الضابط و المهندسه

البارت الرابع عشر

كاعدين وندك الجرس طلعت سحر فتحت الباب اجت سحر وياه مره غريبه...اباوع كلهم نصدمو و بابا وعمو كامو....استغربت وضعهم
باوعتلي المره وكالت
: يارا شلونج يماما اشتاقيتلج يروح امج.
ضليت صافنه عليهم شفت بابا سحبه من ايده للاستقبال
راحت ورا ماما وعمو
اني واكفه مثل الاطرش بالزفه
اجيت اروح وراهم لزم ايدي مروان
منوو هاي
مروان: يارا صعدي لغرفتج
منو هاي مروان
ماعليج حبيبتي صعدي ميلان اخذيه
اجت ميلان ماقبلت اصعد كعدت
ومروان ومراد ويزن راحو  وراهم
عمه انتي تعرفين هاي المره منو
نوريتا: لارد
شبيكم واحد يفهمني شكو
طلعت بسرعه للاستقبال وكفت بالباب اسمع بابا يحجي ويه المره بس كلامهم صدمني
عمار: انتي شكو جايه لهنا
ساره: اجيت اشوف بتي
لاااااا اله اااااله اااااالله انتي ماتفهمين شكم مره كتلج مو بتج موووو بتج
غمار: عمار على كيفك مو هيج...اختي تره صار سنين على هالموال مامعقوله لسه مصره عليهه
ساره بدمع: انتم لييييش ماتفهموووون ياراااا بتي بتيييي اني
عمار: ساااره انتي ماعندك بت بتج ماتت ماااتتت
انتى اخذته مني ياااارا بتي
يارا: واكفه اسمعهم احس رجليه صارن خيوط من الصدمه المره الاسمه ساره تبجي وتحجي بحركه كلب
شنو وشلون ومنو كلشي مامفتهمه
ساره: اذا ماتنطينياهه اشكتي عليك والله
عمار: اي بله ماتشتكين شيكولولج ها زمره دمه مثل زمره دمي اني وميرال يعني البت بتي...شوفي اني اعرف انتي متأثره بموت بتج بس اني ماتوصل بيه اخذ بتج صح جنتي بيوم من الايام مرتي بس لاتتوقعين توصل بيه اخذ بتج بتج مامتت اول ما نولدت اساس ماتت قبل لاتجي يارا للدينا
ساره: صارلك سنين تعيد عليه نفس الكلام
وانتي صار سنين احاول اقنع بيج وماتفهمين وهسه تفضلي برا وانسي اكو شي جان يجمعنه لان طلعتيه من ماعونه
يارا: طلعت المره الاسمه ساره واني صافنه عليهم
بابا كعد ولازم راسه وماما تبجي والباقي ساكتين
عمار: تعاي يروح ابوج تعاي
رحت وكفت يمه واني متحاره يا سؤال اسأله
كعدني يمه ولزم ايدي باسه
منو هاي بابا
تنهد....هاي مرتي الاولى
شلون يعني وشنو هذا كلامه يعني ان...
اششش سمعيني حبيبتي خليني افهمج
اني قبل امج جنت متزوج ساره هيه عراقيه وجانت عايشه ويانه بنفس العماره تعرفت على اهله ومن شفته عراقيه واهله خوش ناس تزوجته مرت سنه وماصار عدنه أطفال اطلكنه....وبعدين تعرفت على امج لان جانت اداوم وياي بنفس المستشفى تزوجته
جابت مروان ومراد وره خمس سنوات سمعت ساره تزوجت وحامل....
