" Kim Taehyung!! Kim Taehyung!! Kim Taehyung!! Kim Taehyung!! "
အနက်ရောင်ကားကြီးဝင်ရောက်လာကတည်းက အော်ဟစ်အားပေးသံတို့ ဝုန်းခနဲထွက်လာကြသည်။ ကားပေါ်က တည်တည်ငြိမ်ငြိမ်ဆင်းလာတဲ့ မင်းသားကိုမြင်တဲ့အခါ အားပေးသံတွေက အရှိန်နှစ်ဆမြင့်တက်လို့သွားသည်။
မင်းသားက အားလုံးကို ဖော်ဖော်ရွေရွေဦးညွတ်နှုတ်ဆက်လိုက်သည်။ နှုတ်ခမ်းလေးက ချိုချိုသာသာပြုံးနေသော်လည်း မင်းသားက သူ့ရဲ့မျက်လုံးတွေကိုတော့ အကာအကွယ်ယူထားပါသည်။ တစ်နှစ်ကြာမှ ပြန်တွေ့ရတာကြောင့် မင်းသားရော သူ့ပရိသတ်တွေရော နှုတ်ဆက်လို့မဝနိုင်ဖြစ်နေကြသည်။
" ကောင်းကောင်းရှင်သန်နေတာပဲ Tae "
အီလက်ထရောနစ်ပစ္စည်းတွေရဲ့ အလင်းရောင်တစ်ခုတည်းသာရှိသော အခန်းထဲတွင် တစ်ယောက်တည်းထိုင်နေသော PD လေးက ဖုန်းထဲက ဗီဒီယိုလေးကိုကြည့်ရင်း တိတ်တဆိတ်ရေရွတ်လိုက်သည်။ မဆေးရသေးသော ကော်ဖီခွက်များနှင့် ပြာတွေအပြည့်ဖြစ်နေသော ဆေးလိပ်ပြာခွက်တို့သည် ကျောတစ်ခင်းစာ အိပ်ရာရဲ့နံဘေးတွင် အစီအရီနေရာယူလို့ထားသည်။
" ဒေါက် ဒေါက် ဒေါက် "
" အင်း "
" Hyung စားဖို့ "
Jungkook က ခပ်မှုန်မှုန်မျက်နှာထားလေးဖြင့် လက်ထဲမှာ ပါလာသောပန်းကန်ကို Min PD ရဲ့အလုပ်စားပွဲပေါ်သို့ လှမ်းတင်လိုက်သည်။ စားပွဲတစ်ခုလုံးတွင် သီချင်းရေးလက်စစာရွက်များ note စာရွက်များဖြင့် ပြည့်နှက်လို့နေသည်။
" မင်း ကျောင်းမသွားသေးဘူးလား "
" ပြန်လာပြီလေ အခုက ညနေဖြစ်နေပြီ Hyung "
" အော် "
" Hyung..... "
Jungkook က ခပ်လေးလေးခေါ်လိုက်ပြီး လေပူတစ်ချို့မှုတ်ထုတ်လိုက်သည်။ အားလုံးနဲ့ဝေးရာကို ထွက်ပြေးလာခဲ့ပြီး ဒီနယ်စပ်မြို့လေးကို ရောက်ကတည်းက Min PD က နေ့တွေညတွေလည်းမသိဘဲ အလုပ်ခန်းထဲမှာပဲနေပြီး အိမ်အပြင်ကိုမထွက်တော့တာ တော်တော်ကြာနေပြီဖြစ်သည်။
" ဘယ်အချိန်အထိဒီလိုပဲနေနေဦးမှာလဲ "
" ထပ်မဆူပါနဲ့တော့ကွာ "
ESTÁS LEYENDO
I hate that ' I love you '
Fanficကိုယ်တကယ်ချစ်တဲ့သူကသာ ကိုယ့်ကိုနာကျင်စေနိုင်တာ.. Main OTP - Taegi * Unicode+Zawgyi * From 31st October, 2021
