Unicode
Taehyung ကိုတောင်သခင်ကအိမ်တော်ကိုလိုက်ဖို့ခေါ်တာကြောင့် သူလဲနောက်ကနေလိုက်သွားလိုက်သည်။ အိမ်တော်ရှေ့ရောက်တော့ Taehyung သေချာရပ်ကြည့်နေမိသည်။ ဒီနေရာကိုTaehyung တစ်ခါမှမရောက်ခဲ့ဖူးဘူး။ အရင်ကတောင်သခင်နဲ့ အဆင်ပြေခဲ့သည်မှမဟုတ်ပဲလေ။
" ထိုင်ဦး Taehyung "
ခေါင်းလေးအသာညိတ်ပြကာ အိမ်ရှေ့ကထိုင်ခုံလေးတစ်ခုမှာဝင်ထိုင်လိုက်သည်။ အိမ်တော်ကအရမ်းခမ်းနားတဲ့အထဲတော့မပါပေမယ့် သူ့ဟာနဲ့သူသေသပ်လှပပြီး အေးချမ်းလှသည်။ ပြောရရင်တော့ တကယ်ကိုစိတ်ချမ်းသာစရာကောင်းသည်။
" Taehyung ကဒီကိုဘာကိစ္စရှိလို့လဲ? "
" အာ အဲ့ဒါကဘယ်လိုပြောရမလဲ? ကျွန်တော့်ချစ်သူအတွက်ပါ "
" ဟုတ်ပါပြီ အကူအညီလိုရင်လည်းပြောနော် "
" ဟုတ် ဒါနဲ့အကာအကွယ်စည်းချထားတယ်ဆိုတော့ ဘာကိစ္စတွေများဖြစ်ခဲ့လို့လဲ? "
" လွန်ခဲ့တဲ့နှစ်တစ်ရာလောက်က မိစ္ဆာတွေတောင်ပေါ်တက်လာပြီးသောင်းကျန်းကြတယ်လေ အဓိက,ကတော့မြွေမိစ္ဆာနဲ့မြေခွေးမိစ္ဆာတွေပဲ...။ တောင်ပေါ်ကအကောင်လေးတွေကလည်း လူ့အသွင်မပြောင်းနိုင်သေးဘူး...။ လူ့အသွင်ပြောင်းနိုင်တဲ့အကောင်လေးတွေကလဲ လေ့ကျင့်မှုသေချာမလုပ်ရသေးပဲတိုက်ခိုက်တော့ တော်တော်လေးဆုံးရှုံးမှုများခဲ့တယ်"
" ..... "
" ဒါပေမယ့် မြွေမိစ္ဆာခေါင်းဆောင်ကိုသတ်နိုင်ခဲ့တော့မိစ္ဆာတွေအကုန်ထွက်ပြေးကြတယ်..။ အဲ့ဒါနဲ့ပဲ ဒီလိုစည်းချထားလိုက်တာ မြေခွေးမိစ္ဆာခေါင်းဆောင်ကိုမသတ်နိုင်ခဲ့ပေမယ့် အခုချိန်ထိပြန်မတွေ့တော့ဘူး "
" အော် ဒီနှစ်တွေအတွင်းတော်တော်ဖြစ်ပျက်သွားတာပဲ "
Taehyung ဘဝတစ်လျှောက်လုံးနေခဲ့တဲ့နေရာက ဒီတောင်ဖြစ်သည်။ ထို့ကြောင့် ဒီတောင်ပေါ်ကအကောင်လေးတွေအကုန်လုံးကိုသူသံယောဇဥ်ဖြစ်မိသည်။ ဒီလိုကြားရတော့ Taehyung တကယ်ကိုစိတ်မကောင်းပါချေ။
" ကျွန်တော် Taehyung နဲ့တွေ့ချင်နေတယ်ဆိုတာကလည်း ဆွန်းဟိုဆိုလို့ Taehyung တစ်ယောက်ပဲကျန်တော့တာလားမသိဘူး? အခုနောက်ပိုင်း ဆွန်းဟိုအဖြစ်မွေးဖွားလာတဲ့မြေခွေးလေးတွေကိုမတွေ့တော့ဘူး "
YOU ARE READING
မြေခွေးလေးချစ်ရတဲ့လူသားငယ် { COMPLETED }
Fanfiction" ကိုယ်တို့နှစ်ယောက် တစ်ချိန်ချိန်မှာ ပြန်လည်ဆုံတွေ့ရမယ်ဆိုတာ ကံကြမ္မာကသတ်မှတ်ထားပြီးသား သခင် " " ကိုယ္တို႔ႏွစ္ေယာက္ တစ္ခ်ိန္ခ်ိန္မွာ ျပန္လည္ဆုံေတြ႕ရမယ္ဆိုတာ ကံၾကမၼာကသတ္မွတ္ထားၿပီးသား သခင္ " KIM TAE HYUNG X JEON JUNG KOOK #Plot From Game Story
