(الفصل الخامس)
وخلال ذلك الوقت فى نها ية اليوم ، كانت تجلس بالمقعد بجانب فراش جدتها ، وتحمل يدها بين يديها ، وتتحدث معها ، كما لو أنها تسمعها ومدركه وتشعر بها .
هابسي : تيته انا محتجالك خليكى قوية واوعى تستلمى عشان خاطرى اخرجى من غيبوبتك دى وخليكى جنبى لازم نجيب حق همس ياتوتة فوقى بقى: انا هسيبك هروح اعمل مشوار مهم ومش هسيبك غير وانتى كويسة ورحمة همس لاجيب حقها. .
غادرت المشفي وقررت ان تذهب لقسم الشرطه وبعد مرور بعض الوقت ، كانت امام مكتبه تطرق بابه بهدوء ثم دلفت لداخل ..
رفع عز عيناه ليتفاجئ بوجودها امامه
هتف بدهشه : هابسي اتفضلي ، واقفه ليه ؟
وقفت امامه تهتف بقوة وثبات: انا عايزة اعرف التحقيق وصل لفين وفى أى دليل وصلت لية ولا لسة واى حاجة تخص القضية لازم اعرفها .
عز بتفهم : طبعا اتفضلى اطلعى على المحضر بس التحقيق مستمر ولسة ماوصلتش لحاجة القضية غامضة لان الشاهد الوحيد هي اختك وللاسف مش موجودة تدل على أوصاف الجانى كنا وصلنا إلى عمل كدة بس للاسف
هابسي بعصبية : يعنى اية غامضة يعنى اختى تغتصب وتتقتل ومافيش دليل وماحدش ياخد جزاء إللى عملة هى أرواح الناس بقت سهلة اوى كدة .
عز بتفهم حالتها : بصى انا مقدر حالتك ومش هسكت وانا معاكى ومش هسيب حق اختك يضيع فاهمة حتى لو القضية اتقفلت انا هفضل ماشى فيها ولازم اوصل واجيب حقها
هابسى : طيب انا عايزة استلم حاجة اختى إللى كانت معاها
عز : اة طبعا موجودين كل متعلقاتها اتفضلى دى كل حاجتها انا كنت هجبهملك
دول سلستين كانت لابساهم وقت وقوع الجريمة
هابسى لنفسها : سلسلتين ازاى هى كانت لابسة سلسلة وانا سلسلة وبتعتى معايا هى معاها نص القلب وانا النص التانى
عز : هابسي اتفضلى حاجتها اهى
التقطت هابسى متعلقات شقيقتها وهي تنظر لهم بغرابه ثم نهضت من مجلسها ونظرت له قبل ان ترحل :
شكرا
. . . . .
بعد أن غادرت هابسى القسم ظلت تفكر فى هذة القلاده التي اول مرة تراها وعندما دققت النظر اليها وجدت منقوش عليها اسم ولكن بلغة لا تعلمها .
هتفت بشرود : اكيد السلسلة دى ممكن توصلنى لحاجة بس اية اللغة دة مش عارفها ياترى مكتوب باى لغة .
بحثت هابسى فى أماكن لبيع المجوهرات وتسأل الأشخاص عن هذة النقوش التى تخص القلاده ولم تتوصل إلى شئ وقررت الذهاب إلى جدتها . .
. . . . .
فى مكتب ليل النجار
دلف سامر المكتب بضيق :
سامر: اية يابنى لسة بردو مش عاجبك ولا واحدهقدمت
ليل : لا ولا واحدة تنفع دول جاين عرض ازياء مش شركة محترمة
سامر: انت كدة مابيعجبكش حد المهم عملت اية مع شريف
ليل : شريف داخل معايا الصفقة الجديدة وشكلة مش ناوى على خير
سامر : طب ربنا يعينك علية
ليل بتفكير: انا مش عارف لية شريف بيعمل كدة معايا
سامر: صحيح دة كان صاحبك اوى زمان
ليل : مش كان ببكرهنى لية فجاة بقى كدة
سامر : يمكن عشان انت محتكر السوق هو بقى غار وحقد عليك هههه ماتقلقش احنا اكيد هناخد الصفقة ههه كالعادة وهو يولع بقى وما يلقيش إللى يطفية
ليل : طب حضر للاجتماع عشان ننقاش امور الصفقة الجديدة
سامر : تحت امرك ياكبير
. . .
