Unicode
မီးဖိုခန်းထဲမှာ Jungkookတစ်ယောက်သီချင်းလေးညည်းရင်း မနက်စာပြင်ဆင်နေမိသည်။ အခုဆိုရင်အရာအားလုံးက ပုံမှန်အတိုင်းပြန်ဖြစ်နေချေပြီ။ Foxyနဲ့သူ့ရဲ့အိမ်ထောင်ရေးလေးကလဲသာသာယာယာပါပင်။
Jungkookတို့အိမ်ထောင်သက်တမ်းတစ်လပြည့်တဲ့အချိန်မှာ မေမေကFoxyကို ဆိုးလ်ကရုံးခွဲမှာဦးစီးစေတယ်။ အစပိုင်းကတော့ မကျွမ်းကျင်ပေမယ့် မေမေနဲ့အစ်ကိုထယ်ဝူတို့ရဲ့အကူအညီတို့ကြောင့် အခုတော့ တော်တော်လေးအဆင်ပြေနေပြီဖြစ်သည်။
Foxyနဲ့ အစ်ကိုထယ်ဝူကတော့တည့်သွားပြီဟုလည်းမဆိုသာပါချေ။ တစ်ခါတလေ နှစ်ယောက်သား စောင်းချိတ်နေကြသည်ကများသည်။ ထို့ကြောင့် Jungkookလည်း ထိုသူတို့နှစ်ယောက်ကိုကြည့်ပြီး သက်ပြင်းချရုံပဲတတ်နိုင်တော့သည်။
နောက်ပြီး မေမေ့ကိုလည်းအမှန်အတိုင်းအကုန်ဝန်ခံခဲ့ကြသည်။ မေမေကအံ့သြသွားပေမယ့် လက်ခံပေးခဲ့ပါသည်။ ထိုအချိန်မှာမေမေပြောခဲ့တဲ့စကားတစ်ခွန်းကိုသတိရမိပါသေးသည်။ ' ငါတို့မိသားစုက ဘာလို့လူမဟုတ်တာတွေနဲ့လာပတ်သတ်နေရတာလဲ ' တဲ့။ ဟုတ်တော့လည်း ဟုတ်သား။
ဘူဆန်ကအဘွားဆီကိုတော့ တစ်လတစ်ခါရောက်အောင်သွားသည်။ Jungkookကတော့ အရင်အတိုင်းပါပင်။ Foxyက ကော်ဖီဆိုင်ကိုပိတ်ဖို့ပြောပေမယ့် သူငြင်းခဲ့သည်။ ဘာပဲဖြစ်ဖြစ် အလုပ်လေးတစ်ခုလုပ်နေရတာက သူ့အတွက်အဆင်ပြေသည်လေ။
အတွေးလွန်နေရင်းမှာပင် ခါးကိုသိုင်းဖက်လာတဲ့လက်တစ်စုံကြောင့် လက်ရှိအခြေအနေသို့ပြန်ရောက်လာသည်။ သူ့ပုခုံးပေါ်မေးတင်ထားရင်းမှ လည်တိုင်ကိုနမ်းရှိုက်လာတဲ့ Foxyရဲ့ငွေမျှင်ရောင်ဆံပင်တွေကို လက်နဲ့ဖွပေးလိုက်သည်။
" ကျွန်တော်လည်း ဒီဟာလေးချက်ပြီးရင် Foxyကိုလာနှိုးတော့မလို့ "
" အွန်း "
" Foxy ရေသွားချိုးတော့ ကုမ္ပဏီသွားဖို့နောက်ကျနေမယ် "
" စောပါသေးတယ်ကွာ ပြီးတော့ ကိုယ်အခုထိ Morning Kissလည်းမရသေးဘူး "
" ကျွန်တော်ပေးပြီးပြီ Foxyအိပ်နေလို့မသိတာ "
VOUS LISEZ
မြေခွေးလေးချစ်ရတဲ့လူသားငယ် { COMPLETED }
Fanfiction" ကိုယ်တို့နှစ်ယောက် တစ်ချိန်ချိန်မှာ ပြန်လည်ဆုံတွေ့ရမယ်ဆိုတာ ကံကြမ္မာကသတ်မှတ်ထားပြီးသား သခင် " " ကိုယ္တို႔ႏွစ္ေယာက္ တစ္ခ်ိန္ခ်ိန္မွာ ျပန္လည္ဆုံေတြ႕ရမယ္ဆိုတာ ကံၾကမၼာကသတ္မွတ္ထားၿပီးသား သခင္ " KIM TAE HYUNG X JEON JUNG KOOK #Plot From Game Story
