قبل بدء الحفلة
ذهب سامر الى المزرعة واحضر والدتة ونور دون أن يبلغهم المفاحاة.
نور : فى اية ياسمورة
سمية : لية يابنى نرجع بالليل كدة هو ليل كويس فى حاجة اتكلم
سامر : لا اطمنى يا ماما ليل بخير بس طلب منى انى اجيبكم دلوقتى بس دى كل حكاية وكلها نص ساعة ونوصل البيت . .
هابسى: مريم هو احنا هنفضل لم الحفلة تخلص انا عايزة اروح انا سايبة تيتة من اول اليوم كدة كتير اوى
مريم : هههه روحى قولى لمستر ليل انا مالى ياختى
هابسى: هروح اقولة انا هخاف ولا اية لا احنا جامدين اوى
مريم : ماشى ياعم الجامد
. .
هابسى: مستر ليل ممكن
ليل: بعد الحفلة ياهابسى انا محتاجلك على الاقل بعد ساعة من الحفلة ابقى روحى
هابسى: حاضر ساعة بس
ليل بابتسامة : ماشى
دخل سامر بعربيتة وتفاجات نوراى ووالدتها بتزين الفيلا
نور : وااااو اية دة
سامر : سربريز مش كدة
ليل: حمدلله على السلامة ياماما نورتى البيت كان وحش من غيركم
وقبل والدتة واختة
ليل : حمدلله على سلامتك يا نور عينى
نور : حبيبى واحشتنى اية الجمال دة
ليل : دة عشانك وكمان دى هديتك آتفضلى العربية إللى نفسك فيها وانا بنفسى هعلمك السواقة بس فى الويك اند هههه
نور : اوكية وتقبل اخيها بحب
سمية : ربنا يخليكم ليا ويسعدكم يارب
سامر : ودى هديتى انا بقى احدث فون نزل لحد دلوقتى
نور بفرحة : حبيبى ياسمورة وتقبلة بحب
سامر : بلاش سمورة دى احسن اسحب الهدية تانى
نور: هههه خلاص مش هقول سمورة تانى يا سمورة ههههه
ليل: ههههه مافيش فايدة
. .
ليل: احب اشكر كل إللى حضرو الحفلة ودى معمولة عشان اختى حبيبتى نوراى عشان نجاحها وتحقيق حلمها تدخل طب والحمدلله هتكون دكتورة بعد 7 سنين المهم مش هطول عليكم انبسطو بالحفلة وشرفتونى
. . .
سامر يتحدث مع مريم
سامر: منورة الحفلة
مريم : شكرا
سامر : هو باباكى بيشتغل اية
مريم : محاسب فى بنك
سامر : بجد فى أى بنك عشان حابب اتعرف علية
مريم : لية
سامر : يمكن افتح حساب عندة ولا حاجة
مريم : هههه بابا محاسب مش صاحب البنك يعنى
سامر: يمكن احب اناسبة فى بنتة إللى من ساعة ماشوفتها وهى مجننة امى مش عارف اتكلم معاها كلمتين على بعض
مريم: اية
ليل: سامر تعالى عايزك
سامر : شوفتى النحس هههه راجعلك تانى وعايزك تفكى الصدمة ها
. . .
سامر : خير ياعم فى اية
ليل: انس اهو هناك
سامر: وانا مال امى انا
ليل: هههه فى اية يابنى مالك قرفان لية
انس : ازيكم يا رجالة واحشتونى مبروك لنور
ليل: الله يبارك فيك
انس : نهار اسوح هى البت دى هنا روحت فى داهية:
هابسى: مستر ليل هو .
ليل: فى حاجة ياهابسى
هابسى: مين دة
ليل: دة انس صديقى انا وسامر انتى تعرفية
سامر : اة عادى اية المشكلة دة انا كنت شاكك فيكى وعملت خطة مع انس عشان نعرف عادى عشان اسمنا مش قليل فى السوق ولازم إللى يشتغل معانا يكون محل ثقة وامان
هابسى: طيب كويس انكم متأكدين من ثقتى وامانتى انا كنت عايزة اروح بقى كفايا كدة
ليل: طب تعالى اعرفك على ماما واختى
هابسى: طب مش تتاكد الاول انى محل ثقة اتعرف على عيلتك ولا اكون مش قد المقام ولا .
ليل: هابسى ماقولتيش حاجة تانى وانا قولت لسامر انى واثق فيكى وبلاش الخطة بس هو اصر وانا كنت واثق إللى يرجع سلسلة غالية عمرة مايكون خاين
هابسى: شكرا
حضر فى ذلك الوقت شريف سالم
سامر : اية إللى جابة دة
شريف : الف مبروك لاختك قولت لازم اجى ابارك
ليل: بس انت مش من المعازيم ياشريف
شريف : بس لازم اهنى ولا اية مين دى سكرتريتك
ليل: أيوة
شريف بصدمة. .
