منا لباجر الصبح اذا ما اجيت لبغداد مرتك وابنك اسكنهم الشارع خووووش
اي اجي والله اليوم بليل اجي صدكني
نشوف
سديته وضلينه ننتضر لليل اجه عمي باسم وابنه ياسين
بال8 ونص دخل سلام
الحجيه: فضحتنه فشتلنه تالي العمر الناس دكول علينه حراميه...تربيه امك شترجه منك صدك ماتستحي
باسم: ليش هيج عمي هاي تاليته شلون بيك زغيرون
اسر ببرود: استريح مبين تعبان وجهك اصفر لاتوكع علينه كعد وكعدت كباله
اي سولفنه شنو سبب غيباك
سلام: لارد
باسم: ماتحجييي
اسر: كعد سولف السالفه مثل ما كالو الناس مشترين منه اثاث بيت كامل وسلام ماخذ الفلوس وناكرهم
اي يعني سالفه فلوس سهله تنحل
سلام: ادري بيك ماتقصر
اي انشالله...باجر يجون الناس ونشوف
ثاني يوم اخذت اجازه الصبح اجو سالفه وبيه فلوس اكيد ماينسكت عليه
: احنه اتفقنه على يومين ومر يومين واجينه
باسم: اهلا وسهلا مايكون خاطركم اله طيب
محمد: شاب وطايش اكيد متوهم لو ناسيكم تصير هيج اغلاط مو اول مره
: المهم هسه نريد فلوسنه
اسر: شكد فلوسك
تسع ملايين
انشالله باجر الفلوس جاهزه
طلعو الناس
دخلنه لجوه
منال: ها بشر شكالو
لا سهله يريدون فلوسهم حكهم ياخذونه من عيون ابنج المصون
باسم: شوف عمي هاي اخر دكه من دكاتك نوقف وياك والله ثم والله المره الجايه حتى اسر ما اخلي يدخل ويطبك مرض اصلا على هاي سوايتك المفروض نخليك بالتوقف كم يوم تتأدب
منال: على كيفك وياه ابو ياسين غير انتم عمامه
والله خويه ابنج مو مال احترامات وسوالفه مو سوالف واحد عاقل
محمد: هاي هيه الفلوس تندفع وانشالله ماتنعاد مو سلام
سلام: صار عمي
ياسين: منين تسحب الفلوس
اسر: حساب عمي باقي كم مليون والحمدالله سلام يوميه ناصبله على واحد وتعالو ادفعو اخذ من حساب عمي
سلام: بس المبلغ هواي
لا مو هواي قليل
اكيد دكول قليل غير عايش بالجنه بس بالنسبه الي هواي
لعد منين اجيبلك فلوس هاااا شنو شايفني بنك كلما تعتاز تجي لاسر دينار ما انطيك ويطبك مرض عسى مايسجنوك ماعليه
باسم: باجر جيب الفلوس ونتفق وين نشوفهم ونروح اني وياك
انشالله
رجعت للبيت تعبان صار تلث ايام محتار بسالفه سلام
صعدت صليت الضهر ونمت
الصبح رحت سحبت الفلوس من البنك وخابرت عمي باسم اتفقنه عالمكان ورحنه
باسم: هاي فلوسكم عمي واحنه نعتذر بالنيابه عن سلام
: لا ماصار شي
اسر: انتى من غير محافظه شجابك على سلام شنو ماكو محلات اثاث هناك
لا جان عندي معرفه بسلام واجيت اشتري منه بس غدرني
_______________________________
يارا: مر اسبوع واسر ماكو عنه اي خبر لادك ودز رساله خفت زعل مني لان ماجاوبته ذاك اليوم...ردت اراسله بس ترددت
العصر كاعدين بالحديقه كلنه
ومروان واكف على صفحه يخابر ومبين متوتر
اجه كعد يمنه
شكو مروان
مروان: هيج شغل
دك مبايله وكام خابر ورجع كعد
عمار: شبيك تخابر ودكوم وتكعد
مروان: صديقي اسر متصاوب وأسئل عليه
يارا بصدمه: شنووو لييش
شنو ليش طالعين مهمه ومتصاوب
ومابي شي
مادري بعد بس لازم اروح اشوفه
كام مروان دخل لجوه واني كلبي يرجف من الخوف معقوله بي شي لو متأذي اريد اشوفه بس شلون
اجت ميلان
ميلان: شبيج صوفرتي
ولج سمعتي مروان شيكول متصاوب
اي متصاوب مو ميت
وجع بكلبج...هسه اريد اشوفه
هلو عيني وين كاعدين بفلم اجنبي تروحين تشوفين رجال ماتعرفينه
دبريني يمعوده
ضليت افكر شلون شلون
شوفي الولد مو بنفس منطقتنه بعيد كلي لمروان اريد اروح للمول وياخذج بدربه
واذا ماقبل
كومي دبري نفسج قبل لينزل
مروان اريد اروح وياك
مروان بصدمه: هااا
اكو مول بمنطقة صديقك واريدك تاخذني اله
هسه وكته المول غير مره
حباب مروان فدوه
ولج مستعجل
الله عليك
يله بسرعه انتضرج
فديتك
صعدت ركض لغرفتي اريد شي حلو البسه ماكو ضاعت ملابسي من التوتر
اختاريت بنطرون وقميص بدلت بسرعه لبست الحجاب حطيت كحل ومرطب وعطر اخذت جنطتي ونزلت