Unicode>>>>>
"ရောက်ပြီကို သဲ ဒီလိပ်စာအတိုင်း မောင်းပို့တာပဲ........."
"အင်း ကျေးဇူးနော် သဲ.......သဲသွားလိုက်တော့လေ......အိမ်ကစိတ်ပူနေရော့မယ်........"
"ကို အထဲဝင်သွားတာစောင့်ကြည့်ချင်သေးတယ်......."
"ကို့စကားနားထောင်မယ်ပြောထားတယ်မလား သဲ........."
ဘာပြဿနာရှာမလဲမသိနိုင်တာမို့ ဇံ ခေတ်ကိုအတင်းပြန်လွှတ်နေမိတော့သည်။အလုပ်ပထမဆုံးရက်မှာတော့ ဇံပြဿနာမဖြစ်ချင်ဘူးလေ။
"ပြီးရော ပြီးရော ကိုကသဲချစ်မှန်းသိလို့ သိပ်အနိုင်ယူတာပဲ........သွားပြီ ဘိုင့်........"
"ဘိုင့်........"
ဇံ လက်ပြလိုက်ရင်း အိမ်နံပါတ်အောက်က လူခေါ်bellလေးကိုနှိပ်ထားလိုက်သည်။ခဏနေတော့ ခြေသံကြားတာနဲ့ ခြေလှမ်းနောက်ဆုတ်ကာ စောင့်နေလိုက်သည်။
"မင်း ရောက်လာပြီပဲ........."
"ဟုတ်ကဲ့ဗျ.........."
"လာ အထဲဝင်.........ညစာစားခဲ့ပြီလား........"
"မစားရသေးဘူး မ........မနဲ့မှ အတူတူစားမလို့........"
"တို့ဘာမှ ချက်မထားရသေးဘူး......ဘယ်လိုလုပ်မလဲ......."
"ကျွန်တော်ချက်ပေးမှာလေ မ........မ ကျွန်တော့်ကိုဟင်းအမယ်တွေရှိတဲ့နေရာသာတစ်ချက်ပြပေးပါ......."
"အိုကေ လာ မင်းနေရမယ့်အခန်းအရင်ပြပေးမယ်.......လိုက်ခဲ့........."
"ဟုတ်ကဲ့ဗျ........."
ရေချယ် သူ့ရှေ့ကနေဦးဆောင်ခေါ်သွားလိုက်ရင်း ရေချယ်နဲ့မျက်နှာချင်းဆိုင်အခန်းကို နေရာပေးလိုက်သည်။အလုပ်ရှင်နဲ့အလုပ်သမားပုံစံမျိုးလည်း ရေချယ် မခိုင်းချင်ဘူးမို့..........။
"ကျွန်တော် ရေချိုးခဲ့ပြီးသား မ........"
"အင်း အဲ့ အဲ့ဒါ တို့ကဘာလုပ်ရမှာလဲ........"
"ကျွန်တော်ဟင်းစချက်လို့ရမလားလို့......."
"ရတယ် ရတယ်လေ.......လာ တို့မီးဖိုချောင်လိုက်ပြမယ်........."
"ဟုတ် မ........."
ဇံ မ နောက်ကလိုက်ရင်း ရယ်ချင်စိတ်ကိုမနည်းထိန်းထားရသည်။အိမ်မှာနေရင်းကို နှုတ်ခမ်းနီတွေရဲနေအောင် ဆိုးထားကာ ရေမွှေးပုလင်းမှောက်ကျထားသလားထင်ရလောက်အောင်ကို တစ်ကိုယ်လုံးကို ရေမွှေးဆွတ်ထားသည်လေ။