امج خلال هاي الخمس سنوات ما حبلت وانتي اخر شي اجيتي قبل ولادتج بأسابيع ولدت ساره بنيه بنفس المستشفى النداوم بي اني وامج ماتت الطفله ومن يوميه ساره دكول انتم اخذتو بتي لان مايصير عدكم اطفال...دوم جانت تجي تريد تشوفج وجان ينكسر خاطري عليه و اخليه تشوفج وتلعب وياج
بس من كبرتي منعته خفت تتعلقين بيه وماتنسيه
جانت بكل عيد ميلاد الج تخابرني تريد تحجي وياج بس ماجنت اوافق لحد ما اليوم اجت لهنا بس شجابه ماعرف
حجيت ودموعي تجري....وو ا واني ليش اليوم يله دكلي هذا الحجي
ماردت اخليج تعيشين وتفكرين بشي جذب
باوعتلهم...انتم تعرفون...اخواني يعرفون بهذا الحجي
اخوانج جانو كبار ويعرفون كلشي بس اني حذرتهم يحجون كدامج
واني هسه لازم اصدك كلامك
شنو يعني مامصدكه
يجوز كلامه صدوك
ميرال: ياااااارا....اني اممممج وعمار ابوووج غير هذا الحجي ماكو هاي مريضه نصدمت من ماتت بته وضليتي انتي اباله
اني بعد 18 سنه جايين دكولي وتريدون اصدكمم مستحيل
غمار: ياعمي هذوله اهلج يعني انتي تتوقعين ابوج صدك ياخذ طفله من اهله طبعا لا
انطوني شي يكول كلامكم صح
عمار: ماشي نسوي تحليل DNA
ميرال: عمار انتى صدك تحجي شنو تسوي تحليل هاي بتك
ميخالف خليه تصدك ماريده تبقى هيج عايشه بوهم
ماما انتى مصدكه كلامه
يارا: اني مامصدكه كلام احد
راح عمي واهله واني كاعده صافنه ودموعي تنزل
وكلشي يخوف اجه ابالي
شلون اذا طلعو صدك مو اهلي
شلون اعيش بدونهم
اني هاي المره ما اعرفه
ماعرف يمتى نمت حسيت بمروان ينزلي على جربايتي
باس راسي
مروان: كملي نوم
خا ايفه...بسرعه نزلت دموعي ابد ماجاي استوعب الفكره
اجه حضني
بس بس كافي بجي...انتي مصدكه كلامه يعني تتوقعين احنه مو اهلج وميرال مو امج وعمار مو ابوج
اكيد تفكيرج مخربط وهسه انتي تعبانه باجر نسوي التحليل وتعرفين كلشي
واذا طلعت هيه امي
ههههه وحك ربج لسه اتذكر من اجت امي وكالت لابوي حامل واتذكر من اجت وكالت حامل ببنيه واتذكر بيوم  كاعدين نتعشى وطلكت بيج بيومه مانمنه للصبح اجو من المستشفى وشايلينج وطايررررين من الفرح
هاي حلفت بالله اكو شي بعد تريدين احلف بي حتى اسالي مراد اذا مو مصدكه
ماحجيت اني عندي احساس جبير همه اهلي بس ماعرف شلون يجيني تفكير ثاني يكلي جذب
غفيت بحضن مروان
كعدت الصبح ب11 
نزلت جوه مالكيت بس امي وماتحاجني ضايجه حيل
كل ساعه يجي واحد يتغده ويصعد لغرفته
العصر صعدت للصاله الفوك كعدت
اجو ابوي ومراد
مراد: انتي لسه تريدين نحلل
هزيت راسي اي
مخبله كل عقلج تحجين
اي اريد اعرف الصدوك منو
طبعا كلامنه الصدك
ويجوز كلامه صدك ويجوز ابوي مو نفسه ابوي واطلع اني بته
ما حسيت غير بابا ضربني راشدي
ضليت مصدومه غلطت بالحجي يعني شتوقع منه
هاي اول مره بابا يرفع ايده عليه شكد جنت اغلط بس ابد مايضربني
نزلت ركض كعدت بالمرسم قفلت الباب وكعدت ابجي بصوت عالي
مو لان ضربني بس اكو تناقض بداخلي يخليني محتاره
ابد ماتعرضت لهيج موقف صعب لهالدرجه
