"ثَمةَ شَيءٌ يَصعُبُ نُطقهُ، وَ لا يُباحُ"
"مٌقتَّبس"
"على لسان لميس"
_لما ديدا وعمار جوو داخلين مع بعض صراحة إنبسطت وحسيت إنو في شيء بينهم مع إنو عمار ما حكى لي حاجه..بس تأثير ديدا واضح عليهٌ..من وفاة أبوهٌ كنت بتصل عليهٌ بشكل يومي وبطمن عليهٌ وعلى خالتو..أحلى حاجه عملها بعد الوفاة مسك شغل كمال الدين طوالي...والحمد لله إنو بفهم في البزنس عشان قروشهم ما تضيع ساي...خالد كان قاعد وسط أمهٌ وأخته الممتحنه شهادة"أصغر البيت"...ماسكه كتابها حق الفيزياء وزهجانة..كانت مستنية ديدا ترجع من برة عشان تشرح ليها...أما نون وأحمد وباقي أخوانهم فقاعدين جنب بعض وبفتحوا في مواضيع...أنا طلعت الحديقة البرة وكنت ماسكه كباية شاي..من إندماجي وسرحتي ما حسيت بعمار واقف جنبي إلا لما قال:-الجميلة سرحانه وين؟..قولته ليهو:-أوف يا عمار...أول شيء ما حكيت ليك أخواتي مسافرات بكرة وأمي ح تكون قاعدة براها...الوكالة صاحبها باعها..يعني بقيت بدون شغل ولا مشغلة...وعرس نون قرب وأنا نفسياتي في الأرض..وخالد كمان نازل رابعة وجوطة كتيرة...حرفياً ما عارفة أعمل شنو...خت يدهٌ على كتفي وقال:-ده كلهٌ عليك...معليش..تعالي نقعد في الجلسة ديك...مشينا وقعدنا..وأساساً الجو بارد...كنت بتكلم وبشكي وبحكي وهو سامعني ومبسوط..أخر حاجه سألتهٌ:-صحي ح تحضر العرس ولا كيف؟؟..قال لي:-أمي ح تكون قاعدة براها...ده غير إنو نفسياتي ما ظابطه شديد عشان أحضرهٌ...قولته ليهو بأسف:-أنت بجد زعلان عليهٌ؟؟..ما تستغرب من سؤالي بس أنا جد جد ما قادرة أزعل عليهٌ ك أبوي...قال لي:-ح تصدقي لو قلت ليك ولا مرة أنا وهو أتفقنا..تقريباً حياتي معاهٌ كلها خلافات وعصبية وجوطه وعدم إحترام مني...الخ...عمار كان بحكي لي عن حياتهٌ كلها حرف حرف...جد جد إتأثرت...خصوصاً لما بقى يحكي إنو وهو طفل كان بشوف أبوهٌ وهو بضرب أمهٌ والتفاصيل القاسية دي...ما حسيت بدموعي إلا وهي نازلة...كل ما تنزل أمسحها...عمار إبتسم على خفيف وقال:-يا بت بتبكي مالك...تعالي تعالي...ضماني عليهٌ ويدوب دموعي نزلت زي الناس...كان بمسح على رأسي وكتفي بلطافة وحنية..."حضن الأخ ده ماف زيو أبداً♡"..بدون مبالغة والله العظيم نحنا نسينا روحنا قاعدين وين ولا وضعنا قدام الناس شنو...بعد مسافة زحاني منو وقال:-روقي روقي...ما حكيت ليك عشان تبكي كده...وضحت ليك بس الكان حاصل زمان...يلا قومي عشان طولنا ونحنا هنا...قولته ليهو:-ده شنو..والله من الكلام معاك والقعدة...نسيت إنهٌ ده بيت ناس خالد🤦♀️...قال لي:-طيب ح أطلع وأنتي ألحقيني..تمام؟؟...قولته ليهو:-لا خليني هنا...مرتاحه...قال لي:-البرد ياه...قولته ليهو:-يا ود أمشي....وهو راجع جوه صادف خالد...خالد إبتسم ليهو وجاني قال لي:-حبيبتي..قولته ليهو:-ها..راجعين ولا شنو؟قال لي:-راجعين وجايين...قولته ليهو:-كيف م فهمتك ؟!...قال لي:-العرس فاضل عليه أسبوعين وديل براهم ما بقدروا بتصرفوا..وأمي كل رأس ساعه ح تتصل وتجيبني..الأفضل نجي ونقعد هنا لما العرس يخلص...قولته ليهو:-فكرة كويسة...ضماني وقال:-كويسة شنو...والله وجن "أصغرهم" حالفة تنومي معاها في غرفتها...قولته ليهو:-عيوني ليها..قال لي:-بقت كده...لالا ظااابط...بقيت أضحك وأدسيت جوه حضنه أكتر... ♡♡!!
