الشاب: يتصل باحد حراسة
الحارس : تحت امرك يا باشا
الشاب : هات العربية قدام باب المستشفى بسرعة فاهم
الحارس: فاهم ياباشا .
حمل الشاب هابسى وتوجة بها إلى عربيتة ووضعها فى الكرسى الخلفى ورحل من امام المستشفى .
وصل إلى مكان خاص بية
نزل من عربيتة وحمل هابسى ودخل بيها إلى المنزل الخاص بية
وطرق الباب وفتحت الدادة الخاصة بية
دادة رقية : شريف بية خير يابنى مين دى
شريف : مالكيش فية يارقية وسعى من طريقى
صعد بها إلى غرفتة ووضعها على السرير واتصل على طبيب ياتى ليفحص هابسى ويضع لها كل ماتحتاج لة.
بعد فترة حضر الطبيب وبعد الكشف
الدكتور : هى محتاجة عناية خاصة لازم تكون فى المستشفى تحت الملاحظة وتحت الاجهزة اللازمة وكمان فى جرح فى كتفها جرح رصاصة وكمان هى فى غيبوبة كاملة والجرح من فترة ممكن اعرف انت تقرب لها اية
شريف بعصبية: انا جوزها وهى كانت فى مستشفى بس مافيش رعاية كويسة وانا هرعاها فى بيتى فاهم واعمل لها كل اللى هى محتجاة وحسك عينك تتكلم فاهم ولا لاء انا حر مع مراتى
الدكتور بخوف : زى ماتحب الجرح كويس بس محتاج يتغير علية كل يومين عشان مش يلتهب وتتغذا على المحلول وتاخد الحقن دى فى المحلول عشان تساعدها ولازم تحاول تتكلم معاها كتير عشان مش تستسلم الغيبوبة لازم حاجة تخليها تصارع وتقاوم وتفوق لازم حد بيحبها اوى يقعد جنبها ويحاول يتكلم ويحكى معاها على مواقف حصلت مع بعض وهى هتحاول ترجع للواقع
شريف : شكرا يادكتور رقية وصلى الدكتور
رقية حاضر اتفضل يا دكتور. .
جلس شريف بجانب هابسى على طرف السرير وقالها : اية هنفضلى كدة كتير مش تقومى بقى عشان تنتقمى منى ههههه انا اللى عملت كدة فى اختك ولم لاقيتها قاطعة النفس قولت هتموت وادبس ليل بقى كان معايا سلسلة ليل كنت خدتها منة بطريقتى هههه كانت ذكرى من مراتة وغالية عندة اوى خليت حد جابلى السلسلة عشان احرق دمة ورميت السلسلة مكان اختك عشان هو اللى يشيل الليلة ويلبس القضية بس خسارة طلع حظة حلو انا اللى عملت كدة فى اختك واقولك كمان على صدمة هتجيب ليل الارض انتى دلوقتى عندى فى بيتى فوقى بقى عشان اللعبة تحلو لازم تنتقمى منى ولا اية اوعى تستلمى للموت بسهولة لازم تاخدى حق اختك فاهمة قومى وخدى حقها وانتقمى منى
شريف بدموع: عارفة انا كمان عايش بس عشان انتقم لازم اخلص على ليل اصل الحياة مش تسعنا احنا الاتنين لازم واحد يموت وانا ناوى اخلص علية واحدة واحدة هو كدة بيموت بالبطئى
اخدتك منة وعارف ان بيحبك ومتمسك بيكى وهاخد اختة كمان وهخلية يدوق العذاب إللى انت بتعذبة لازم يحس بوجعى لازم. .
استيقظ ليل مخضوص: يانهار ابيض انا راحت علية نومة احنا بقينا الصبح
خد شاور سريع وغير هدومة ونزل قابل مامتة
سمية: صباح الخير ياحبيى
ليل: صباح الخير يا ماما وقبل جبينها ينفع تسبينى نايمة كل دة هى دى الساعة يا ماما
سمية: جيت اصحيك صعبت عليا قولت اسيبك تاخد كفيتك من النوم وتصحى براحتك
ليل: هابسى لوحدها ياماما لازم امشى بقى
سمية : طب افطر الاول
ليل بسرعة: لا معلش لازم اروح لهابسى مع السلامة
سمية : مع السلامة ياحبيبى ربنا يقومها بالسلامة
. .
