Unicode>>>>>
မ မီးဖိုချောင်ကနေပြေးထွက်သွားတာနဲ့ ဇံလည်း အသားတချို့ယူကာ ကင်ဖို့လုပ်နေလိုက်သည်။ဆော့စ်ပြင်လိုက်ရင်း အသီးအရွက်တွေပါတစ်ခါတည်းကင်နေလိုက်သည်။
"ဇံကို ဘာတွေချက်နေတာလဲ.......အကင်နံ့ရတယ်......."
"အသားကင်နေတာလေ မ........မ ကြိုက်လောက်မယ်ထင်လို့......."
"ဒါဆိုလည်းမြန်မြန်လုပ်.......တို့ဗိုက်ဆာနေပါပြီဆို........"
"ဟုတ်ကဲ့ပါဗျ........."
မ က လောနေတာနဲ့ ဇံလည်း ခပ်သွက်သွက်လုပ်နေလိုက်ရင်း လူက ပြန်တောင်အိုက်လာသည်။
"မ စားလို့ရပါပြီဗျ........"
"အိုကေ........."
ရေချယ် ထမင်းစားခန်းထဲဝင်သွားတော့ ဟင်းပွဲတွေအသင့်ချထားကာ မတ်တပ်ရပ်နေတဲ့ဇံကို့ကိုတွေ့ရသည်မို့ အရင်ဝင်ထိုင်လိုက်သည်။
"လာ ထိုင်လေ......."
"ဟုတ် မ...........စားကြည့်ဦး အရသာကောင်းလားဆိုတာ....."
"အင်း မဆိုးပါဘူး......စားဖြစ်ပါတယ်......."
"ဒီတစ်ခါလည်း စားဖြစ်ရုံပဲလား........ကျွန်တော့်လက်ရာညံ့နေတယ်ထင်တယ်......"
"မညံ့ပါဘူး......တို့ထက်ကောင်းပါတယ်မင်းလက်ရာ......."
"ချီးကျူးတာကျေးဇူးပါမ.........နောက်လည်းအများကြီးချက်ကျွေးပါ့မယ်........ဟဲဟဲ....."
"ဟဲဟဲမနေနဲ့.......မင်းအင်္ကျီလဲဝတ်ချည်......အကုန်လုံးပေါ်နေတာများ ဝတ်နေသေးတယ်......."
"မပေါ်ပါဘူးမကလည်း........အိုက်လို့ဝတ်ထားတာပါ........."
"တို့တောင်အနွေးထည်ထပ်ဝတ်နေရတာကို မင်းကအိုက်နေ........"
"ကဲပါ စားပြီးရင် လဲဝတ်ပေးမယ် ဟုတ်ပြီလား......"
"အင်း.......များများစား.......မင်း ဗလက ကြက်ဥလောက်ပဲရှိတာ........"
"တော်သေးတာပေါ့ ငုံးဥလို့မပြောလို့........"
"သနားလို့ မြှောက်ပြောပေးတာ......တကယ်ကအရိုးချည်းပဲ......."
"ဟာ မနော်.........."
ဇံ နဲ့ မ စကားတပြောပြောနဲ့ပဲ ညစာစားလို့ပြီးသွားသည်။မကတော့ ဧည့်ခန်းထဲမှာTVသွားကြည့်နေသည်မို့ ဇံလည်းပန်းကန်တွေမြန်မြန်ဆေးခဲ့လိုက်ကာ မရဲ့ဘေးနားသွားထိုင်နေလိုက်သည်။
