بعد يومين تحسنت حالة الجدة وكتب الدكتور على خروجها من المستشفى مع مراعاة عدم الارهاق والمحافظة على أخذ العلاج والأكل الصحى.
توجة عز لدفع الحساب وجد الحساب مدفوع.
عز : هابسى انتى دفعتى الحساب
هابسى: لاء
عز : بس لقيتو مدفوع
هابسى: ممكن طنط منى
عز : طيب سندى تيتة ولا تحبى اشيلك ياتيتة
فاطمة : هههه تشلنى اية احسن توقعنى
عز : لا عيب عليكى دة انا رائد قد الدنيا واقدر اشيلك اة والله بس ماتخفيش
فاطمة : ربنا يبارك فيك يابنى تسلم من كل شر
هابسى: وانا ماليش دعوة حلوة ياتوتة ولا خلاص عز خد مكانى بقى
فاطمة : ربنا يخليكى ليا ويسعدك ويرزقك بابن الحلال
عز بضحكة : اللى زى طبعا مش كدة ههه
. .
وصل عز فاطمة وهابسى إلى بيتهم وبعد أن أطمئن على الجدة ذهب إلى عملة
. .
فاطمة : ابن حلال عز والله
هابسى: هههه عارفة والله
منى : طب اية مش هتفرحينا بقى الراجل بيحبك ولسة شاريكى بس انتى قولى اة وهو ماهيصدق
فاطمة: دى كفايا وقفتة جنبنا فى وقت الشدة وماسبكيش لحظة فى المستشفى وغير دايما كان يجى يطمن علية
هابسى: عز فعلا راجل وإنسان كويس وكل حاجة حلوة بس جواز مش هتجوز ماشى وسيبك من كل دة وخليكى فى نفسك وصحتك عشان خاطرى انا بجد ماليش غيرك ومش هعرف اعيش غير بوجودك معايا بلاش تتخلى عنى زى بابا وهمس انا تعبانة من غيرهم وربنا
فاطمة بدموع : ياحبيبتى يابنتى بس الموت مش بايد حد دة قضاء وقدر ربنا يابنتى وانا خايفة عليكى شوفتى حمدى قال اية هو وامة عشان مافيش راجل معانا
هابسى: وربنا لو ماكتيش تعبتى انا كنت غرفتة قيمتة الحيوان دة هو وامة كمان
منى : هى الناس كدة وهتفضل كدة على مر الزمن لازم يتكلمو ويجيبو سيرة دة ودة واكيد هو محروق انك رفضتية فحب يعمل فضيحة بقى عشان يسوء سمعتك واطى بقى نقول اية ربنا يستر عليكى منة ومن كلام الناس
فاطمة : وهو عز بقى إللى هيصونك
هابسى: انا اتفقت مع عز ان هيكون اخوايا ماشى خلص الكلام بقى . . .
عز فى عملة فى القسم
وليد : حمدلله على السلامة
عز : الله يسلمك
وليد : غبت عنى كدة لية خير فى حاجة
عز : قص علية ماحدث فى الأيام الماضية بخصوص هابسى وجدتها
وليد : تمام كدة انت قربت منهم اهو
عز : ايوة اعمل اية يعنى
وليد : جدد طلب الجواز وهى هتوافق عشان مالهاش غيرك ولجئت لك فى الشدة اهى
عز : ههه انت عايز استغل الموقف عشان تفهم انى ساعدتهم عشان مصلحتى مش عشان انا عايز افضل جنبها واحسسها بالوحدة وانى مافيش غيرى ولا اية لا طبعا انا اتفقت معاها اكون اخوها إللى هى عايزاة
وليد بصدمة: اخوها ازى يعنى طب دة اسمة كلام
عز : امال الاستغلال هو دة الكلام ولا اية انا شايف انهم محتاجين لية كسند مش كزوج وحبيب وكدة وانا راضى اكون الاخ والسند من ساعة لم شوفت همس وقلبى واجعنى على هابسى ومش عارف اعملها اية وهى بتحاول تبين انها قوية بس الحقيقة من جواها مافيش اضعف منها
نفسى اطمنها نفسى اجبلها حق اختها بس ياخسارة مافيش اى دليل يوصلنى الحيوان إللى عمل كدة
وليد : مسير الحقيقة تبان وتتعرف حتى لو بعد 100 سنة مسير الحق يظهر
عز : لازم الخير ينتصر على الشر فى الاخر مش كدة
وليد : ابو كدة كمان هههه
. . .