نور : صباح الخير ياماما هو ابية كان بايت هنا امبارح وكمان خرج من غير ما اشوفة
سمية : معلشى كان مستعجل عشان هابسى لوحدها
نور : امممم قولتلى مش ملاحظة أن ليل مهتم اوى بهابسى وبيحبها اوى كمان وماسبهاش لحظة علطول معاها فى المستشفى انا ماشوفتش الحب دة من ساعة لم ايليف مراتة ماتت دلوقتى بقى بيحب بجد
سمية : ربنا يسعدة ماهى فعلا .
نور: هى اية
سمية : لا ياقلبى قصدى هابسى طيبة وبنت حلال ويارب تكون نصيب اخوكى هى والله ماتستاهل إللى بيحصلها دة ربنا يشفيها يارب كنت بحس انها دايما محتاجة لحضن الام لم كنت احضنها كنت بشوف عنيها تدمع ياحبيبتى دى مفتقدة حنان لام وهى عايشة
نور : مامتها عايشة وسيباها لوحدها كدة ازى
سمية : ظروف يا نور ماتشغليش بالك انتى
نور: حاضر يا ماما انا رايحة النادى هقابل صحابى
سمية: ماشى خلى بالك من نفسك وسوقى على مهلك
نور : ماتخفيش علية دة انا تعليم ابنك ماتقلقيش بقيت اعرف اسوق
سمية : ربنا يستر لتدخلى فى حيطة ولا حاجة
نور: هههه ماتخفيش سلام
. .
ركن ليل عربيتة امام المستشفى وصعد وتوجه إلى غرفة هابسى وجد غرفة العناية الخاصة بها مفتوحة وحس ان قلبة اتقبض ومش قادر يتحرك وخاف يسمع خبر فقدها
خرجت الممرضة تبكى وتتحدث مع الطبيب : والله يادكتور انا لسة داخلة اطمن عليها انا لسة مستلمة الشيفت بتاعى ومالاقتش حد فى الاوضة
الدكتور: ازى يعنى واحدة فى غيبوبة مش لاقينها ومحدش يعرف عنها حاجة انتو مش مركزين فى شغلكم كلكم هتتحولو لتحقيق
ليل جرى على الدكتور ومسك فى لياقة البالطو الطبى: فين هابسى انطق
الدكتور : والله ما اعرف بلغونى دلوقتى انها مش موجودة وانا هحقق فى الوقعة وهجازى أى حد قصر او تجاوز وكل التمريض هياخد جزة ويتحقق معاهم
ليل بعصبية: يعنى اية فين مراتى وربنا المعبود لو مراتى ماظهرتش النهاردة لاقفللكم المخروبة دى فاهمين.
حصل حالة من الهرج والمرج داخل المستشفى
والكل يبحث عن هابسى ولا يوجد لها أى اثر. .
توجة ليل بعصبية إلى مدير المستشفى
ليل بعصبية: فين كاميرات المراقبة اكيد هنلاقى فى حاجة:
المدير: كل الكاميرات الخاصة هتكون فى غرفة المراقبة
. .
اتصل ليل على عز وبلغة بغياب هابسى وحضر عز على الفور.
ليل: عز كويس تعالى نشوف كاميرات المراقبة
فى غرفة المراقبة
عز : عايزين نشوف كل اشرطة الفديو من بالليل لدلوقتى وهات كاميرات مدخل المستشفى وكل المداخل والمخارج للمستشفى بسرعة
رجل الأمن: حاضر ياافندم.
وبدوء فى مراقبة كل شريط فديو وفحاة ظهر رجل شاب من الخلف يحمل فتاة ويدخل بها عربية كبيرة جيب ويركب معاها
ليل: كبر الصور دى بسرعة
عز : الحيوان مش باين غير من ضهرة
ليل بعصبية: يعنى اية اتخطفت بس مين ممكن يعمل كدة
عز: عايز اشوف الممرضة بتاعت امبارح بالليل المسئولة عن حالة هابسى
المدير : هى سلمت شيفت الساعة 7
عز بانفعال : تيجى دلوقتى حالا ويتحقق معاها
