بداءت الجلسة العلاجية
جهاد : استرخى هون وسكرى عيونك وراح أسألك وانتى راح تحكى وانتى مسكرة عيونك
هابسى: تمام
جهاد : شو شايفة هلا
رجعت هابسى لورة وهى عمرها عشر سنين وبداءت تحكى معاناتها فى الصغر
هابسى : طفلتين عمرهم عشر سنين همس وهابسى كل السعادة والضحكة مالية عنيهم وقلبهم مابيسبوش بعض روح واحدة فى جسدين هى بتحس بوجعى قبل مااتالم انا كان حياتنا واحدة واحساسنا واحد وكل ميولنا واحد بنحب اية ونكرة اية كانت حياتنا جميلة بوجود بابا وسطنا كان هو فرحتنا كان حنين اوى علينا وفى يوم راح كل سعادتنا وفرحتنى اتهدت فى لحظة بابا كان سواق تاكسى رغم أن كان متخرج من كلية محترمة بس مافيش شغل جاب تاكسى واجوز هالة بعد رفض اهلها طبعا عشان هى من عيلة غنية وهو من عيلة بسيطة وبابا حاول وكمل نفسة واتجوز وبعد سنة جابنا على الدنيا انا وهمس كنا حياتة كان بيحب هالة اوى وكان بيحاول يعمل المستحيل عشان يلبى كل احتياجاتها طبعا اهلها قطعو الصلة بيها عشان اتحوزت بابا وهى بعد فترة كرهت عيشت بابا وطول الوقت خناق وزعيق قدامنا وبابا متحمل عشانا ولم وصل عمرنا عشر سنين بابا كان بيشتغل ليل مع نهار عشان خاطرنا وخاطر هالة لانها دايما تحسسة بالعجز والنقص ودايما تقولة انا جوزتك وانت كنت شحات ورضيت بيك وسبت اهلى عشانك وبابا خرج بعد آخر خناقة بنهم وطبعا عمل حادثة بالتاكسى وبابا اتشل بعد الحادثة وقعد فى البيت طبعا هالة ماوقفتش جنبة فى اذمتة ولا محنتة وقالت طلقنى انا استحملت كتير وخلاص تعبت مش قادرة على حياتك كفايا كدة وانا مش هتحمل عجزك كمان
بابا انصدم ازى الست إللى اجوزها ويعمل كل حاجة عشانها وام بناتة عايزة تسيبة كدة بالساهل وفعلا بابا طلقها يوم ماقالت طلقنى وكلمت اخوها جى خدها بعد ماعاير بابا بعجزة وانا همس فضلنا مع بابا واحنا كنا بنعملة كل حاجة شيلنا مسولية بابا والبيت واحنا عشر سنين وجدتى جت تقعد معانا وهى كانت بتحاول تخفف عن بابا المة وحزنة وكانت حنينة علينا بعد 6 شهور من الحادثة بابا اتوفى وسابنا امانة عند تيتة ولم هالة عرفت كانت اتجوزت وجت خدتنا من تيتة بالقوة جابت البوليص لتيتة وروحنا معاها هى السبب فى كل حاجة هى إللى خلت بابا يموت ويسبنا هى إللى خلت همس ضعيف هى السبب هى وجوزها انا بكرهم بكرهم واخوها هو إللى قتل بابا التحقيق اسبت انها حادثة مدبرة هو كان عايز يجوزها لواحد وسخ زية وصاحبة اللى اتخلت عنا عشانة انا بكرهها كانت بتسبنا لجوزها وجوزها انا بكره هو السبب ان همس ماتقدرش تدافع عن نفسها شخصيتها بقت ضغيغة بسببهم هى إللى وصلت همس انها ماتقدرش تقاوم الحيوان إللى اغتصبها وقتلها:
فتحت هابسى عيونها وجدت ليل وعينة تدمع
هابسى بصراخ : انت السبب انت إللى قتلت اختى انت اللى دمرتنا
حضر عز وطرق الباب فى ذلك الحظة وفتح له جهاد
عز : فى اية
هابسى تقرب من ليل وتمسك فى قميصة وتهز فية انت السبب خدت اختى منى
عز بصدمة : ليل
ليل: انا ازى انتى عارفة انا مين انتى اكيد مش فى وعيك
هابسى: نظرت إلى عز وقربت منة فى صمت وسحبت المسدس الخاص بية
والجميع فى حالة صدمة
هابسى بيدها المسدس وتصوبة امام ليل .
