"ارفق على روحي فإنك بعضها واعطف على قلبي فإنك فيه..♡!!"
"صباح الخميس"
"على لساني"
_يوم الخميس الصباح إتصل علي هادي وواضح أنهٌ في الجامعه وملخوم...سألني إذا أنا في الشغل ولالا !!..قولته ليهو:-في البيت والزهج ح يقتلني..قال لي:-أطلعي طيب وتعالي لي...قولته ليهو:-أجيك وين ؟؟...قال لي:-في الجامعه هنا...أحضري معاي المحاضرة دي ونطلع طوالي..قولته ليهو:-ح تركز معاي ولا مع الطلبة ؟؟...قال لي:-لما تجي بوريك...قفلت منه ولبست أقرب فستان لقيتهٌ في وشي...وأنا طالعه أمي قالت لي:-على وين يا السمحه..قولته ليها:-مشوار صغيروني وراجعه طوالي...قالت لي:-وين يعني!!...قولته ليها:-ماشة لهادي في الجامعه..رفعت حواجبها ونزلتها...قالت لي:-ما تتأخري طيب...قولته ليها:-حاضر....طلعت من البيت على الجامعه دغري..لما وصلت إتصلت لهادي جاني برة ودخلنا مع بعض....مشينا مكتبه...قال لي:-فطرتي ولا أطلب ليك..قولته ليهو:-ما جعانه أسي..بعد تخلص نطلع ونفطر برة....قال لي:-طيب بس أشربي عصير...دقيقة وجاييك...طلع برة مسافة وجاا راجع شايل كباية عصير..ختاها قدامي...شربته كله دفعه واحده...قال لي:-االفستان راقي وأنيق♡....قولته ليهو:-ممعروفين بالأناقة من يومنا😆...قال لي:-طيب يلا عشان زمن المحاضرة جاا... !!
_القاعه كانت واسعه وكبيرة وفيها كتير من الطلبة..قبل ندخل كانوا جايطين..أول ما دخل هادي وأنا وراهو..سكتوا ساي وبعدها هادي سلم عليهم وكان بطمن على كم نفر بشكل شخصي♡...منهم اللي بيكون غايب عن المحاضرة الفاتت..ومنهم اللي بيكون عيان مثلاً أو ما شابه...قعدني في أول بينش وقال:--نبدأ محاضرتنا يا شباب...حماسهٌ وضحكهُ وهظارهٌ وشرحهُ المبسط واللطيف خلاني أتمنى لو إني لسه طالبة...خلاني أتمنى أتخرج على يدهٌ...حتى ردهٌ على إستفساراتهم رد لطيف خفيف♡...بعد ما خلص المحاضرة لقيت نفسي بسأله كم سؤال لما هو ذاتو استغرب...قال لي:-طلعتي مٌركزة يعني...قولته ليهو:-شديد...إبتسم لي وقال للطلبة:-باقي أخر محاضرتين...الاسبوع الجاي ناخدهم وبكده تكونوا جاهزين للإمتحانات...لو في أي سؤال أو أي حاجه غلبتكم رقمي معاكم..رسلوا لي في الواتسب...يلا أتمنى ليكم خميس جميل♡..بقوا يضحكوا...بعدها ساقني وطلعنا...مشينا مطعم قريب من شارع النيل....فطرنا هناك...هادي إبتدأ يناقشني في موضوع زواجنا..والمفروض نبدأ تجهيزات من أسي و...قولته ليهو: أنت حددت اليوم يعني...قال لي:-يا ستي نحنا نعمله يوم 14\2...تاريخ ظريف...ده غير إنو بعيد يعني ح تاخدي راحتك على الأخر...خت يده على جبهته وطلع النضارة.. وواصل كلام:-الليلة يوم 31...قولته ليهو:-أيوون...قال لي:-سبحان الله..عايني الأيام بتجري كيف....ما محتاج أقول ليك إنهٌ السنة دي حلوة عشان أتعرفت عليك فيها...يارب السنين الجاية كلها ونحنا سوا♡♡...قولته ليهو:-هادي...في حاجه مهمه أنا عاوزة أقولها ليك...قاال لي:-قولي يا عيوني...كنت برمش على كم مرة ومتوترة شديد وبشبك أصابعي وبفكهم...في الأخر خالص لقيت نفسي بحكي لهادي بعملة سيذر معاي...ما عاررفة بس الموضوع ده كان مؤؤرقني وحاسة بذنب فظيع...ختمت كلامي ب:-وده كل الحصل...أنا حاولت أسكت وأنسى الموضوع..بس لقيت إنو لازم أكلمك وما عارفة ليه...جواي حاجه عاوزاك تعرف قبل نمشي خطوة لقدام...هادي كان بعاين لي وساكت....بعد دفع الحساب...قام على حيله وقال لي:-يلا أوصلك البيت..كنت مستغربة من ردة فعلهٌ....كنت متوقعه يصرخ يجوط يتعصب...بس كان هاديء عدا ملامح وشه اللي ظهر فيها ضيق واضح...ركبنا العربية وبرضو نفس الصمت والسكوت...قولته ليهو:-ما ح تتكلم معاي يعني ؟!!...زاد صوت الموسيقى وركز في سواقته...لما وصلني محطتنا...قال لي:-أنزلي..قولته ليهو:-ما نازلة...بتتصرف كده ليه...أتكلم معاي وناقشني زي ما أنا بعمل...قال لي:-ح نتكلم بس ما أسي...كنت بعاين ليهو وهو بعايين قدامهٌ...على طول نزلت...يعني فوق ما أنا زهجانه...هادي بتصرفه ده بوظ لي اليوم....مشيت بيتنا...وكنت سامعه أصوات زغاريد طالعه من بيت خالتو منال.....لما دخلت البيت لقيت أمي بتشرب القهوة مع أخواني....سألتها من الزغاريد وكده....قالت لي:-الليلة ماشين يودوا قولة الخير...منال عاوزة تعرس لولدها وتسكنهٌ معاها...مرة شادة حيلها مش زي...حازم قال ليها:-قصدك شنو يا حجه..عمر قال ليهو:-واضحه..عاوزاك أنت والشازلي تعرسوا وتسكنوا معاها...أمي قالت ليهو:-كلامي ليك أنت ده...حازم ذاتو لا زول عرس لا حاجه...حازم قعد يضحك ضحك...شازلي قال ليها:-أولادك ديل لا بعرسوا لا حاجه...بركة ليك في إيهاب والفاتح....وأنا🙈...قولته ليهو:-إتلهي يا ولد...عمر قال ليها:-والله يا أمي الفكرة في..أدعي لينا أنتي بس وإن شاء الله ربنا يسهل... !!