ظلت هابسى تفكر من الذى دفع حساب المستشفى إلى أن توصلت .
هابسى: ممكن يكون ليل هو عرف عنوان المستشفى عشان يدفع الحساب لازم أروح الشركة بكرة واقولو يخصم تمن المستشفى من راتبى مش يفكر نفسة ان هقبل بكدة لا طبعا .
بعد تعب أيام المستشفى والسهر والإرهاق ذهبت فى نوووووم عميق. .
استيقظت وجدت نفسها الساعة الثانية عشر ظهرا
هابسى: يالهوى كل دة نوم وخرجت من غرفتها وتوجهت إلى جدتها
هابسى: تيتة كدة تسبينى كل دة نوم
فاطمة: ياقلبى إنت بقالك فترة لا بتنامى ولا بترتاحى قولت براحتك بقى تصحى براحتك وانا فطرت وخدت العلاج ماتقلقيش
هابسى: ياحبيبتى الف هنا انا لازم انزل الشغل دلوقتى وهكلم طنط منى تقعد معاكى وانا هرجع علطول
فاطمة : ربنا معاكى ويرجعك بالسلامة
غيرت ملابسها وخرجت توجهت إلى مكان عملها تعلم ان الوقت تاخر بس لابد أن تتكلم مع ليل
. .
طرقت الباب ودخلت بعد التحية
ليل : حمدلله على سلامة جدتك خرجت مش كدة
هابسى: ايوة واكيد حضرتك الا دفعت حساب المستشفى طبعا شكرا لحضرتك وياريت يتخصم من راتبى كل شهر انا ماقبلش حد يصرف على جدتى أو يتعاطف ويتصدق علينا انا الحمدلله لسة مامتش واقدر اصرف على جدتى
ضحك ليل بخفه : ههه خلصتى محاضرة ولا لسة فى كلام تانى
هابسى: لحد دلوقتى خلصت
ليل: اوكية الحساب يتخصم من راتبك إللى لسة ماشتغلتيش بية غير اربع أيام بس ولا نسيتى
هابسى: ظروفى بقى ومبلغة اجازة حضرتك
ليل: ههه ماقولتش حاجة المهم هترجعى امتة الحفلة فى الفيلا بكرة ولازم تكونى موجودة وتجهزى مع مريم بقى ولا اية
هابسى: طيب بكرة الصبح هكون مع مريم وهظبط معاها كل حاجة
ليل: تمام
هابسى: انا لازم امشى عشان تيتة ومن بكرة هكون موجودة أن شاء الله
ليل: منتظرك
. .
ليل يتصل بسامر
ليل : ها كل حاجة تمام
سامر : ايوة طبعا تمام
ليل: طيب بكرة هتطلع على المزرعة وتجيب ماما ونور واوعى تقولهم أى حاجة تخص الحفلة ماشى
سامر : طبعا هو انا عبيط
ليل : ماشى ياعم عملت اية فى موضوع مريم
سامر : لسة مش لاقى فرصة
ليل: ههه ياخبتك بقولك بلغت كل أصحابنا وقريبنا عشان حفلة نور
سامر : اة ورجال الأعمال كمان المهمين ولينا شغل معاهم ماتقلقش كلة تحت السيطرة
ليل: اوكية سلام
سامر : سلام يا بوص
