(الفصل الرابع والعشرون)
قررت هابسى ان تكتب ورقة وتذهب الى ليل لتغادر المنزل
وطرقت باب غرفة ليل
ليل : ادخلى يا نور
دخلت هابسى وتفاجاة ليل بها .
ليل : هابسى تعالى فى حاجة محتاجة حاجة
هابسى: اعطتة الورقة
ليل: فتح الورقة وانصدم من المدون بالورقه
ليل: لية عايزة ترجعى بيتك انتى لسة تعبانة ومحتاجة تفضلى معانا هو حد زعلك دايقك طب لم تكملى علاج مع جهاد انا مش ضامن لم تروحى ممكن يحصلك اية وانتى لوحدك انتى هنا فى امان
هابسى: تهز بالنفى وتصر بالعودة إلى منزلها
ليل: طب تحكيلى مين إللى كان بيحاول يعتدى عليكى وانا لاحقيتك انا عارف ان الموضوع صعب بس لازم اخلى بالى عليكى ومش موافق ترجعى بيتك غير لم اودى الحقير دة فى ستين داهية اكتبى يبق مين وانا هتصرف
هابسى كتبت: حمدى دكتور صيدلى وجارنا وطلب يتجوزني من تيتة وانا رفضت وعنده صيدلية على اول الشارع جنب العمارة
ليل: يبق مافيش مرواح بيتك غير لم الحيوان دة ياخد جزاء ممكن تعتبرى دة بيتك واحنا اهلك وانا اوعدك هجبلك حقك من الواطى وروحى اوضتك نامي بقى
. .
خرجت هابسى تفكر فى كلام ليل ووعد لها ان ياخد حقها واحتارت فى امرة كثيرا إلى أن غلبها النعاس
. .
استيقظ ليل فى الصباح الباكر وذهب إلى شركتة ويحاول أن يجمع معلومات عن حمدى وكلف أحد بجمع معلومات عن حمدى . .
فى قسم الشرطة .
كان عز قلق على هابسي ولا يعلم عنها شئ منذ ان تركت منزلهم وهو لم يجدها .
عز : هتجنن يا وليد مش عارف عنها حاجة بقالى اسبوع من يوم ماوصلتها
وليد : يمكن نزلت الشغل روح لها الشركة انت مش فاكر اسم الشركة
عز : انا عارف انها سكرترية فى شركة النجار للاستراد والتصدير
وليد : روح اسال عنها فى الشركة
عز: انا لازم أروح دلوقتى شوف انت الشغل
وليد : تمام يا معلم ابقى طمنى. .
خرج عز وقرر أن يذهب إلى شركة النجار ويسال عن وجود هابسى. .
عز : يتحدث مع أمن الشركة
عز : فى سكرترية بتشتغل هنا اسمها هابسي محمد الملكى
رجل الأمن: حضرتك مين
عز: انا رائد عزالدين الجوهرى ممكن اقابل صاحب الشركة ولا ممنوع
الأمن: اتفضل ياباشا
صعد عز إلى مكتب ليل وحاول التحدث مع السكرترية.
عز : بلغى استاذ ليل انى عايز اقابلة واديله الكرت بتاعى
مريم : استريح حضرتك وهبلغة
طرقت باب المكتب واذن لها ليل بالدخول
ليل: فى حاجة يامريم
مريم : اتفضل دة كرت واحد عايز يقابلك
ليل: اممم مين الرائد عز الدين طيب خلية يتفضل
دخل عز وصافح ليل
ليل : اتفضل حضرتك تحب تشرب اية
عز : مالوش لازوم بس انا عايز اعرف هى هابسى سابت الشغل او بتيجى او أى حاجة
ليل: هابسى
عز : ايوة هابسى الملكى
ليل: وانت بتسأل عن هابسى لية
عز : تخصنى قريبتى وبدور عليها من اسبوع وهى سابت البيت مش عارف عنها حاجة ارجوك لو تعرف أى معلومة توصلنى ليها تقولى هى محتجالى دلوقتى
ليل: انا اعرف مكانها بس لازم اتاكد انك قريبها فعلا
عز بلهفة: هى بتعتبرنى اخوها ممكن حتى تسالها
ليل: تمام تعالى معايا
عز : ماشى
. .
