#الحضن_الدافي
الحلقة :: 9 ::
المديرة: للاسف ورد طلعت تبيع في العابها للبنات .. يعني الاسبوع هدا كله كل مرة تجيب لعبة وتاخد من زميلاتها مصروفهم .. الحق انا استجوبتكم اليوم نبي نفهم لوظروفكم المادية تعبانة او شي من هدا القبيل :\
صاعقة نزلت ع راسي .. معاش قدرت نستوعب كلامها .. ورد تبيع في العابها !! .. أي طفلة هذه ؟؟
أمي: ياحليلي .. البنية امانة عندي .. والله مامقصرين معاها في حاجة .. حتي مصروفها والله نعطي فيها كل يوم دينار او اكتر .. مانعرفش علاش دارت هكي :(
قصي: انا نعرف علاش ؟؟.. مش بعيد ورد سمعتنا نتكلمو ع تكاليف علاج امها .. ودارت هكي ع اساس بتساعدنا ..
المديرة: لو هكي معناها هادي البنية ترفع الراس .. تفكر في علاج امها وباعت اغلا ماعندها من العاب .. شويا بس
ناضت المديرة .. وامي حاطة يديها ع راسها ومش قادرة تستوعب الموقف يللي نحطت فيه .. أما انا مابيتش نتكلم بكل .. عمرها 8 سنوات بالعقل !!.. تصرفها ماداروشي حتي عماتي يللي كبار وبعيالهم .. وقفت المديرة ع دولاب في مكتبها .. فتحاته وطلعت العاب ورد كلهم وحطتهم قدامي ع الطاولة
المديرة: هادم العابها :)
قصي: ءءء باهي ناديلي البنات خللي نردلهم فلوسهم
المديرة: رديتلهم فلوسهم اطمن
أمي: انتي كيف عرفتي بالموضوع !!
المديرة: ءء وصلتني شكوى من واحد من اولياء الامور .. كيف تبيعو العاب مستعملة وتضحكو ع بنتي .. وبهكي بديت نستفسر من الطلبات لين وصلت لورد .. لحد الان ماواجهتهاش نتمنى انكم ماتضربوها ولا تعاقبوها .. انا نشوف في تصرفها سليم مية في المية .. صغيرة مش ح نتوقع منها ادير اكتر من هكي .. يعني امها تعبانة شن تملك هالطفلة باش تساعد امها غير العابها الغاليات عليها ..
خديت الالعاب يللي قدامي .. يللي من ضمنهم كان الدب يللي تحبه هدية من امها وبوها .. شكرنا المديرة ع تفاهمها الوضع .. استاذنا وطلعنا ..
أمي طووول الطريق وهيا تنقرز .. وانا مش معاها بكل .. هدا وين عرفت علاااش الشنطة الكبيرة كلها عبتها العاب .. وهدا وين عرفت كل يوم نرفعها نلقى في شنطتها منفوخة .. فعلا طفلة لا يكررها الزمن .. بعد قريب ساعة وصلنا قدام حوشنا .. نزلت امي والعة منها .. لحقتها نجري.. شديتها من ايدها
قصي: وقفي يمة وماتكلميهاش
أمي: مادخلكش انت .. انا نعرف كيف نتصرف معاها .. ارخي ايدي حووول >_<
قصي: يمة مش هكي يتعامل معاهم الصغار .. ماسمعتيش كلام المديرة امبكري والا شني !!
أمي حطت ايدها ع جبتها .. ونفخت : باهي شن الحل فهمني توا شن الحل .. نتصل بامها نقوللها والا كيف !!
قصي: لا شن تتصلي بأمها .. هكي امها بتقول ماعرفتش تحافطو ع بنتي
أمي: ايه ماعرفناش خللي ترفعها معاها .. والله حاسة راسي بينفجر
قصي: علاش الكلام اهوا !! .. استهدي بالله وخشي صلي ركعتين .. وانا تو نتفاهم معاها
أمي: معاش دخلي بشي انا ره
قصي: ههههه ارتاحي تو نحل الموضوع بروحي وشوفي خبرات ولدك في تأهيل الاطفال هههههه
أمي: آآآآه ان شا الله ان شا الله :)
خشت أمي لدارها .. ممكن بتصلي ممكن بترقد الله اعلم .. طقيت الباب
ورد: مني !!؟؟
قصي: انا قصي :)
فتحتلي الباب .. وكانت داسة حاجة ورا ظهرها ..