ليل: هابسى سكرتريتى الخاصة
شريف مازال مصدوم من روية هابسى : اهلا انا لازم امشى
وترك الحفلة فى زهول ليل وسامر
سامر: تعالى عايزك لحظة
ليل: اية فى اية
سامر : اكيد خدت بالك من منظر شريف لم شاف هابسى بيدل انة يعرفها وانصدم واستغرب لم شافها فهمنى دة معناة اية
ليل: معناة ان يعرفها بس يعرفها منين
سامر : يمكن هو إللى مشغلها معانا
ليل: انت عبيط كان ماحصلش صدمة لم شافها لانة هيكون عارف هى فين ومع مين لازم اتكلم مع هابسى.
وتوجه إلى مكان هابسي ليتحدث معها ويفهم ما الأمر.
ليل: هابسى ممكن اسالك سوال انتى تعرفى شريف سالم شوفتية قبل كدة
هابسى: إللى كان هنا دة اول مرة اشوفة لية فى حاجة
ليل: لا مجرد سوال
هابسى: انا لازم أروح تيتة لوحدها
ليل: خلاص روحى مع سامر
هابسى بصدمة: دة لا بيطقنى ولا انا بطيقة
ليل: هيوصلك مع مريم
وطلب من سامر ان يقلها إلى منزلها :
ليل : سامر وصل مريم وهابسى
سامر : اوف طيب هو يوم مش هيخلص انا عارف
سامر : اتفضلو عشان اوصلكم
وصل سامر هابسى الى منزلها وبعد ذلك توجه لإيصال مريم ، و
ودعها وعاد إلى الفيلا وظل شارد في القرار الذى اتخذه وهو ان يتقدم لوالده مريم لتصبح زوجته وملكه قلبه
. .
ظل شريف مصدوم من رؤية هابسى وقرر أن يراقبها ويعرف مكان سكنها ويعرف كل شئ عنها . . .
بعد انتهاء الحفلة
يجلس سامر مع عائلته يخبرهم عن نيته بالارتباط.
سامر : عايز ابلغكم انى قررت ادخل القفص برجليه وعايز اخطب مريم:
نور : هاااى بجد
سمية : مبروك ياحبيبى وهنتقدم لها امتة
ليل: خلاص ناويت الف مبروك
سامر: الله يبارك فيك انا قولتها تفاتح والدها وتحدد معاد وتبلغنى بيه
سمية : طيب ياحبيبى مريم بنت مؤدبة وكويسة ربنا يسعدك ياحبيبى
سامر : ويخليكى لينا ياست الكل . .
ذهب الجميع فى نوم تام بعد الحفلة
. .
ليل يتذكر وجة شريف ومغادرتة بسرعة عندما رأى هابسي.
ليل: ياترى فى اية بنكم لازم اعرف هو انا لية بفكر فيها لا ياليل فوق ماينفعش افكر فيها ماينفعش. . .
عادت بيتها بعد تعب اليوم وذهبت إلى غرفة جدتها
هابسى : توتة حبيبتى انتى كويسة
فاطمة : الحمدلله انتى عاملة اية
هابسى: تمام عايزة اخد رأيك ف حاجة كدة
فاطمة : خير ياحبيبتى
هابسى: اية رأيك نصلح تاكسي بابا ونشغلة
فاطمة : انتى إللى تشغلية
هابسى: لا انا هقولك على حصل انهاردة
وقصت على جدتها كل ما حدث معها اليوم .
فاطمة بعد ان ا ستمعت لكلام هابسى
فاطمة : بقى لسة فى ناس كدة ربنا يسترك يابنتى هى دى تربيتى خلاص نصلحة يابنتى بس هيكلف كتير دة بقالو سنين
هابسى: بكرة اخادة يعمل صيانة واشوف التكلفة كام وربنا يسهل
فاطمة : خدى دة دفتر توفير روحى اسحبى إللى فية
هابسى: لا خلى فلوسك ياتيتة انا هتصرف
فاطمة : يابت اسمع الكلام انتى مش عايزة ستك تاخد ثواب وهى قربت تقابل وجه كريم عمل الخير هو إللى بيسبق العبد قبرة يابنتى لم تعملى خير ربنا بيكتبلك فى عملك يوم القيامة كل الخير إللى انتى عملتة والحسنة بعشر امثالها وانا محتاجة اعمل حسنة وربنا يجزينى عليها
هابسى: خلاص ياتيتة إللى يريحك انا كمان ماكنتش هاخد منة فلوس بس قولت ممكن اخد التلت زى مااتفقت معاة وابعته لاى دار ايتام او مسجد بينبي أى عمل خير ويكون صدقة جارية على روح بابا وهمس
فاطمة : خير ماهتعملى يابنتى هو دة الصح
عايزة منك تسلمى امرك لربنا وبلاش انتقام ارمى حمولك على ربنا وهو واحده قادر يبدل حالك من حال لحال قادر يبدل حزنك لفرح
قادر يخرج همك وضيقك
قادر على كل شئ
قادر يبعتلك فرحة تنسيكى كل حزنك
هو القادر يابنتى
