!🤎
"لطالما كانت الأرقام الزوجية تعني لي شيئاً مميزاً أو حدث عظيم...ك رقم الحلقة مثلاً !! "
"اليابان_طوكيو"
"على لساني"
_خاتة راسي على كتف هادي وهو بدورهٌ ماسك يدي بِرقة وبلعب بدبلتي...كنت من فترة للتانية بعاين للشوارع الجميلة..أنا وحبيبي في طريقنا لمنتجع "هوشينويا"...اليابان معروفة بجوها الساحر وطبيعتها الخلابة....المنتجع ده بقع على بٌعد ساعه واحدة من طوكيو وسط كمية من الجبال العالية اللي حولها أشجار الكرز والقبقب الأحمر...سبحان من سواها♡...هادي شوية وغفى..مررت يدي على خدهٌ وصحيتهٌ...قال لي:-تصدقي فتران...قولته ليهو:-أمممم حتى أنا...باقي كتير لحدي ما نوصل!!..عاين لساعة يدهٌ وقال:-ربع ساعة بس..ما تخافي حتى لو نمنا...الشاب ده ح يصحينا...قولته ليهو:-لا مستمتعه بالمناظر أنا...بلدهم حلوة شديد...رفع القزاز وضماني عليهُ بقوة وهو بقول:-خلاص لو ما ح ننوم..نركز مع بعض على الأقل يعني...إبتسمت ونزلت راسي في حضنهٌ...باس راسي وقال:-يا سلاااام ياخ...الواحد وأخيراً عرّس...أنتي ح تشوفي أيام زي الفل..أمك رضيانه عليك...قولته ليهو:-لا واضح أنك واثق...قال لي:-الايام بينا يا زولة....جريتهٌ من شعرهٌ وقولته:-تصدق لخير م حلقت شعرك...عشان كل ما أزهج منك أجرو..قال لي:-شفتي كيف...راجلك بِفهم♡...فِضل ضاميني لما العربية وقفت...قولته ليهو بحماس:-وصلنا !!...قال لي:-أيوة..يلا ننزل....نزلت وخليتهُ ينزل الشنط...حقيقي الجو عندهم كان تلج تلج...برغم من كده المكان حلو وجذاب...جاا واحد وشال الشنط من هادي....إتقدمت شوية وبعدها هادي لحقني...كنت لابسة فستان سماوي أكمامه نص ومن تحت طويل ولافة شال كبير علي...هادي لابس بنطلون بني وقميص ملون وجكت جلد بني...دخلنا المنتجع لاقتنا واحده يابانية...لابس ملابسهم الكبيرة المعروفة ديك..ماسكه لافته إتكتب عليها :-
"星野屋へようこそ"
"Welcome to Hoshinoya"
"مرحباً بكم في هوشينويا"
_الوافدين والزوار كانوا كتار...منهم سودانين ويابانين وأسبانيين وأتراك...هادي كان ماسكني من كتفي وماشين لحدي ما دخلنا صالة المنتجع...ما كنت مركزة هادي بيعمل في شنو...بالي في المناظر والأشكال والموسيقى اللي سامعاها والرقص الياباني...بعد فترة طالت...إتلفت لقيت يدوب هادي خلص إجراءات...بعدها أخدنا الكرت ومشينا على غرفتنا مٌتقدمنا عامل شايل الشنط..قبل نصل قولته ليهو:-كأنهم جرجروك!..قال لي:-لا حصلت لخبطه بسيطه بس....رقم الغرفة "44"...أممممم...أيوة دي هي...قولته ليهو:- شكلها ما غرفة عادية...قال لي:-ما بتليق بيك الغرف العادية يا حبيبي♡...فتح الباب...أخدنا شنطنا وشكرنا العامل...هادي قال لي:-ح أدخل الشنط أول وبعدين أجي أدخلك...قولته ليهو:-كيف..م فهمت؟...قال لي:-خليك هنا بس..ما تتحركي...بالفعل شال الشنط وغاب مسافة...جاني راجع قال لي:-ها...جاهزة!!...كنت بعاين ليهو مٌستغربة...قال لي:-عايني راعي إني نعسان وفتران وفوق لده عاوز أشيلك...قولته ليهو وأنا بين مبتسمة ومستغربة:-لا طبعاً...هادي جنيت....شالني وقال:-يعني هادي كان مجنون الليلة ولا أمس !!...مسكت فيهو قوي وأنا بتلفت حوالي....صالة كبيرة عليها طقم جلوس ملون بكذا لون والبلكونه على طول قدامها...فيها كرسي خشبي كبير زي المرجيحه...الغرفة لجوه شوية....فيها سرير دبل مفروش باللون الأسود عليهٌ ورد أحمر وأبيض وجزء منهٌ في الأرض ولحدي باب الحمام...وفي شموع كبيرة متوسطه صغيرة مرتصة بشكل جميل عاملة إضافة رومانسية للمكان....وأنا بعاين للغرفة وبرجع أعاين للصالة وأعاين لهادي...نظرات إندهاش على فرح وإنبساط...قولته ليهو:-حلوة شديد على فكرة♡...أنت وصيت على كل ده !!...قال لي:-أمممم حصل....وحالياً ممكن أنزلك عشان خلاص..عملت اللي كان نفسي أعمله...ضِحكت وأنا بقول:-بس أنا لسه م عملت اللي نفسي أعمله....بقى يعاين لي...يدي واحده كانت على رقبته...والتانية بمسح بيها على وشه ودقنه....
