الضابط و المهندسه

البارت السادس

يارا: حباب بابا الله عليك

ميلان: اي عموو حباب ويانه ماعليه شي

عمار: خوووش روحي بس ديربالج واذا تعبتي خابريني اجي اخذج

يارا: تمام...بسته بخده وطلعت ركض لبست الجنطه
ونطلقنه للمغامره
وصلنه محطه التلفرك صعدت اني ومراد ومروان سوه ويزن وميلان سوه

مراد: تنفسي شويه شويه لاتوكعين وتخربين كلشي

يارا: كلشي مابيه وخر حصرتني

تره ما كاعدين بغرفه جنه قفص مال عصفور

هههههههه

مروان: ههههههه هسه ننزل

يارا: مروان الزم جنطتي خل اصور
فتحت الكاميرا وبقيت اصور لحد ماوصلنه للمحطه مال النزول

نزلنه وبدينه نمشي للغابه فاتحين خريطه بالمبايل ونمشي عليه

ميلان بخوف: متأكدين من الغابه محميه

مروان: اي محميه

يارا: زين مو تضيعون الطريق

مراد: استكتين لو شلون اني كتلكم نروح وحدنه احسن المن عزمتو النقمات

ميلان: ما سامحلك اني مو نقمه

امشن وانتن ساكتات
يارا: ضلينه نمشي وكلساع طالعه حشره شكل وصلنه كبال نهر
كعدنه بالكاع الشجر اخضر والماي اخضر

مروان: والله لو جايبين الصناره نصيد

يزن: اي والله شلون نسينه

يارا: اني وميلان فرشنه الاكل طبعا اشياء بسيطه

ميلان: تعالو شوفو الوليمه مالتنه

مروان: مشكورات خوش وليمه

الكل: هههههههه

كعدنه ناكل والجو يخبل
يزن: راح ادك اشوف الاهل

دك يزن ماكو شبكه

مراد: المكان بعيد عن المدينه

يارا: يله عادي شويه ونرجع

ميلان: كون نبات هنا

مراد: تفترسج الحيوانات

غير محميه

مروان: لانرجع احسن

كمنه كل واحد يفتر ويستكشف ويصور
اني تعبت ودخت الاجهاد مو زين عليه
كعدت واستندت على شجره

اجه يزن
ياارا شبيج

دخت شويه

زين كومي نرجع تعبتي

لا هسه اصير زينه بس انطيني ماي

اي هاج

شربت ماي

مروان: هاا تعبتي مووو

يارا: شويه

تؤ يله كومي نروح