حى العشق

#حى_العشق ........
لقاء الاول ......
فى منطقه قريبه للغايه تقع بالقرب من حى العشق ... تقع أكبر محلات العطاره للمعلم شامخ جبل الجبالى ....
شامخ شاب فى السبع والعشرين من عمره ...
يتميز بطول القامه وقوى البنيه مثل والده اسمر البشره واسد العيون الحاده يتميز بح"دة الطبع والغرو"ر ... يهابه اهل منطقته ...ولكن لا يظهر هذا الجانب سوي وقت الازمات أما فى الوقت العادى خفيف الظل ويتعامل مع الصبيا الذى يعملو معه بكل تواضع وإرياحيه ... والده توفى وترك له تجارة العطاره ...لديه شقيق يدعى مالك لا يشبه أخيه ولاطبع ولا شكل ...
يجلس مالك أمام المحل ....
مالك: يارب صبحنا وربحنا ومبين عبادك ما تفضحنا ....
صبى القهوه : احلى كوباية شاى للمعلم مالك
مالك: تسلم يا حماصه ....
.....: هاتلى قهوه ساده يبنى
حماصه: عنيه يا معلم شامخ ..
سحب كرسى وجلس بجانب أخيه ..
شامخ: عمرك شوفت معلم اسمو مالك
مالك: نعمل ايه ابوك وامك منهم لله ضاقت بيهم الدنيا سمونى مالك ... اه الدكتور قالك ايه
شامخ: بقت كويسه بس لازم ترتاح وانت عارف أمك يا مالك دى بتروق علشان الست اللى جيه تنضف بكره ...
ضحك مالك على والدته: انت عارفها يا شامخ ..
هدأت اصوات المنطقه .. وبقا صوت خلخالها التفت كل من شامخ ومالك وينظرون على الماره .. كانت تتمشى بكل هدوء ولا تكترث من عيون الخلق عليها ترتدى عبايه سودا ملفوفه على جسد"ها تعطى لها مظهر جذاب وشعرها المجعد الغجرى على ظهرها ...
شامخ بإعجاب: امتى يا بندقه تيجى تحت المطحنه ...
لم تنظر عليه حتى وصعدت بيتهم ...
مالك بمعاكسه: دى حتت بت يالهوى عليها
شامخ بضيق: مالك بنت الحج طه تخصنى
مالك بغمز: طب انت متجوز
شامخ بغرور: عادى الشرع محلل اربعه
مالك: طيب ماليش دعوه بزينب بس راسينى هتتجوزها فعلا
شامخ: وليه لاء
مالك: هتوافق عليك
شامخ بغرور: هى تطول المعلم شامخ الجبالى
مالك: أما نشوف المعلم هيعمل ايه معاها....
فى منزل زينب أسرة مكونه من سبع أفراد
زينب ومصعب وأحمد ووالدها طه وولدتها نورا وزوجة أخيها وطه الصغير ...... دخلت زينب وهى غاضبه من ذاك شامخ فهى ليست اول مره يلقح عليها بالكلام ...
نورا: مالك يابت
زينب: مافيش
نورا: مافيش ازاى
زينب: المعلم زفت بيلقح عليا بالكلام
مصعب : معلم مين
زينب : شامخ
نورا: بيلقح ازاى
زينب: بيعاكسنى
احمد:وانت سكتى
زينب: مصعب قالى مترديش على حد
مصعب: شاطره
زينب بوعيد: بس ورب الكعبه لو اتكررت لأكون مفرجه عليه أمه محمد كلها ده انا زينب المبص"بصاتى بتاع الفلفل الاسود ده
احمد: هدى نفسك يا معلم
زينب: رجاله ناق'صه متجوز ويبص بره ...
نهض مصعب ..
سمر: رايح فين
مصعب: نازل اشوف المعلم ابن جبالى ..
نورا: اقعد يابنى احنا مش قدوا
مصعب: لا قدو ياما
نزل مصعب إلى ابن الجبالى ليرى ما مشكلتوا .......
فى منزل  الجبالى .....
أنهار والدة شامخ: ما انت لو تسمعى كلامى وتجبيلو حتت عيل مش هيبص بره
لفت لها فتاه صارخة الجمال بمعنى الكلمه ملامحها الرقيقه وشفتاها الورديه بيضاء البشره وشعرها بنى وعيونها خضراء ... جميله للغايه ..  وتدعى ياسمين ...