هابسى بصراخ : ماحدش يتحرك ويقرب منى خليكم جنب بعض
هابسى: ليل انا هاخد حق اختى منك انت إللى اغتصبتها انت إللى قتلتها انا دخلت حياتك عشان انتقم منك انا مش عايزة غير روحك انا هقتلك انت إللى ضيعت اختى انت قد اية حقير انا بكرهك بكرهكم كلكم بكرهكم
ليل: انت اكيد فاهمة غلط وانا قدامك اهو لو واثقة فعلا ان عملت كدة فى اختك انا قدامك اقتلينى لكن اسمعى كلامى الاول
انا عمرى ماشوفت اختك ولا عمرى شوفتك غير لم رجعتى السلسلة اكيد فى حاجة غلط
هابسى بصراخ: السلسلة كانت مكان الجريمة عند همس وعز بنفسة إدانى السلسلة وانا فضلت ادور على صاحبها لم عرفت انك صاحبها عشان كدة طلبت اشتغل معاك عشان اقرب منك واقتلك زى ماقتلت اختى
ليل: انا اتاكدت من نظراتك الغريبة لية ماكنتش عارف افسرها كانت كره اقسم بالله انا عمرى مااعمل كدة قول حاجة ياجهاد انا بتعالح عندك من 3سنين من ساعة وفات مراتى وعمرى ماافكر اعمل كدة واذى بنت فعلا السلسلة بتعتى بس انا مش عارف وصلت مكان الجريمة ازى هى فعلا ضاعت منى ومش لاقيتها غير لم انتى جبتهالى دى سلسلة مراتى وانا إللى عملهالها مراتى كانت يونانية وطلبت اعملها اسمى وهى السلسة غالية علية جدا لانها بتعت مراتى الله يرحمها يمكن حد لاقها وسابها هناك انا أكبر عدو لية هو شريف سالم إللى شافك فى حفلة نور وانصدم ومشى بسرعة وانتى بتقولى انها توامك مش بعيد يكون هو إللى عمل كدة وساب سلسلتى مكان الجريمة:
انا قدامك اهو اعملى إللى انتى عايزاة لو مصدقة ان اغتصبت اختك وقتلتها اقتلينى وريحى نفسك
هابسى تمسك المسدس وتسحب الزناد وتتذكر كلام جدتها. لازم بينة يابنتى وطول مامش معاكى دليل يبق مش هو بلاش تظلمى حد الظلم ظلمات يوم القيامة بلاش نكون من النادمين يابنتى بلاش وفجاة غيرت مسار المسدس وصوبتة على قلبها هى وحاولت الضغط على الزناد والجميع فى حالة صدمة
اسرع ليل إليها ويحاول ابعاد المسدس عنها ورمى نفسة عليها عشان مش تدوس على الزناد لكن فات الأوان واطلقت طلقة مدوية صدها على مسمع الجميع الذى صرخ باسمها
استقرت الرصاصة فى كتفها الشمال بسبب أرتطام ليل بجسدها وخرت قوها غارقة فى دمائها.
الجميع بصدمة : هاااابسى
ليل: لية عملتى كدة لية يامجنونة
هابسى بالم : تيتة قالتلى مافيش بينة مافيش دليل وانا مش هظلم حد رغم شكوكى بس مش هظلم وانا عايزة ارتاح نفسى اموت بقى وارتاح يمكن ارتاح دلوقتى واشوف اختى وتيتة وبابا
وغمضت عينها فى استسلام دام.
