الضابط و المهندسه

البارت الرابع والثلاثين

الصبح كاعدين نتريك بس خالتي ما طلعت من غرفته اسر طلع للدوام
بديت اشتغل كملت وكعدت بالصاله
وخالتي كاعده تباوعلي ومبينه تريد تحجي
سناء: صدك اسر يشتغل بالاستخبارات
باوعتله مصدومه عزاا منين عرفت خالتي ضليت مصفصفه ماعرفت شنو اجاوب
يااارا جاوبني صدك ابني يشتغل بالاستخبارات
ااا اني اا مادري شمدريني
اكيد ماجيبلج سيره هيج موضوع
ابد لا
اسر يكدر يجذب على اكبر واحد بس اني اعرفه اعرفه وين يروح مني اليوم يصير خير
شنو خاله منين سامعه هذا الحجي
ماعليج المهم عرفت صارله سنين بهذا الشغل وضام عليه ومايكلي
للضهر اجه اسر
سلم على خالتي ماجاوبته باوعلي وهز راسه عاقد حواجبه بمعنى شكو
اشرتله ماعرف
صعد يبدل صعدت ورا بسرعه
اسر خالتي غرفت بيك بالاستخبارات
التفتلي مصدوم بس دقايق ولانت ملامحه ورجع طبيعي
اي خوش نزلي سويلي جاي
وغده
ماريد
نزلت سويت الجاي وحطيه بالصاله كعد يم خالتي
اسر: خيرج يمه
سناء: لا رد
هااا شبيج ليش ماتحاجيني
اني ماريد ولد جذاب مثلك
اني ما مجذب ضام عليكم
يعنيي تعررف
اي اعرف
لعد شلون تسوي هيج جان عالاقل تكلي هيج اني مومهمه عندك
لا ليش تفسرين بكيفج اني ماريدج تشيلين همي شوفت عينج هاي بس عرفتي زعلتي وكعدتي تحققين وياي
شلو واحد يرد الثاني وخالتي زعلت وكامت واسر بارد ك
ومامهتم ابد
يا اسر خطيه امك ليش هيج
احنه كل فتره هيج نتعارك وترضى ماطول هواي اسبوع وترجع تحاجيني
لليل اجه ياسر واتلكاه اسر بالرزاله المعدله
اسر: هله باخوي الجبير حزام ضهري بير اسراري
ياسر باستغراب: ههه خوما كو شي هذا نفسه اسر لو مبدلينه
نيفين: لا نفسه بس انتى فالت سر من اسراه
بصدمه: عليج الله منين عرف
اسر: ولك شلون دكل لامي حيوان والله انتى مو مال واحد يأمن عندك شي
والله سحلتني سحل وتهديد وتحقيق وتعرفني اخاف منه كتله
الله يطيح حضك
يمعود اول وتالي يعرفون عليمن تضل تجذب
هم كالي مجذب بابا ما مجذب اني ضام الموضوع
ناكو فرق نفس الشي...وهسه هيه وين
يارا: تعاركو وزعلت
لا ماتزعل على ابنه الوحيد يومين وترضى...وابو عرف
اسر: اي عرف بس ماحجه وياي بس نضرات حارقه تفكس
تستاهل
يوم ثاني
بدلت ونزلت ويه اسر
ننزل عالدرج واني راسي بالمبايل
اسر: هذا لبسج طويل وكعب عالي وردج توكعين ماتخافين واتزوج عليج
لا يكلبي متعوده ولان متعوده ما اوكع ولاتتزوج عليه
راح باس راسه امه وايده
يا يمه ياحبيبتي اني شعندي غيرج انتي شمعه حياتي
اخاف الله يذني بالنار لان انتي هسه غضبانه عليه ورايح للدوام اذا بقيتي هيج زعلانه مني بالطريق تنكلب بيه السياره واموت
اسم الله
سناء بحده: اي ابقى غضبانه عليك حتى مره ثانيه ماتجذب عليه
