عكس التيار

٢٦

بسم الله الرحمن الرحيم 

قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل .. 

قراءة ممتعة 

ــــــــــــــــــــــــــــــــــــــــ

#عكس_التيار26

‏"أتعلمينْ!

‏جميعهمْ ماءٌ وطينْ،

‏خُلقوا جميعًا من أنينْ 

‏وأنتِ وحدكِ؛

‏من ملوحاتِ الشواطئ تُخلقينْ،

‏من نداءاتِ النوارسِ، بُحّةِ الأمواجِ

‏من رملِ الحنينْ.."

❤#مقتبس

"على لساني"

_لما قال كده ما إتصدمتا...كنت واثقه ومتأكده من حب هادي لي...تصرفاته نظراته..طريقته في الكلام معاي..كل حاجه بتأكد لي إنو بحبني فعلاً...قال لي:-سكتي يعني؟؟...قولته ليهو:-ح أقول شنو مثلاً...قال لي:-بحبك..مثلاً¡¡...سكت ونزلت راسي...قال لي:-ما هو عايني لا انا ولا انتي ما ح نتحرك من هنا إلا وانتي ناطقاها...قولته ليهو:-هادي دي شنو الحركات دي؟؟..خلينا نخش جوه..ما سامع صوت الدلوكه عالي كيف...قال لي:-ما ح تتهربي مني كتير على فكرة..بقى يحرك شعره الكتير بيدهٌ بعدها قال لي:-طيب يلا نتصور...دخلنا جوه ومع دخلتنا سيذر عاين لينا...هادي ما نزل عيونه منهٌ وفضلوا يحمروا لبعض مسافه...الوقت داك الناس منشغلين بالعروسين وبتصوروا...هادي قال للمصور:-أسمع عايز صورة لي أنا والجميله دي..بحركة خفيفه مسك أصابعي وجابني جنبه..أخدنا كذا صورة..هادي همس لي ب:-في ناس جوو أسلم عليهم وأجيك راجع...ما تتحركي لا هنا لا هناك...هزيت راسي ب حاضر...ما عدت دقيقه..سيذر جاا ووقف وراي قال لي:-بكل هدوء إتحركي معاي لازم نتكلم...ولأننا في بيت ناس خفت سيذر يعمل مواضيع...وخفت حتى هادي يلمحه جنبي...طلعنا ووقفنا ورا البيت..قال لي بنرفزة وضيق:-ما شايفه نفسك كترتيها؟؟..قولته ليهو:-شنو هي...قال لي:-حركاتك مع هادي...إيناس أحسن تبطلي البتعملي فيهو ده وما تثيري غيرتي...عاينت ليهو بنظرة شوية واضحك..قولته ليهو:-أثيييير غيرتك ؟؟ وااااو....حجاج أنا ما شايفاك اصلاً...أنت قادر تتخيل بعد علاقتنا انا وصلت لاي مرحله..قادر تتخيل انا حصل لي شنو..انا كنت بموت في الثانية ألف مرة بسببك....انا ما نفسها المراهقه الكانت بترقد في حضنك مطمنه ولا نفسها البتغشها بكلمتين حلوات ولا نفسها الوعدتها بالزواج...انا واحدة أنت خليت قلبها حجر...خليتها رسميه حتى مع القُراب...خليتني خايفه حتى من نفسي...وببساطه مشيت واتزوجت غيرها..سنه ورا سنه كنت ببكي وتخيل كنت مستنياك..كان عندي أمل بإنك راجع...أثبت لي قدر شنو أنا رخيصه...وأسي جاي بعد السنين دي كلها وبعد ما اتجاوزتك وحابه أعيش حياتي وأفتح صفحه جديده...تظهر تاني وترجعني لنقطه الصفر....عارف شنو انت عن المريت بيهو انا...ها..عارف شنو؟...قال لي بانفعال:-عارف وفاهم...مسحت دموعي الكانت نازلة وقولته ليهو بإنفعال:-لو قريت دفتري الكتبت فيهو عنك ما بتقول عارف..ولو بس كان عندك قلب زيك زي البشر ما كان عملت العملتووو....ولعت جواي نار صعب تنطفي..وخليك عارف الرماد عمرهُ ما ببقى حريقة..ولو عاوز تتحرق بجد قرب مني يا سيذر...كنت ماشة مسكني وجراني عليهُ...بقيت بتصارع معاهو عشان يفكني..بقيت شبه في حضنه...هادي ظهر من وين وشافنا كيف الله اعلم...جراني بانفعال وقال:-أنت لما أقول ليك ما تقرب منها أو تعاين ليها حتى بتحسني بتكلم أفرنجي؟؟..مسكه من ياقتهٌ وبقى يضربه بعنف شديد...كل ما أنا احاول أتدخل عشان أهدي الوضع هو يضربه زيادة...قال لي:-اسكتي قلت ليك وما تمسكيني...ما كان قدامي حل غير انادي اخواني عشان الاشتباك الحصل ده يتفض...كل الناس في دقايق اتجمهرت...فكوهم من بعض وسيذر وشه كلو بقى عبارة عن دم....قال لهادي:-ما بنساها ليك...اتذكر كويس ما بنساها...هادي بعصبيه:-اعلم ليك في حته تانيه عشان تتذكر أكتر؟؟....بعد فكوهم من بعض وسيذر يا الله قومه من الارض...عمو الجيلاني قال ليهو:-ياااخ عيب عليك ياخ..انت واعي وعاقل...ليه الفضايح دي؟؟...قال ليهو:-ما شفت عمايله البعملها أنت...ولو تاني كررها ح أضربه..والمرة الجاية لا ح يرقد مستشفى ولا ح يكون معوق ساي...ح يحصل ليهو الأكعب...الناس استغربوا من تصرفات هادي؟؟؟