قصي: شن اديري ؟؟
ورد: آمممم شي .. تبي حاجة !!
قصي: خيرك خايفة ؟؟.. شن داسة ورا ظهرك ؟؟
ورد: شي :)
قصي: متأكدة !!
ورد: ايه
خشيت قعمزت ع السرير وتكسلت .. هيا ع طول خشت تجري لدولابها وسكراته وقعمزت ع ركابها قدامي ترعش مع بعضها .. انا عارف القصة مش ح نجبرها تتكلم .. بس ح نخليها تتكلم بروحها
قصي: خيرك مقعمزة قدامي هكي !!
ورد: شي
قصي: اليوم كلمتني المديرة وقالتلي تعالا ورد مدايرة حاجة غلط
انا كملت كلمتي من هنا .. وهيا حطت ايديها ع وجهها وقعدت تبكي
ورد: والله والله مادرت حاجة غلط .. انا نبي نساعد ماما باش تولي حالها باهي .. انا مانبيش نعيش بروحي .. انا صغيرة والله صغيرة ياقصي :(
حسيت بكلماتها كأنها طعنة موس في صدري .. تنهدت وعدلت تقعميزتي ..
قصي: علاش تبكي باهي توا هي !!
ورد: نبي نساعد ماما انا :(
قصي: حتى انا بنساعدها معاك شن رايك !!
ورد: :o
قصي: خيرك متفاجئة تقول اول مرة نساعدك -_-
ورد: :(
نزلت من السرير وقعمزت مقابلها .. وطلعت دنانير من جيبي وقروش .. حطيتهم قدامها
قصي: هآآآ شوفي كيف بنساعدك انا :)
جت في رقبتي طوول ..
قصي: باهي ياسر مسحتي دموعك في تيشرتي ياآنسة -_-
ورد: شكرا قصي
قصي: هيااا هيا بلا كتر دوة .. قداش لقطتي انتي !!
ورد: هاك عدهم :)
قصي: آممممم .. هادم 10 دينار تمام بكل .. وانا هكي عندي 20 دينار .. تو بنحطوهم في صندووق .. كل مرة نحطو فيه فلووس تو يبدو هلبا ونساعدو ماما تتعالج تمام دودي :)
ورد: تمام .. قصي !
فتحت قجر متاع كامدينو الياس طلعت منه صندوق صغير .. الياس يحبه هلبااا مانعرفش السبب .. يللي نعرفه ديماخايف عليه ومحافظ عليه .. حطيتها قدامها
قصي: نعم !!
ورد: انا درت حاجة غلط :(
قصي: شوفي ورد انتي يللي درتيه مش غلط .. بس ياريتك قلتيلي كنا درناه مع بعض .. راهو المديرة مانادتناش .. وراهو درنا كل شي صح الصح .. وتوا انسي يللي فات وفكري في امك اوكي !!
ورد: اوكي :)
قصي: خودي الفلوس وحطيهم في الصندوق هي :)
قعدت نراقب فيها كيف تحط في الفلوس وهيا فرحانة .. بس في دمعات واقفات ع الجفن .. بسبب الفرحة اهملتهم ومانزلتهم .. وجهها البرئي الطفولي .. ابتسامتها العفوية تنسى همك .. تفكيرها الناضج يخليك انت تبكي .. وقت كنت صغير زيها ماكانش عندي احساس زيها .. كان همي كله اللعب والشارع .. وكان طاحت الكورة عند الجيران مانعرفش نعفي وننسى لا نسكر في دماغي ونطوول في لساني وناخدها .. المشكلة اني نحس بالفخر بعدين ..
ورد اللي تعلمته منها والله الدنيا مازال ماعلمتهولي .. صغيرة السن ناضجة الفكر <3
>>>>>>>>>>>>>>>
قبل مانرقد لازم نطمن ع الصندوق ونرده في مكانه كامدينو خوي الياس .. ايه خوي ماتستغربوش .. قصي والياس خوتي الكبار .. تصبحي ع خير ياأحلامي السعيدة :)
اليوم الثلاث عيد ميلادي التاسع <3 .. بس اكيد مافي حد ح يذكره لان ماما وبابا مهناش .. نشطت روحي .. ولبست قرمبيولي .. وطلعت لقيت زين يلعب بالكورة يللي جابها من الحوش ..
