الضابط و المهندسه

البارت الواحد والثلاثين

يارا: نمت و كعدت طلعت بره الغرفه مالكيت رهف واسر
غسلت ووكفت بالمطبخ فتحت الثلاجه
حسيت بدوخه قويه لزمت باب الثلاجه حتى اصيطر على توازني بس ماكدرت اغمى عليه
سمعت صوت اسر يحاجيني بس ماكدرت افهم كلماته
شفت رهف واكفه على صفحه واسر يمي واني نايمه عالتخم بالصاله
اسر: ياااارا تسمعيني
هزيت راسي بس ماكدرت احجي احس لساني ثكيل
تحسين بشي
لا لا
انطاني ماي كعدت شربت واحس الم قوي براسي
شلون وكعتي
جنت واكفه وفجاةء دخت ماكو شي حبيبي
والله وضعج ما عاجبني
يجوز لان تعبانه من السفر
انتبهت لرهف واكفه وخايفه
شبيج ماما تعااي
اجت كعدت بحضني بست راسه
انطاني اسر براسيتول وخف الالم
ثاني يوم قبل الغده جنت واكفه اطبخ واسر ورهف كبالي بالحديقه ينفخون بالمسبح
اجت رهف
رهف: بابا يكول شوفي المبايل اذن الاذان
كليله اي اذن
اوك
طلعت كالت لاسر دخلو غسلو واسر صلى واني صبيت الغده
كعدنه ناكل
رهف: هسه نحط ماي بالمسبح ونسبح اني وبابا
اسر: مو هسه للعصر
لاا
لعد بكيفج
اي هسه
وماما تسبح ويانه
لا عيب
ها يعني انتي مو عيب تسبحين وياي
اني زغيره
هاي بتج شكد عمره
راح تدخل بال3 سنوات
اني سامع اكو اطفال ماتعرف تلفظ لو اكو كلمات صعبه
اله رهف مترجمه محد يلحكه بالحجي
كملو شلت المواعين راحو ينامون واني صليت ولحكتهم
لكيت رهف مطنكره واسر ينافخ
اسر: كتتتتلج العصرررر خوووش
رهف: انججججب
طفر اسر من الجربايه
بت الكلب هاااي عليمنننننن
يارا: تتشاقه وياك...الفتت لرهف خزرته
عيب ماما ابوووج
رهف: اريد اسبببببح
اسر: هناك ابيتنه مو اكو مسبح ماتسبحين بي لو بس هنا حلوه...طلعيه من كدامي لا اكوم انعل والديهه
طلعته من الغرفه كعدت تبجي بشعر الباربي
اجته الخبالات
كعدت يمه وخابرت ماما ونيفين سألت عليهم وسئلو علينه
رهف: كووومي سويييلي حلييييب
لعد ليش اصيحين كولي اريد حليب بهدوء مثل البنات الحبابات
والله اكول لجدو عليج
كمت سويتله حليب والي كهوه وصعدت لغرفتي
عصفت بيه الذكريات شكد جانت حلوه هذيج الايام
لا هم ولازعل
اذا جانت بدايت حياتك حلوه وبدون مشاكل النهايه صعبه
جان كل همي دراستي ماكو عليه مسؤليات هسه وين زوجي
وبتي
وبيتي
وشغلي
ابد مايبقى شي على وضعه
صارت ب 3 كعدت اسر سويتله جاي كعد بالصاله ورهف تخزر بي عود عصبيه
شال الباربي وكال
هاي منو هيج مشلع شعره
رهف: انتى ماااعليك
يارا حبيبتي روحي بدلي حتى نسبح اني وياج وحدنه بالمسبح لان انتي حبابه وماتغلطين عليه وتحترميني مو مثل الناس تغلط ما تحترم
هو كال هيج ورهف تخبلت وكفت بالباب وصاحت
والله مااااا تطلع للحديقه
عادي اطلع من الباب الثاني
يارا: اسسر طفله ليش تعانده
اريد اأدبه هاي الكطمه تغلط عليه
اخذ المسبح من الحديقه لوره البيت لان وره البيت محد يشوفنه اكو بيوت عاليه...ترسه ماي ورهف تباوعله ومبتسمه
غير ملابسه ودخل بالمسبح اجت رهف
رهف ببراء: روحي كوليله اريد اسبح وياه
مايقبل
والله اكول لجدو عليكم
اوك تعاي وياي
لا
وكفت ورا الباب واني حجيت ويه اسر
اكول عمري والله كسرت خاطري خطيه
اسر: انتى كل الاطفال يكسرون خاطرج يعني مو جديده
ميخالف طفله هيه حبابه هسه تجي تعتذر منك
يله تعاي بوسي وكولي اسفه
رهف: اخاف تعاي ويايه
طلعته وياه وكفنه يم المسبح وهو منتجي عالحافه ومقدم وجهه ومغمض عيونه منتضر تبوسه
رهف: sorry Dade اسفه بابا
باست خده فتح عيونه واشرلي ابدلله
بدلت ونزلته بالمسبح ومجلبه بركبة اسر ما ترضى تنزل بالماي
اسر: ووولج مو خبصتينيي اسبح ونسبح ماتنزلين
رهف: اغرك
ماتغركين اني الزمج
ماااا
نزله بالماي وهيه ترجف
ماما تعاي
يا وين اجي هذا ابوج لازمج
ضل اسر يعلمه وهيه تقبلت الوضع وصارت تحرك اديه ورجليه واسر لازمه وتضحك
واني كاعده اصورهم
صار المغرب وهمه بالمسبح
اسر: ماتجين تفوجين
لا ما اعرف
ولا مره نازله بالمسبح
بس مره نصبو عليه ميلان ومروان وكعت بس ما سبحت بسرعه طلعت
دتعااي يله
حطيت المبايل عالميز وكفت يمهم
هو مو غميك
باستهزاء: اي غمكه عشر امتار شبيج ترجفين دخلي يله
جان غمكه متر ونص يعني ميغرك...
روحي جيبي النجاده البسه لرهف
انطيته النجاده لبسته رهف وكفت بالماي وحده
يله اني هم البس وحده واجي
تعاااي اني الزمج مايحتاج
رفعت شعري ودخلت وياهم الماي وصل لحد ركبتي
حضني اسر وباس ركبتي
ياا اسر وخر لاتشوفنه رهف
ماتشوف منطلقه تسبح
اكلج شو انتي داخله بملابسج
لعد شلبس ؟
مثل رهوف
شبيك اسر صدوك تحجي
دخيل ربج شنو هالدلع هذا
صارت بارده خل نطلع
دارني عليه وكال
شو دنجبي هستوج دخلتي وين اطلعين شو حتى باليل حاطه رهف بالنص وكلشي ما محصل
بست شفته بسرعه وحطيت ايدي على صدره
غير بعده زغيره شسوي
اني اكلج شتسوين
لثم شفايفي ودفعني ودخلنه جوه الماي اجيت اصرخ بس ماكدرت ضربته ابطنه
طلعنه واني كوه اجر النفس شعري وجهي كله ماي واسر يضحك ورهف ولاتدري طشت لو رشت
شلووون تسوي هيج لو ميته
ماتموتين اني سويتلج تنفس اصطناعي مقدما شلون تموتين بعد
جان كتلي مو هيج فجاةء والله خوفتني
طلعنه اسر سبح وصلى وسبحت رهف تعشينه ونمنه
الصبح اسر كال تحضرو نطلع بدلت ولبست بنطرون عريض وقميص عريض
اسر: شنو هاي
يارا: ملابس
وتطلعين هيج