كلما اتخيل همه مو اهلي اموت الف موته احس خسرت كلشي بالحياه
لل7سمعت صوت الباب يندك
مروان: ياراااا فتحي البااااب
فتحت الباب
تؤ تؤ تعاي صدك بله ليش هيج تبجين كافي
دخلنه للبيت صعدني لغرفته غسلت وكعدت عالجربايه
شويه واجت ربى جابت العشه اكلت شويه
وكمت
تعااي كعدي
كعدت يمه
شلون دكولين هيج لابوي مراد سولفلي كلشي اعرف ضايجه وتعبانه ومامستوعبه وحقج بس مودكوليه انتى مو ابوي صعبه
يعني كلام ساره شنو
جذب...هسه كومي ننزل مراد ياخذ عينات منج ومن امي وابوي وننتضر باجر تطلع النتيجه
نزلنه جوه وكلهم ساكتين اخذ مراد العينات وراح
اني صعدت نمت يم مروان هو يشرحلي ويفهمني واني كلبي صار يوجعني كلش راج جابلي كلاجي من غرفتي
اخذته ونمت
كعدت الصبح على صوت مروان يخابر
كوه سحلت روحي غسلت
شوفي عيونج شلون حمر وارمات والله اذا رجعت من الدوام ولكيتج هيج فلا احجي وياج بعد
منا لليل مراد يجيب النتيجه وانشالله خير تماما
هزيت راسي اي ونزلنه تركيت وخلصت اليوم بغرفتي خابرت سما سولفتله ضلت صافنه البت
لليل نزلت كعدت يمهم اجه مراد والتحليل بيده
مراد: تفضل يابه
عمار: كله النتيجه انتى هم خاف دكول ابوي يجذب
لاحشاك...هذا التحليل والنتيجه مطابق
بمعنى اكبر يعني احنه اهلج
احس ردت بيه الروح اخذت التحليل صح ماعرف بس اطمأنيت
ابوي طلع وامي صعدت لفوك
ومراد صعد ضلينه اني ومروان اني ساعه ابتسم وساعه توكع دموعي
مروان: هسه ماعرفنه فرحانه زعلانه
لارد
يله هسه دكومين تتعتذرين من امي وابوي عيب
ماسويت شي حتى اعتذر
هاااا شلون ماسويتي شي وكلامج ويه ابوي
اي ردت اعرف الصدك ما حجيت خيج بغير قصد
ميخالف امج وابوج واكبر منج وحقهم يزعلون كومي اعتذري
اني استحي اعتذر بس ماكدر اخليهم زعلانين مني كل مره يرضون وحدهم بس هسه السالفه جبيره ضروري أعتذر
قويت نفسي وكمت لغرفة ماما دكيت الباب ودخلت لكيته كاعده عالسجاده
كعدت انتضره تكمل صلاه واني ارتب بالكلمات حتى احجي مرتبكه حيل
كملت صلاة كعدت يمه
احم..اني يعني اعتذر...مو.. يعني ماجان قصدي اضوجكم
ميرال: لارد
يعني شجنتو  تتوقعون مني من اسمع هيج كلام
اعرف بس يا امي احنه ماردنه نخليج تفكرين بموضوع ماله دخل بحياتج لو تلعب بعقلج
اي...هسه انتي زعلانه
لا بس اني ضايجه عليهه خطيه من ماتت بته لليوم متعلقه بيج والله جنت اخليه تجي وتلعب وياج بس من كبرتي ابوج مقبل...هسه بعد ما ريدج تفكرين بالموضوع نهائيا
تمام...بست ايده وكمت نزلت شفت ابوي بالحديقه يدخن بابا مايدخن بس بالحالات الخطيره
طلعت كعدت يمه...ما اهتملي
بابا
عمار: ها
شنو زعلانه
انتي شدكولين
يعني انتى صوجك ماجان لازم تجذب اقصد تضم عليه
باوعلي مصدوم...اضن جفصت ومادري بروحي
اني اسفه
لارد
بابا شبيك ساكت
لارد
ضل صافن مايحجي
سكوتك يعني ماقبلت اعتذاري
اني ما زعلان منج بس كلامج ضوجني
اني انتى تعرف اني من اضوج اكوم اخبط بالحجي
بس والله ندمانه
هسه انتي صدكتي التحليل
طبعا صدكت بس كلامه اثر بيه وضليت ما اعرف اصدك منو لان السالفه اول مره اسمعه
