Unicode
Jungkook အခုရောက်နေသည့်နေရာမှာ နယူးယောက်၏နာမည်ကြီးစားသောက်ဆိုင်တစ်ခုဖြစ်သည်။ တစ်နည်းအားဖြင့်ပြောရရင် အိုထယ်ဝူပိုင်ဆိုင်တဲ့စားသောက်ဆိုင်ဖြစ်သည်။ VIP အခန်းမှာ အိုထယ်ဝူကိုစောင့်နေရင်းနဲ့ မနေ့ကမေမေပြောခဲ့တဲ့စကားတွေကို ပြန်ကြားယောင်နေမိသည်။
" သားငယ် "
" ဟင် မေမေ "
မနေ့ကကိစ္စဖြစ်ပြီးနောက် မေမေကသူ့အခန်းထဲကိုဝင်လာပြီးစကားလာပြောခဲ့သည်။ မေမေလာတာကြောင့် ထဖို့ပြင်လိုက်ပေမယ့် သူ့ကိုယ်ပေါ်တက်အိပ်နေတဲ့ Foxy ကြောင့် ဘယ်လိုမှထလို့မရချေ။ စောင်ခြုံထားတာကြောင့် သူ့ကိုယ်ပေါ်မှာရစ်ပတ်ထားတဲ့ Foxy ရဲ့အမြီးတွေကို မေမေမတွေ့လို့တော်သေးသည်။
" ရတယ် သားငယ် ဒီအတိုင်းပဲနေ "
" မေမေဘာပြောမလို့လဲ? ခုနကကိစ္စဆိုရင်တော့ ကျွန်တော်လက်မခံဘူးနော် "
အခုမှပြန်တွေ့ရတာမလို့ မေမေ့ကိုအော်ဟစ်ပြီးပြောမနေချင်တော့။ ခုနကအော်လိုက်မိတာတောင် သူ့စိတ်ထဲမှာမကောင်းချေ။ ထို့ကြောင့် သူလေသံအေးအေးလေးနဲ့ပဲပြောနေမိသည်။
" မေမေပြောချင်တာက ဒီကိစ္စကိုသားလက်မခံချင်ဘူးဆိုလဲရတယ်..။ သားကိုမေမေဖိအားမပေးပါဘူး..သားထယ်ဝူနဲ့လက်ထပ်စေချင်တယ်ဆိုတာကလည်း သားမှာချစ်ရမယ့်သူမရှိသေးဘူးလို့မေမေထင်လို့လေ..။ မိဘဆိုတာသားသမီးကိုကောင်းစားစေချင်ကြတာပဲ ဟုတ်တယ်မလား..? "
" အင့်...အီးးးး..ဟီးးးး မေမေ..တကယ်..အင့်.ပြောတာလား? "
မေမေတကယ်အဲ့လိုပြောမယ်မှန်း မထင်ထားတာကြောင့် ငိုနေမိသည်။ ပြီးတော့ ပျော်လဲပျော်နေမိသည်။ မေမေကသူ့ကိုချစ်တယ်။ သူမြင်အောင်မကြည့်ခဲ့တာ။
" အိုက်ရီးဂူး မငိုပါနဲ့ သားရယ်...။ ဒါပေမယ့် တစ်ခုတော့ရှိတယ် အခုကိစ္စမှာမေမေကပဲ သားထယ်ဝူကိုစပြီး ကမ်းလှမ်းခဲ့တာမလို့ မေမေဘက်ကစပြီးဖျက်သိမ်းမယ်ဆိုရင်မျက်နှာပျက်စရာတွေဖြစ်ကုန်မှာ အဲ့ဒါကြောင့် မနက်ဖြန်သူ့ကိုသွားတွေ့ပြီးအကျိုးအကြောင်းလေးပြောကြည့် ဟုတ်ပြီလား? "
YOU ARE READING
မြေခွေးလေးချစ်ရတဲ့လူသားငယ် { COMPLETED }
Fanfiction" ကိုယ်တို့နှစ်ယောက် တစ်ချိန်ချိန်မှာ ပြန်လည်ဆုံတွေ့ရမယ်ဆိုတာ ကံကြမ္မာကသတ်မှတ်ထားပြီးသား သခင် " " ကိုယ္တို႔ႏွစ္ေယာက္ တစ္ခ်ိန္ခ်ိန္မွာ ျပန္လည္ဆုံေတြ႕ရမယ္ဆိုတာ ကံၾကမၼာကသတ္မွတ္ထားၿပီးသား သခင္ " KIM TAE HYUNG X JEON JUNG KOOK #Plot From Game Story