غادر ليل الشركه بصحبه عز وتوجه إلى سيارته
ليل : تعالى معايا فى عربيتى
عز : لا معلش همشى وراك وادينى العنوان عشان لو بعدنا عن بعض فى الطريق
ليل: تمام إللى يريحك
. .
قاد ليل سيارته وعز خلفه بسيارته وبعد نصف ساعة كان امام فيلا النجار :
ترجل ليل من السياره وانتظر عز
ليل: اتفضل معايا بس عايز اعرفك ان هابسى تعبانة وفقدة النطق
عز بلهفة: اية من امتة كانت كويسة اية إللى حصلها
ليل: انت تعرفها من زمان وعارف بموت جدتها
عز : ايوة وجت قعدت مع ماما وبابا بس اصرت ترجع شقتها وانا وصلتها ومن ساعتها وهى مختفية وموبايلها مغلق وبروح الشقة كتير مش لاقيتها عشان كدة جيت على الشركة هى كانت قالتلى على شغلها
ليل: طيب لم تشوفها لينا كلام مع بعض طب تعرف حمدى جارهم
عز : اة دكتور صيدلى لية مالة حمدى
ليل : هنتكلم جوة تعالى معايا الاول اتفضل
. .
دخل ليل الفيلا وسأل عن هابسى
ليل : دادة هابسى موجودة
قدرية: لا خرجت مع نور ووالدتك
ليل: طيب اعملى فنجانين قهوة مظبوط ودخليهم المكتب
قدرية : حاضر يابنى:
ليل : اتفضل نتكلم براحتنا وكويس انهم خرجو
عز بقلق: خير فى اية حصل لهابسى
ليل: هى زى ماانت عارف سكرترتيى وبقالها فترة ماجتش الشغل وعرفت بعدين جدتها اتوفت قولت اروح اعزيها واطمن عليها المهم لم روحت الشقة و. . .
وقصى علية كل شئ حدث حتى الآن
عز بعصبية: ابن ال . ودينى ماسيبة
هى حصلها حاجة
ليل: الحمد لله وصلت فى الوقت المناسب وهى هنا من اسبوع ودكتور جهاد بيتابعها دكتور نفسى قال مسألة وقت والنطق يرجعلها بس من كتر الحزن إللى مرت بية انهارت ومش قدرت تتحمل كل دة
عز بحزن : من يوم ماشوفتها كانت قوية بس جوها ضعف وخوف ماتحبش تبينة
ليل: علاقتها بيها اية تعرف عنها اية يمكن يساعد جهاد فى علاجها
عز : قابلتها صدفة فى القسم عندى كانت جايا تبلغ عن اختفاء توامها وانا فى الاول استهزئت بيها وقصى علية سبب تقربة اليها وقضية اختها ولكنة لم يخبره بمشاعره اتجاهها .
ليل بصدمة : توامها ماتت فى قضية اغتصاب لا حول ولا قوة الا بالله
انا اعرف ليها اخت ماتت بس ماعرفش انها ،ربنا يصبرها فعلا متحملة كتير دة لو جبل كان اتهد
عز : جدتها وصتنى عليها ومن يومها وهابسى بتعتبرنى اخوها
ليل: طب ماوصلتش لاى حاجة عشان قضية اختها
عز : للاسف مافيش اى دليل ولا أى معلومة توصلنا للعمل كدة هى الشاهدة الوحيدة وماتت مافيش اى دليل ولا شهود شافوه مع حد قبل وقوع الجريمة
واتقفلت القضية.
