" ဂျပန်နိုင်ငံမှာ ချစ်သူနဲ့ချိန်းတွေ့နေတဲ့ မင်းသား K "
" Tokyo Tower ရှေ့က အချစ်ငှက်လေးနှစ်ကောင် "
" မင်းသား K ရဲ့ချစ်သူက တကယ်ပဲ ယောကျာ်းလေးတစ်ယောက်လား??? "
" မင်းသား K ရဲ့ ချစ်သူက အနုပညာလောကထဲကပဲလား??? "
" Jin hyung!!! ဒီမှာကြည့်ဦး "
လေယာဉ်ပေါ်ကဆင်းဆင်းခြင်း ကြိုဆိုနေတဲ့ သတင်းတွေကြောင့် Boss Jin ခေါင်းနပန်းကြီးသွားရသည်။ သတင်းထောက်နာမည်ကို ကြည့်လိုက်တော့ ဂျပန်နိုင်ငံမှာရောက်နေတဲ့ ကိုရီးယားသတင်းထောက်။ အရင်က မင်းသားရဲ့အကြောင်းတွေကို တစ်ခါမှ သတင်းမလိုက်ခဲ့ဖူးတဲ့သူက ဒါရိုက်တာ ဟီရိုစုကြောင့် မင်းသားကို စိတ်၀င်တစားရှိသွားပုံရသည်။
" ဒီပုံအတိုင်းဆို လေဆိပ်ကထွက်ဖို့တောင်ခက်မယ် Boss Jin "
" အေး အရင်ဆုံး Taehyung နဲ့ Min PD နဲ့ လုံး၀ တွဲထွက်လို့မဖြစ်ဘူး "
" ဟုတ်ကဲ့ "
" သူတို့နှစ်ယောက်လေယာဉ်က ဘယ်တော့ဆိုက်မှာလဲ? "
" နောက်နာရီ၀က်လောက်နေရင် ရောက်မယ်ထင်တယ် "
" အေး အဲ့ဒါဆို ငါတို့လည်း ဒီမှာပဲစောင့်မယ် "
Boss Jin က မင်းသားတို့နဲ့ လေယာဉ်တစ်စီးထဲ အတူတူမစီးခဲ့မိတာကိုပဲ ကျေးဇူးတင်ရတော့သည်။ လေဆိပ်ထဲရောက်တာနဲ့ ဖုန်းကိုဦးအောင်ကြည့်တဲ့ ညီဖြစ်သူကိုလည်း ကျေးဇူးတင်ရသေးသည်။
" အဆင်ပြေပါ့မလား Jin Hyung "
စိုးရိမ်တကြီးမေးလာတဲ့ Jimin ကို Boss Jin က ခေါင်းငြိမ့်ပြလိုက်သည်။ သုံးနှစ်လောက်ကြာအောင်တောင် သူသေချာကိုင်တွယ်ဖြေရှင်းထားနိုင်တဲ့ကိစ္စက တစ်ခါလေး လစ်ဟင်းသွားရုံနဲ့ ကမောက်ကမတွေ ဖြစ်သွားရမှာမျိုးကို သူအဖြစ်မခံနိုင်ပါ။
" Jimin...ဒီမှာပဲ Min PD နဲ့နေခဲ့ပေးလိုက်...မင်းတို့နှစ်ယောက်လုံးကို Namjoon လာခေါ်ပေးလိမ့်မယ် "
" ရတယ် Hyung "
Boss Jin ရော သူ့ဘေးကလူပါ တစ်ယောက်ဖုန်းတစ်လုံးစီဖြင့် အလုပ်ရှုပ်နေစဉ် Jimin ရဲ့ ဖုန်းကိုလည်း Jungkook ရဲ့ ဖုန်း၀င်လာသည်။
ВЫ ЧИТАЕТЕ
I hate that ' I love you '
Фанфикшнကိုယ်တကယ်ချစ်တဲ့သူကသာ ကိုယ့်ကိုနာကျင်စေနိုင်တာ.. Main OTP - Taegi * Unicode+Zawgyi * From 31st October, 2021