هسه شنو النتيجه
عمار ابوي وميرال امي
ابتسم حضنته وباس راسي
هاي بس انتى هيج اتعبني كوه يله ترضى
رفع حاجبه
والله ماما اصلا مازعلانه مني
_______________________________
اسر: الصبح كعدت لبست عسكري ونزلت
صبااااح الخير
سناء: صباح النور
لعد ابوي وين
تعبان و نايم
شبي
يكول راسي ويجعني
خاف ضغطه
مادري
ياسر وين
طالع
هسه اني اخابره...دكيت عليه
وينك
طالع
تعال شوف ضغط ابوي
خير شبي
دتعال
ربع ساعه واجه قاس ضغطه صاعد انطا علاج
يحتاج مستشفى
ياسر: لا لا عالعلاج يستقر
اني تأخرت عالدوام اي شي تحتاجون خابروني
سناء: الله وياك يمه
طلعت قبل لا اصعد اجه واحد من الحراس
: سيدي اريد اخذ اجازه...عادي اكطع من راتبي
لا يمعود براحتك اخذ اجازه راتبك شعليه بس خابر البديل يجي بمكانك ماريد تقص بالحراسه
صار سيدي
صعدت بسيارتي وطلعت للمركز وبالي يم ابوي طول الوكت
ابوي اعز انسان بحياتي ماشفت ابو مثله ابد ماقصر وياي بشي دوم اسمع من اصدقائي شلون جان ابوهم يعاملهم واكو يعذبهم واكو يطلعهم يشتغلون وهمه صغار
بس ابوي ابد مو مثلهم جنت اني المدلل مايرفضلي اكبر طلب هو الشجعني عالكليه العسكريه والحمدالله رفعت راسه وهسه ضابط بس مرات احسه متندم لان شعجني على هاي المهنه لان هاي الفتره كلساع ضابط مخطوف لو مكتول لو مهددينه مثل مروان وغيره بس اني مأمن نفسي...وكاره الزواج من خطوره وضيفتي ماريد اجيبلي مره واموت
_______________________________
يارا: الصبح ماعندي شي وضايجه وعطله طلعت للشركه
بس كلبي يوجعني كلت عادي يصير زين
كملت ورجعت للبيت ونفس الالم مددت عالتخم
ميرال: هااا
يارا: لارد
كلبج؟
هزيت راسي اي
شكد صالرلج ما مااخذه علاج
لارد
اني اذا اموت اموت من وراج زغيرونه اضل اركض وراج شلون بله وفوكاه من الصبح طالعه للشركه يجي ابوج وسهله بعد ابد ما اسكت
ضروري اترزل صعدت ونزلت بيده علاجي راحت للمطبخ
اجه مراد سأل شبيه امي كالتله كلبه
هم رزلني عالعلاج
جابتلي غده امي اكلت شويه واخذت العلاج ورجعت مددت
دخل بابا ومروان
عمار: خير بابا
مراد: مال هسه كتله معدله ينبض كلبه عدل...هيه هسه مو صار عمره 18 سويله عمليه
يارا: ووووانتى شعليييييك عسسسسى ماااا اموووت
عمار: ها ها ها
ميرال: شوفه شلون زركه صار أربعة ايام ما خذه علاج شسويله بله
تؤ تؤ تؤ كافي عوفهه ماعليكم
يارا: كعد يمي وباس راسي
كومي تغدي يله
تغديت قبلكم واخذت العلاج
خوش نامي هنا لاتصعدين
كعدو يتغدون ويسولفون على العمليه
مروان: يابه شدكول
عمار: لا هايهيه صار سنين على العلاج راح توكف كلاته اسويله عمليه حتى ترتاح
مراد: هنا بالعراق
لا لا الطب بالعراق يخوف اني دكتور وشايف وره العمليه بأسبوع يموت المريض مو كل دكتور دكتور
اني عندي اصدقائي هناك بامريكا عمر عشت وياهم وشفت شلون شغلهم
اي هناك احسن واأمن
شنو هم بتي الوحيده وهم شلون ماجان اهم شي يارا
مو حبيبتي
يارا: وووووالله ماااا سوي عمليييه سمعتنيييييي
اي سمعت
لليل شويه تحسنت فتحت المبايل