حضرت هابسى مع سمية ونور
ليل: تعالى هم وصلو عشان تشوفها
هابسى نظرت إلى ليل وعز
اقترب من عز بفرحه وشعرت بطوق النجاه
عز بابتسامة: عاملة اية واحشتينى
هابسى بدموع تحتضن عز
عز يرتب على ظهرها فى حنان
ليل الغيرة تقتله من وجودهابسى فى احضان عز ____
جلس عز مع هابسى وتحدث معها على انفراد
وهابسى تكتب له
عز : المهم انك بخير لية مش حاولتى تكلمينى مش انا اخوكى ولا غيرتى رايك
هابسى: لا طبعا اخويا ومحتاجة تروحنى بيتى :
عز : لا تعالى عند ماما وبابا هيفرحو بيكى اوى
هابسى: لا
عز : حد زعلك او دايقك
هابسى: لا بس مش عايزة افضل كدة من بيت لبيت وانا عندى بيت
عز : طيب لم اتخلص من الحيوان حمدى عشان اطمن عليكى
هابسى: هو بيتجار فى المخدرات وبيصرف حاجات ممنوعة فى الصيدلية بدون روشتة تقدر تعملة قضية ونخلص منة
عز : اوعدك هوقعة وقعة معتبرة مش تقلقى
هابسى: ماشى انا عايزة ابيع شقة تيتة واسكن فى مكان تانى
عز : ماشى ححاول اكلم حد ومن بكرة اكلم حد من عندكم فى المنطقة واعرضها للبيع تمام
هابسى بابتسامة: تمام ربنا يخليك
عز : ويخليك ليا يارب انا همشى بقى وابق افتحى موبايلك ماشى ونتكلم رسايل واتس فاهمة
هابسى تهز بالموافقة
. .
ودع عز هابسى وليل على التواصل مع ليل وبلغ ليل رغبة هابسى بترك منزلها وشراء منزل آخر. .
بعد التحريات توصل عز إلى حمدى وتم القبض علية بتهمة الاتجار فى المخدرات ومداولة الصيدلية فى بيع المخدرات وتم تشميع الصيدلية وأخبر ليل بذلك وفرح من أجل هابسى واخبر هابسى وفرحت انها تخلصت من هذا الخسيس وقررت الذهاب إلى المنزل لجلب متعلقاتها وملابسها وكل مايلزمها .
ليل : تحدث معها عن شقة قريبة من الفيلا هى تخص ليل لكن اذا اخبرها سوف ترفض لانه ملك له سوف ترفض فقال انها للبيع ووافقت هابسى على شراءها بعد بيع منزل جدتها . .
سافر عز فى مهمه عمل وودع هابسي
. .
جاء ميعاد خطبة مريم وسامر
ارتدت مريم الفستان البينك والحجاب من نفس لون الفستان وعملت مكياج خفيف
كانت هابسى ونور بجانبها وهابسى سعيدة من أجلها :
كانت ترتدى فستان اسود منصع ومطرز وبية لمعة وحجاب اسود بية لمعة خفيفة:
ارتدت نور فستان فيروزى و شعرها منسدل بحريه على ظهرها :
. .
حضر ليل وسامر وتم كتب الكتاب فى جو عائلى فى بيت مريم وبعد المباركات رحل الجميع وظل سامر مع زوجتة
. .
اخذ ليل والدته وشقيقته وهابسى بعد انتهاء حفلة الخطبة وذهب بيهم الى بيتهم
. .
ظلت هابسى شاردة فى هذة العائلة الغريبة التى أحبتهم وفى نفس الوقت تريد الانتقام ماذا تفعل هل الانتقام يعميها عن الحقيقة مثل كلام جدتها الحبيبة
بعد تفكير دام لوقت طويل قررت أن تترك البيت فورا
ارتدت ملابسها وتركت المنزل وتوجهت إلى مكان حادثة تؤامها ولمحها ليل من غرفتة تترك الفيلا
وقلق عليها وذهب خلفها يريد أن يعلم إلى اين تذهب فى هذا الوقت المتأخر.
ظل يتابعها وهو قلق عليها وجدها امام جبل المقطم
. .
