الضابط و المهندسه

البارت الرابع والعشرون

رجعنه للعراق وبدينه اربع جنط
استقبلنه بالمطار سلام وياسر
ابد مارتاحيتله تصرفاته غريبه حتى اسر دوم يتجنبه على عد السلام
مد ايده يسلم عليه
خزره اسر  ونتر ايده
سلام: نورت العراق
اسر بعدم اهتمام: منور باهله
ياسر: الحمدالله عالسلامه
يارا: الله يسلمك
سلام: ماتوقعت الزواج هيج يغير باع ولاعرفتك
ياسر: اصلا ماعرفته نفسه اخوي ابن ابوي
اسر: هاك حباب شيل هاي عن مرتي وانتى سلام شيل هاي عني
شنو جايبنه حماميل سواق
يله تعبان بسرعه
وصلنه للبيت تلكتنه خالتي وجنان مرت باسم وبراء
بالاحضان
كعدنه يمهم شويه
براء: حلوه اذربيجان
يارا: تجنن
بله صورتو
اي طبعا بس ارتاح اشوفج الصور
اوك
شفت ابن سلام الزغير كاعد بحضن باسم شكد حلو
اشرتله اجه كعد بحضني
ضليت احجي وياه واسئله
شنو اسمك
حسن
صعدنه نمنه كعدنه المغرب
اسر اريد اروح لاهلي
اسر: اي باجر اخذج
اجازتك يمتى تخلص
عكب باجر ارجع اداوم
تعشينه وكعدنه اني وبراء فتحت الصور عاللابتوب وكعدنه نباوع شكد صور خربانات اسر مو كلش يعرف يصور مسحت هواي
شويه وراحو واحنه صعدنه نام
الصبح اخذني لاهلي وصلني لكيت بابا بالحديقه كاعد سلمنه عليه اني دخلت واسر راح
ماااامااااا
ميرال: هله حبيبتي الحمدالله عالسلامه
حضنته اوووف شكد مشتاقتلكم وين اخواني
بالدوام شويه ويجون وين زوجج
سلم على بابا وراح
تعاي كعدي سولفيلي شلونج شلونه سفرتكم
حلوه
ميلان: ياراااااا يمتى جيتي
هله بيج حبي هستوي جيت
شنو هاي صايره حلوه وطالعتلج خدود
انجبي اني من زمان حلوه
ضلينه نسولف اجو اخواني قبل الغده
مروان: هللللله والله هله باميرتي
حضنته حيل...يعمري وعلي راح ابجي احس صار سنه مشتيفتكم
باوعت لمراد...وانتي عيني تسمحلي ابوسك لو لا
مراد: لا مايحتاج اني احضج بدون بوس
اجه حضني غافلته وبسته
ولج مو حاطه حمره شلون تبوسني خرب بيوج هسه المن اجيتي
شنو جايه لبيتك ترررره هذا بيت ابويه
مروان: رجعنه لسوالف كبل مراد روح لغرفتك وانتي تعاي سولفلي عن اسر بله شو متغير
اي عيني حتى انتى من تزوجت تغيرت علينه
هااا؟
والله
دخل بابا وكعدنه نتغده ونسولف
صعدت ويه ميلان لغرفته
شنو هاي مغيرين غرفتكم
ميلان: اي مو من تزوجنه ماغيرناهه لان مستعجلين فهسه غيرناهه
اي بس حلوه
اكلج
شبيج
صار تلث اشهر متزوجين ولسه ما بينت عليه اعراض حمل
وعليمن مستعجله شنو تريدين تحملين من اول شهر
اي سامعه بنات تحمل من وكت
يم الله هذا الموضوع لاتهتمين
.
.
مررت الايام والاشهر وحياتي اجمل مايكون
اسر مددللني من كل النواحجي
واهله كولش يحبوني
ابد ماسمعت منهم شي مو حلو
بس اهل عمه عامر جان تعاملهم شويه مو مريح
ومتكبرين على لا شيء
ومايعجبهم كولشي
ومنار دوم تعلق على ملابسي وجامعتي
وحياتنه يعني تتدخل بكلشي
اول شهرين حملت وجنت كلش فرحانه واسر فرحان اكثر مني...ماما اشتغلت بمركز تجميل...واسر ترقى لرتبه اعلى...
عرفت جنس الجنين بنيه وحضرت كلشي لون وردي سرير وملابس والعاب واحس الدنيا مبتسمه بوجهي
بس اعرف هاي الابتسامه مراح اطول
مرت التسع اشهر
ولدت بنتي
واني واسر اختلفه على الاسم
ياسر: واخير صرت عم تتربه بعزكم انشالله
يارا بتعب: الله يسلمك ياسر انطينياه
اخاف اشيله وتموع بحضني
اسر: وخر ولك شنو هالعسل هاي
سناء: يا حبيبي الله يجلعه من الذريه الصالحه
اميين يارب يمه تعاي شو تعاي لفيه بهذا مدري شسمه لاتوكع
يارا: اخذته خالتي كمطته
اسر خابرت امي
اسر: اي خابرته هسه تجي شنو حبيبتي تعبانه
شويه
باع انتاجنه كله عسل
خاله يله انطينياهه اريد اشيله
سناء: هاج رضعيه اكيد جوعانه
يمه فدوه...اسر تشبهني
اسر: هو اني وياج تقريبا نفس لون الشعر والعيون بس هيه ماخذه شويه من خواله وهذا الجنت خايف منه
شعره اشكر مثل اخوج الدكتور
اسر لاتحجي على اخوي..بس والله حلوه
رضعته وايدي ترجف اخاف تختنك
اجت امي تحمدتلي بالسلامه
ميرال: صلاوات على النبي الله يحفظه الكم...شقررتو تسموه
يارا: حجيت بسرعه نبس
اسر: اشششش ام حلك نبس شنو هذا الاسم المايع
يعني اني شيكلولي ابو نبس حتى هيبتي راحت
ماعليه هاي بتي
ادري مشتريته بفلوسج غير بتي اني هم
انتى اختاريت اسم لجين ثكيل كلش ثكيل
ياسر: عوفوه عليه اني اسمي
اسر: طلع طرف ثالث اني اريد اخلص من يارا تطلعلي انتى