وبحثت باليوتيوب عن عمليه القلب المفتوح
وكف كلبي من الخوف تسوي جلطه وتسوي وتسوي
اجو كعدو يسولفون ويقنعوني واني معانده
بابا اني بس من الطياره روحي تروح
عمار: ادري يروحي بس والله لمصلحتج اريدج تخلصين يعني تبقين هيج طول العمر معلعله
اخاف
اجه يمي حضني وحط راسي على صدره
انشالله ماكو شي وتصيرين زينه هاا
سكتت ماحجيت لان اعرف اول وتالي وراي
حضرنه للسفر وبابا حجز تذاكر
_______________________________
اسر: كاعد بمكتبي واجه مروان
مروان: شلونك
هله
وين وصلت
بعده ببدايه التحقيق وذوله كوه نجر منهم الحجي اله بالضرب يله يحجون
انتى هم على كيفك وياهم سايسهم
عود الله كريم
اريدك بواسطه
لا رحمه لجدك لا كلشي ولا الواسطات
اريد اسافر
شنو هيه يوميه اريد اسافر ولك يفصلوك والله
لا لاتخاف محد يدري دكوم احجيلي ويه العميد بلكت يشفق عليه
ليش شبيك
اختي مريضه ونروح نسويله عمليه
لااا شبيه
فتحه بالقلب
شنو هنا ماكو دكاتره
لا بس بكيف ابوي هو من البدايه كال اسويله عمليه بامريكا
يعني من زمان عده قلب
اي من جانت زغيره..هسه انتى شعليك دكوم
يله كايم
اخذت مبايلي وطلعت اتوسط لمروان
_______________________________
سافرنه لامريكا
دخلنه للبيت
شكد مشتاقتله كبل بدلت ونمت
كعدت مالكيت بابا ومروان
وين راحو
ميرال: راحو للدكتور علمود يتفقون وياه
همم
مروان: رحنه اني وابوي لدكتور حتى نشوف شيكول
عمار: انتى تعرف حالته منذ ان كانت صغيره
الدكتور: لاتخاف نسبه النجاح 95 بالمئه لكن الخوف مابعد العمليه هذا لانستطيع ان نتحكم به تكون المضاعفات حسب استجابته للعلاج
ماذا يعني كلامك
العمليه سوف تنجح لكن الخوف من المضاعفات بعد العمليه
يارا: رجعو بلليل ماحجو شي كدامي
اني يوم عن  يوم يزيد خوفي
دخلت للمستشفى وبلشت التحليل والهوسه
باجر العمليه واهلي داخلين انذار واني كل شويه وابطل
ميرال: يله يروحي اكلي هاي اخر وجبه مايصير تاكلين وره 12 يله
يارا: كوه جبرت نفسي اكلت
اكلج ماما
كولي
دكتور اليسويلي عمليه يعني شلون
اي عادي ماما مو يكولون لاحياء في الطب
اي
اجه بابا انطاني جرعه تحفيزيه لباجر
عمار: اني ادري بيج قويه واطلعين منه سالمه
ماتحملت كبل بجيت حضني ويسكت بيه
نمت وكل شويه اكعد اهلي مانامو امي عيونه حمر مبيه تبجي بس موكدامي
صار وكت العمليه لبست وانطاني دكتور علاج شربته وكعدت دموعي تنزل دخلو اهلي
مروان بضحك: كافي والله حتى اني راح ابجي
خا ايففه
جلبت بركبته وهو حاضني ويمسح على شعري واني اشهك امي تبجي
مراد: هسه كافي دراما يله
احس نفسي ما اطلع من هاي العمليه حضنتهم كلهم ودخلت للعمليات
لزكو على جسمي دوائر لاسقه و جهاز تنفس على خشمي وكانونه وكومه اجهزه ودكاتره وممرضين فوك العشره
شويه شويه لمن نمت
.
.
.
مروان: دخلت للعمليات واهلي كلهم خايفين
يارا اعز من روحي
هاي مدللة البيت
امي تخربطت واخذوه حطوله مغذي
مرت اربع ساعات ونص طلع الدكتور
عمار: هل ابنتي بخير
الدكتور:
.
.
.
انتضروني بالبارت الجاي