قصدج ما اضم عليج بالجايات انشالله ما اضم شي تلكيني ورقه بيضه كبالج
طلعت للشركه ورهف بقت يم خالتي اكل لاسر احطه بحضانه بس خالتي دكول لا خليه يمي
هاله: استاذ يزن واستاذ عارف منتضرينج
تمام بس شوفيلي كتلوج الخرايط وين
حاضر
طلعت لمكتب يزن تناقشنه بكم موضوع
عارف: وقعنه العقد وراح يبلشون هذا الاسبوع
تمام
يزن: اني استلم المشروع
كمل سفراتك وبعدين فكر تستلم مشاريع...التفتت لعارف
كتلوج الخرايط يوصل لمكتبك وشوف شنو النقص
عارف: انشالله
رجعت لمكتبي
هاله وين صرتي وين الكتلوج
هاله: دورته ومالكيته
شنووو مالكيتي ويييين راااح
دورته بمكتبج ماكوو
اكيييد
اي والله
اوووف ياربي والله اشهر اشتغل على هاي الخرايط كتلوج شكده شدبره وين راااح دوري بمكتبج شوفي وين راح طلعي من جوه الكاع
صار
راح ادور واني دورت بمكتبي مالكيت
اجيت ابجي شكد صار ارسم واضبط وين راح
يجوز يزن ماخذه
طلعت لمكتب يزن دكيت الباب ودخلت
يززن كتلوج الخرايط الشفته هذاك اليوم انتى ماخذه
يزن: لا اخر شي خليتي بمكتبج
ماهووه
دوري
دورت وماكو
اوكفي اسأل ريان
طلع سال ريان ورجع هو وريان
ريان: شنو لون غلافه
احمر
يااااا شبيك يزن هذا الشفته امس ووكع عليه كهوه
يزن: هو هذا نفسه
يارا بصدمه: شنوووو شوووكع علييييه
ريان: يزن جان يشرب كهوه ووكعت عليه بالغلط
والله وهسه اني شسوي
مادري
شلون تاخذنينه من مكتبي بدون علمي هااا شلووون
يزن كال اريد اشوفه
يزن: بس اني ماكتلج اريد كتلوج يارا
واني شعرفني عبالي هو الطلبته
يارا: وهسه وين
بمكتبي
روووحي جيببببي بسررررعه
جابته انطتنيا
طلعت من المكتب وضربت الباب
رجعت للبيت فايره الله ياخذج عساج بحركه كلب مثلب على هاي العمله شكد حقيره
نيفين: شبيج ادردمين
هاي الحقيره مرت يزن
شبيه
الله ينتقم منه اني متاكده هيه متعمده تخربه كبر طمج انشالله
سولفت لنيفين السالفه
ماعندج نسخ ثانيه
عندي بالابتوب
طلعيه
تطلع روحي يطله اكملهه
وره العشه كاعدين عالاخبار الدنيا محتركه
ياسر: والله هاي الاخبار تكرب الكلب
سناء: باع العالم شلون عايشه بالضيم استغفر الله
اكلك يابه
محمد: كول
انتى تعرف اني شكد احبك واحب اقلدك حتى صرت دكتور ملثلك
اي اعرف
واريد اقلدك بشي ثاني واتزوج مره ثاني
ليش انتى مامتزوج
لا متزوج بس اريد الثانيه
اني تزوجت الثانيه من ماتت امك والا ماجان عندي نيه اتزوج فوك امك
هو مو الشرع حل اربعه لو اني غلطان
نيفين: اي عيني غلطان هيه وحده ومن تموت عود اتزوج الثانيه
يارا: هههه اسم الله عليج
ياسر: واذا متت اني قبلج شلون
نيفين: لا ماتموت عمرك طويل
سناء: يااا يمه اسم الله شجاب الموت بالنص كولو يالله وانتى شكو عليمن تتزوج هاي مرتك اكعد واسكت