ياسمين: ياخالتى اعمل ايه يعنى
أنهار : اتمسكنى لحد ما تتمكنى
ياسمين: ولا اتمسكن ولا اتمكن انا راضيه
أنهار: خلاص ياختى متزعليش لما يجيب واحده ويجى
ياسمين: حقو .....
على القهوه يجلس شامخ ومصعب ..
مصعب:خير يا معلم مالك ومال زينب
شامخ بغرور: عايزها
مصعب : عايزها ازاى
شامخ: عايزها فى الحلال يا ابو طه
مصعب: بس انت راجل متجوز
شامخ بغرور: انا راجل مقتدر واقدر واصرف على عشر بيوت... وكل اللى هتعوزه هيجلها
مصعب: سبنى اخد رايها
شامخ: معاك وقتك .......
فى مكان آخر فى حى العشق عماره فى شقه ما ....
تجلس على ارضية الغرفه تبكى بصمت ممسكه التحاليل فى يدها ... دخل هو ويحمل فى يده صينيه من الطعام ... وجدتها تنتحب بهذا الشكل راقد نحوها ..
امير بقلق: عائش مالك ياروحى
عائشه باكيه: رجع تاني رجع تانى
امير: هو ايه
عائشه باكيه: الورم رجع تانى
امير بصدمه: ازاى
عائشه بص"ريخ: معرفش معرفش يا أمير
ضمها إليه سريعا قائل بحنان: ششش ولا يهمك هنغلبه مره واثنين وثلاثه مش هسيبك ابدا
رفعت عينها من حضنه: بس انت ملكش ذنب
امير بحب: ذنب ايه بس انا راضى بالمرا"ر لانه معاك ....
عائشه باكيه: انا بحبك اوى
قبل امير راسها: وانا اكتر يا روح امير ... إن شاء الله هنحجز ونعرف حصل ايه يمكن التحاليل غلط ...
عارفه برجاء: يارب يارب يطلع غلط ...
امير: سواء كده او كده انا هفضل احبك ... وبعدين يلا انا جعان اوى...
جلس لياكل امير مع زوجته عائشه الذى قابلها صدفه وصمم على زواج منه رغم اعتراض والدته عليها .... ولاكنه تزوجها وعبد زواجهم بشهر اكتشفت انها مريضه السرطان فى الدم وتغلبت عليه بعد عناء برفقة امير......
وقفت أمام محل العطاره ...
زينب بردح: بقا انت يا بتاع الفلفل الاسود عايز تتجوز ستك زينب بقا انت يا بتاع النسوا"ن عايزنى زوجه تانيه ليك
جالس على كرسي ينظر لها ببرود قائل: وايه يعنى الشرع حلل اربعه
زينب بعصبية: يجليك اربعه يشلوك على قبرك يابعيد ...
ضحك شامخ مما زاد غضبها
زينب بعصبية: اسمع يا بتاع الفلفل الاسود انت لو طلعت فى وشى تانى همسح بيك الجماليه شارع شارع...
كادت أن تمشى ولكنها ضرب"ت شوال الكركديه بقدمها اتنثر فى الارض ...
وصعدت ....
حك ذقنه بغيظ منها مغروره وعنيده ....
شامخ بغرور: نوعى المفضل
مالك بعصبيه:يابنت ال....... انت سكتلها
شامخ بغرور: عجبتنى ودخلت دماغى
مالك: شامخ الجبالى سكت لوحده ست تعمل فيه كده ده الكل بيتفرج عليك ...
ثم صاح بيهم: يلا يابا العرض الخلص ... 
ذهب الجميع من امامه ...
سحب كرسى وجلس بجانب شامخ
مالك: رسينى هتعمل ايه يابن الجبالى
شامخ بغرور: هخدها وهجبها واوريها مين شامخ جبل الجبالى بس عايز اجيب رجلها بس ازاى ....
مالك بخبث: واللى يقولك
شامخ: يطلب اللى هو عايزه
مالك: مش طالب كتير بس اسمع ......
بدا فى قص خطته الخبيثه للإيقاع بيها ...
شامخ بعصبية: انت عبيط يلا انت ازاى تفكر كده
مالك: هو انت هتعمل كده انت هتخوفها بس هتبوس على ايدك علشان تتجوزها
لمعت عيون شامخ بإعجاب بالخطه ....
مالك: ها يابا جاهز للتنفيذ
شامخ: لما تنجح الاول
مالك: هتنجح يا معلم ....