"برفقتك الحياة تلين .. تلين ، بالشكل الذي يستفز إنبهاري وينصف إنتظاري ، تصبح كُل زوايا أيامي ضحكات وإعتدال وإرتياح ، وكُل أوقاتي الثقيلة مُجرَّد أوقات - يلغيها بكل عطف ولطف يقين حضورك."❤
"مقتبس"
"على لسان عمار"
_شلت التلفون وصورت أخوات خالد...بعدها رجعت التلفون وأنا تركيزي كله مع لميس...عاوز طريقة بس أصل بيها ليها أقول كلمة مبروك وتتهني...أعمل أي شي بس أحسسها إني جنبها..أخوها وضهرها...فرح ما كانت مركزة معاي أبداً حتى أنا أستغربت من رد فعلها لما سلمت علي بكل برود وكانت عادية...بعد الحفله خلصت..مشيت ووقفت جنب خالد وهمست ب:-خليها في عيونك يا خالد...لميس ماف زيها...حافظ عليها وصونها وما تحوجها لحاجه مهما يكون...ربت على كتفي وقال بلطف:-يا عمار أختك في الحفظ والصون ما تخاف عليها أبداً وإن شاء الله ربنا يهدي النفوس وتتطايب...إبتسمت ليهو وبصورة سريعه إنسحبت وسط الحشود اللي بدوا يجتمعوا حول العروسين للمباركة....ما كنت عارف أمشي وين أو أعمل شنو..رجعت البيت وأنا كل دقيقه أفتح الاستديو وأشوف الصور اللي صورتها للميس بدون الناس تلاحظ....
"على لسان هدى"
_بعد تحانيس أدهم خلاني أكمل الحفلة للأخر..لما جيت أودع لميس..عاينت لي في عيوني قوي وقالت:-أنا ما ح أتأخر في شهر العسل ح أجي بسرعة..عشانك...ضميتها وقولته:-يا بت يا غبية أستمتعي بشهر عسلك..أنا موجودة ح أمشي وين يعني؟؟...قالت لي:-محتاجين نتكلم...خالد شد على يدها مسكت فيهو قوي وهي بتضحك...ودعتها وطلعت مع أدهم اللي كان على أخرو من الزهج...كيف ومتين وصلنا البيت ما عارفة...أول ما وصلنا أمه أستلمتني..."تأخير وكلام فارغ..الخ"...كل العملتو مشيت على غرفتي..غيرت ملابسي بسرعة ورقدت..أدهم جاا وقال لي:-ما تنومي عاوزك...قولته ليهو بيأس:-أدهم أنا فترانة والله...خليها بكرة...فجأة بقى يقول لي الله قال والرسول قال والملايكه ح تنعلك وكلام كتيييير في حين إني تعبانه بجد وما مجبورة...بس هو كان مُصر يضغط علي....هو كيف قادر يقول بحبني وقاسي علي...كيف قادر يتحمل فيني الغلط وفي أهله لا...كيف قادر يظلمني كده؟؟..يارب أنا تعبتا...حل من عندك يارب...أنت وحدك عالم أنا حاسه بشنو ومارة بشنو...خلصني من كل الحاصل ده لاني تعبت...تعبت من حياتي مع أدهم وتعبت من الحياة نفسها....!!
"على لساني"
_لميس وخالد الفرحه واااااضحه في عيونهم وتصرفاتهم مع بعض...ودعنا لميس وما كنا بنبكي..بالعكس مبسوطيين..لميس تستاهل خالد وهو يستاهلها..قلوبهم شبه بعض بالضبط....كلنا كنا حاسين بتغيير هدى بس ما كان في وقت مناسب عشان نقعد ونتكلم في الحكاية دي...رجعنا البيت قريب الساعه 1..بعد اخدت حمام ظريف كده..إتصلت على هادي..رد ب:-يدوب رجعتي ولا شنو؟؟..قولته ليهو:-أمممم من شوية...نايم صحيتك؟؟...قال لي:-نايم شنو لا طبعا..كنت مستني متين تتصلي...العرس طلع كيف؟؟...بقيت ارغي وارغي وارغي...قال لي:-كلام جميل...عارفة احلى حاجه فيك شنو؟...قولته ليهو:-عيوني...قال لي:-لا..قولته ليهو:-امممم ضحكتي..قال لي:-لا..قولته ليهو:-لبسي؟؟...قال لي:-يا غبية..احلى حاجه فيك إنك بتحبيني❤...قولته ليهو:-دي شنو الثقة دي...قال لي:-شفتي كيف...عموماً أنا نعست..كنت حابب أطمن عليك وأنوم دغري...يلا تصبحي حبيبتي يا حبيبتي...قولته ليهو:-يعني ح أصبح شنو غير حبيبتك...قال لي:-جائز الأقدار تلعب لعبتها وتصبحي زوجتي!!..هوي نومي بعد كده تصبحي على خير...قولته ليهو:-تلاقي ألف خير....بعد قفلت قمتا وبقيت أنطط في السرير...حرفياً أنا بعيش أسعد أيام حياتي...!