ورد: زينوو فطرت !!
زين: ايه
ورد: حلااااه زينو ياربي <3
بوسته ع جبينه ومشيت فطرت .. وصلني قصي للمدرسة تلاقيت مع جنى <3
ورد: جنى .. جتى
مابتش ترد عليا .. ومشت وقفت في الطابور
لحقتها نجري .. وقفت قدامها
ورد: انادي فيك ماسمعتنيش !!
تلفتت لجيهة التانية .. لفيتلها
ورد: خيرك جنى ؟؟
جنى: ماما قالتلي معاش اتبيعها .. انتي تخنبي في الالعاب وتعطي فينا وهما فاسدات :(
ورد: مش فاسدات .. اصلا هما العابي
جنى: هكي ماما قالتلي .. حولي من قدامي معاش نبيك صاحبتي
ورد: اصلا مش ح تلقي صحبات جدد
جنى: عينك .. اصلا ميرا وجوري ولو صحباتي :)
ورد: :(
زعلت هلبا من جنى .. معاش تبي تكون صاحبتي ع خاطر بعت العابي .. ولت ميرا وجوري صحباتها الشريرات .. كملت قرايتي .. وقعدت نراجي في قصي البرا .. اول ماجاني ركبت نجري للسيارة .. لقيته جايب زين معاه التالي ..
قصي: خيرك قالبة وجهك !!
ورد: جنى معاش تبي تولي صاحبتي
قصي: طزززز
ورد: شن معناها !!
قصي: فوتيها
ورد: ماعنديش صاحبة غيرها .. ماما ديما تقولي تبعيها وماتمشيش لغيرها :(
قصي: زين رقدت !!
زين: لا لا
مضايقة هلبا .. لو ماما معاي راهو ماخلتنيش اندير هكي !!.. وراهو جنى ماسيبتنيش بروحي اليوم .. حتي من المقعد قعدت بروحي .. ولما حكيت لقصي ماعدلش عليا
قصي: ورد
ورد: همممم
قصي: بناخد كناري لزين شن رايك !!
ورد: الياس قال بياخدلنا
قصي: انا بناخد لزين شن دخلي فيك !!
ورد: عادي
قصي: هههههه
وكملنا الدرب .. نزلنا لمحل طيور وحيوانات .. قعدت نتفرج ع القطوسات والارانب .. عجبوني
قصي: هيا كملنا
ورد: ءءء قصي عادي نشري قطوسة ؟؟
قصي: طبعا لا .. يديرولك حساسية بعدين
ورد: باه -_-
روحنا للحوش وزين فرحان بعصفوراته ..
قصي: اسمعي ورد .. وحدة ليك وواحد ليه ره
ورد: انا مانبيش :(
قصي: وجه نكد شن بتكوني يعني -_-
ورد: نبي نكلم ماما :)
قصي: باهي تو نكلموها خللي نروحو
اول مافتحنا الباب لقينا الحوش مظلم .. زين خاف شد في ايدي ..
ورد: قصي افتح الضي مانشوف في شي :(
قصي: خش تو نفتح ضي الصالة
خشينا للصالة ..وينفتح الضي ( هيييييييييييي ) في عيطة وحدة .. انا انخلعت .. لقيت عمي والياس وماما فاطمة مدايرين الزينة في الصالة .. وقدامهم طاولة كبيرة وعليها تورتة عليها صورتي انا لابسة فيلو .. فرحت من قلبي وضحكت من قلبي ... اول مرة من غابت ماما عليا .. زين فرح مشي يجري لالياس وتغمره وقامه .. وان احاطة ايديا ع وجهي ومش عارفة شن نعبر وشن نقول .. شكرا عمي .. شكرا ماما فاطمة .. شكرا قصي .. شكرا الياس .. بس الفرحة هادي ناقصة ماما وبابا :(
كل واحد فيهم قدملي هدية ..
عمي: هادي هدية بنت خوي الصغيرونة
ورد: شكرا عمي
دادا: وهادي هديتي يابنتي <3
بوستها ع خدها .. وخديت الهدايا حطيتهم ع جنب
الياس: انا هديتي ليك العصفورة يللي وصلاتك اليوم من الشرشوح قصي
قصي: -_-
ورد: ههههههه شكرا خوي الياس :)
قصي: توا دوري انا هديتي .. آمممممم
ورد: لااااااااااااااااااااا :o
#Dudu