عادت هابسى الي المشفى وتوجهت إلى جدتها بغرفه العنايه المركزة وتفاجت ان الفراش خالي ، دب الخوف والقلق قلبها ، وبحثت عنها .
هابسى بقلق : فين تيتة لوسمحتى فين تيتة
اجابتها الممرضة بهدوء: اة هى فاقت وانتقلت غرفة عادية غرفة رقم 202
هابسى بفرحة : بجد شكرا صعدت هابسى بفرحة ، ثم دلفت الغرفه ركضا تريد ان ترتمي باحضان جدتها الدافئه ، تبكي اليها مراره الايام بعد رحيل تؤام روحها ...
مسحت الجده علي ظهرها بحنان وانسابت دموعها هي الاخرى .
كفكفت هابسى دموعها ونظرت الي جدتها بحب : حمدلله على السلامة ياحبيبتى كنت عارفة ان ربنا مش هيسبنى لوحدى وهيرجعك ليا تانى
ربنا يخليكى ليا ياتوتة
فاطمة بحزن : ويخليكى ليا ياقلب توتة وربنا يعوض صبرنا خير يارب
هابسى : اوعدك إللى عمل كدة فى همس مش هسيبة وهاخد حق اختى وهنتقم منة بس انتى خليكى جنبى انا محتجالك
فاطمة بقلق : انا جنبك ياحبيتى بس انا بحبك وبخاف عليكى مش عايزة اخسرك انتى كمان ربنا هو المنتقم الجبار سيبى البوليص يشوف شغلة هو إللى يتصرف بلاش تدخلى انتى فى دوامة
هابسى : بوليس اية ياتيتة المحضر اتقفل عشان مافيش دليل
فاطمة : يبقى حق اختك عند الذى لا يغفل ولا ينام حقها عند ربنا ومش هيضيع.
بعد يومين تحسنت حالة الجدة وخرجت من المستشفى . . .
وبدأت هابسى رحلة البحث من جديد عن اسم صاحب القلادة وتوصلت إلى جواهرجى اخيرا يعلم ماهو الاسم المكتوب على صاحب هذة القلادة .
هابسى : لو سمحت تعرف اية النقش إلى على السلسلة دى انا لفيت محلات مصر كلها ومحدش يعرف
الجواهرجى بتفكير : اممم انتى جايبة السلسلة دى منين
هابسى بكدب : انا لاقيتها فى كافية وكنت عايزة اعرف صاحبتها مين دلوقتى بدور عليها اصلها شكلها غالية اوى
الجواهرجى : اة فعلا غالية اوى دى الاسم منقوش بحروف الماس يعنى اغلى طبعا من الدهب وانا عارف مين صاحبها سيبها وانا هوصلها .
هابسى بفرحة : بجد تعرف مين بقى صاحبها وانا بنفسى لازم اوصلها انت عايز تاكل عليه حلاوتى ولا اية
الجواهرجى: دى تخص عميل عندنا ومن اهم رجال الأعمال فى مصر وكان قفلها بايظ وانا لسة مصلحة من مدة
هابسى : حلو اوى قولى بقى اسمة وعنوانة وانا هوصلها بنفسى
الجواهرجى : دى تخص ليل النجار صاحب أكبر شركات الاستراد والتصدير والصناعة فى البلد
هابسى : طب الاسم إللى عليها اسم مين
الجواهرجى : دة اسم ليل باليونانى وانا اللى عاملها بنفسى هو طلب منى اعملها بس الكلام دة من سنين
هابسى : طب ممكن العنوان عشان اوصلها
الجواهرجى : هتوصليها بجد ولا هتحلو فى عنيكى
هابسى : لو كانت احلوت فى عينى ماكنتش لافيت عليها محالات مصر كلها عشان اوصل لصاحبها كنت بعتها ولا حد عرف ،بس انا مش كدة لا يمكن اخد حاجة مش بتعتى
الجواهرجى: خلاص خدى العنوان واكيد ليل باشا هيساعدك لو طلبتى شغل
هابسى : ياريت انا بدور على شغل
اتفضلى العنوان اهو
هابسى بوعيد : شكرا اوى