اي خاله هيج صيري وياي
طبعا تصير وياج غير ماترضى ابوي تزوج عليه
سناء: منو ترضى بابوك دخل بالخمسين
اسر: لااااا ليش محد ترضى بيه هسه اخطبله احلى وحده وترضى بيه وهيه الممنونه
انتى اسكت لاتحجي ويايه
يارا: منو هاي التخطبه لازم عندك معرفه بيه
اسر: لا لا
محمد: كافي عوفي سوالف الزواج اليتزوج على مرته يطلع من البيت هو ومرته الثانيه والاولى تبقى هنا
شنو هالقرار الصارم ارحم بحالنه
انتى اخر واحد يحجي بسالفه الزواج...باجر دورت سنه عمكم ومسوين ثواب تحضرو نروح
سناء: الله يرحمه يمتى
بالليل مسوين عشه
انشالله
صعدو ينامون وخالتي كاعده
خاله بعدج زعلانه من اسر
سناء: لا يمه اني ما ازعل منه هذا ابني بس ضجت لان ضام عليه هيج شي مثل ناتشوفين هو ذكي صار شكد من تعين لحد هسه يله عرفنه هو بالاستخبارات ضام الموضوع ومأمن واني قبل كم يوم بالصدفه سمعته يحجي وعرفت
يله خاله مو بس هو هيج شغله هواي وياه
اني شريد غير بس الله يحفضه...عوفينه من اسر وسمعيني
باجر انشالله اذا رحنه لبيت عامر ابد ماعليج سكتي شيكولون سكتي اي سؤال ما اعرف ما ادري لاتجاوبين واذ اني يمج اني اجاوب
ليش خاله
يمه ذني ينخاف منهن اذا هيه الام كتلت زوجه شتتوقعين بعد
شنوو شلون منو كتلت زوجه
منال حسبي الله عليه بعد وفات عامر الله يرحمه عرفنه هيه ماخذه فلوس منه بدون مايعرف ومنطته لاهله اهله جانو ناس فقره على كد حالهم ماخذه فلوس ومنتطيهم وعامر ميدري وره فتره عرف وتعارك وياه
ومن عده صارت بي جلطه لان المبلغ جان جبير
وره فتره هم صارت بينهم مشكله وانجلط ومات
بس محد كال شنو عن شنو المشكله كلما نسأل واحد من ولده يكولون مانعرف اسأله دكول شي قديم ماريد احجي بي
يمه اسم الله شنو هاي النسوان
اي بنيتي ديريبالج اني وصيتج
حاضر
تحضرنه حتى نروح
لبست فستان وردي طويل ومن جوه كلوش وحجاب اسود وجنطه سوده وحذاب اسود

اسر: يله بويه تحركي
اي جيت يله مامي
لزمت ايد رهف ونزلنه
نيفين شايله التؤم كوه اخذت منه دريد وطلعنه سيارتين
تلكتنه منال ورنا سلام وخبصه ليكنه عمهم باسم واهله واصلين قبلنه
ومنال تباوعلي من فوك ليجوه واني اباوع لملابسي خاف بيه شي والله شككتني بنفسي
كمت اساعدهن بالصب
رنا: كعدي عمري ماعنده شي احنه نكمل
لا عادي اساعدجن
منار بصدمه: هذااا سوارج ذهبببب
اي ذهب
حلوو منين ماخذته
اسر اشتراليا بعيد زواجنه الاول
هممم ويشتريلج ذهب
رنا: خزرته...اي زوجه عادي يشتريله انتي شعليج
اووف هسه شكلت
ساعدتهن بالصب والجماعه يصلون
وكعدن عالسفره نتعشى ويسولفون
كملنه وكعدو شفت اسر طلع باتجاه المطبخ
دقايق وسمعنه صوت شي تكسر و عياط اسر زلزل البيت
.
.
.
انتظروني بالبارت القادم