تم نقلها إلى المستشفى.
فى المستشفى دخل الأطباء لاسعافها وتفقد حالتها.
ظل ليل وعز وجهاد فى حالة قلق وخوف مع الصدمة فالجميع لم يستوعب بعد ماذا قالت وماذا فعلت بنفسها وحالة حزن مسيطرة على الجميع
. .
بعد عدة ساعات تم إخراج الرصاصة ولكن حالتها النفسية غير مستقرة .
خرج الطبيب المعالج :
ليل: هي كويسة مش كدة
الدكتور: الحمد لله هى الرصاصة قدرنا نخرجها بس الحالة للاسف دخلت فى غيبوبة .
انتابهم الشعور بصدمة : وهتف ليل بالم : غيبوبة .
الدكتور : هى دخلت الغيبوبة بارادتها هى رافضة الواقع رافضة الحياة ودلوقتى عقلها الباطن بيصارع انها تبعد عن الحياة وتستسلم لعدم رغبتة فى الحياة والله اعلم هتفوق من الغيبوبة امتة لازم تدخل الطب النفسى ونعرف نوصلها عدم الرغبة فى ترك الواقع ونخليها تتمسك بالحياة مش تستسلم للموت
الحالة البدنية كويسة ومافيش خطورة غير من الغيبوبة وربنا معاها ادعولها
جهاد : انا دكتور نفسى وكنت متابع حالتها واقدر اباشرها
الدكتور تمام هتنتقل العناية وتقدر تبدا معاها من دلوقتى : . .
بعد ساعة دخل جهاد الاول وبدأ فى الكلام معاها وخرج .
دخل ليل يحاول يخرجها وينفى التهمة البشعة عنة وظل يتحدث معها .
دخل عز أيضا واطمن عليها ووعدها ان كان ليل حقا سوف اخذ بحقك وحق اختك وخرج يتحدث مع ليل . .
عز : ليل عايز اتكلم معاك فى موضوع مهم
ليل: اقسم بالله ماشوفت همس ولا اعرفها
ولا اعرف السلسلة وصلت هناك ازى ولا اعرف انها توامها غير لم حكت مع جهاد انا كنت فاكر ليها اخت ماتت من كام شهر ماعرفش تفاصيل غير لم حكت لجهاد صدقنى طب ازى هشغلها معايا وانا عملت كدة فى اختها وانا اول مرة اشوفها لم جت الشركة ترجع السلسلة وطلب شغل والسى فى بتاعها كان كويس عشان كدة استلمت مكان فى الشركة
عز : انا مصدقك بس عايز اعرف مين شريف سالم وعدوك من امتة وعايز كل إللى تعرفة مش بعيد يكون هو السبب فى موت همس زى ماانت قولت انصدم لم شاف هابسى اكيد فى حاجة لازم نعرفها
ولازم نوصل عشان هابسى تفوق من غيبوبتها ويكون عندها امل تكمل حياتها وعايز اعرف انت متمسك بهابسى بتحبها بجد
ليل: انا فعلا بحبها وهفضل متمسك بيها وهحاول اقنعها تكمل معايا بس هى تقوم بالسلامة
عز : وانا سعيد بكلامك دة وهكون معاك نحاول نوصل لحل قضية همس وان شاء الله هابسى تقوم بالسلامة وتتجوزو رسمى وربنا يسعدها ويفرحها اكيد ربنا هيكتبلها الفرح بعد الحزن إللى عاشتة وشافتة واكيد ربنا هيكتب لها الخير وانا حاسس ان هابسى هتقوم من الغيبوبة وهتكون بخير
ليل: يارب ياعز
عز : لو وصلت لاى حاجة بلغنى ولازم تحكيلى حكاية شريف معاك اية
. .
