(الفصل التاسع)
هابسى فى طريق العودة الى منزل جدتها جاءها اتصال من رقم مجهول
اجابت بترقب : الو
علي الجانب الاخر
مريم : الو انسة هابسى المالكى معايا
هابسى : أيوة انا خير مين معايا
مريم : انا سكرترية مستر ليل النجار وببلغلك تيجى تستلمى شغلك من بكرة الساعة 8 تكونى موجودة فى الشركة
هابسى بفرحة داخلية خلاص لحظة الانتقام قربت بجد .
اة اكيد هكون فى الميعاد بالظبط شكرا ليكى. .
وصلت هابسى البيت بفرحة
هابسى : يا تيتة يا توتة ياقلبى
الجارة ام حمدى : اية ياحبيبتى بتزعقى لية خير
فاطمة : تعالى ياحبيبتى دى ام حمدى جت تقعد معايا تونسنى
ام حمدى : انا لاقيتك خرجتى تانى قولت اجى اونس الحجة واطمن عليها فى غيابك
هابسى ببرود : اهلا ياطنط منورة
ام حمدى بحشرية: مالك بقى جايا تنادى من على الباب خير فى حاجة
هابسى فى سرها: ست حشرية بصحيح وانتى مال اهلك.
عادى ياطنط بطمن على تيتة
ام حمدى : ربنا يخليكم لبعض دة الدكتور حمدى ابنى زعلان اوى عليكى بيقول شكلك حزين اوى وصعبان علية قعدتكم كدة لوحدكم
هابسى بتريقة: لا كتر خيرة الدكتور حمدى ابنك
فاطمة : ربنا يكرمة مش جيران والجيران لبعضيها بردو
ام حمدى : طيب ياحجةفاطمة انا همشى بقى اية وابقى طمنينى عايزين نسمع اخبار حلوة بقى عن ازنكم.
هابسى: هى الست الحشرية دى مش هنخلص منها ولا من ابنها ياساتر على دى ناس
فاطمة بضحكة: هههه امال لم تعرفى انها عايزة تبق حماتك ههه هتعملى اية هابسى بصدمة : حمات مين ياتيتة
فاطمة : ام حمدى عايزة تخطبك لدكتور حمدى ههه
هابسى : وللله ناس مابتفهمش لافى الذوق ولا الاصول يعنى تتقدم واختى لسة متوفية ناس واطية وماعندهمش دم لاهى ولا سى زفت كل لم اخرج من باب العمارة يوقفنى ويكلمنى انامابطقوش
فاطمة : ماانا عارفة انك لا بطيقى حمدى ولا امة كنت قولتلك فكرى بس انا كمان مابرتاحش ليهم دمهم تقيل على قلبى وبيدخلو فى كل حاجة تخصهم او ماتخصهمش
هابسى : ماعشان كدة اسمها ست حشرية هههه. والحمدلله ياجميل انا وانتى على خط واحد ههه وبعدين ست حشرية فاكرة اية اننا محتاجين لدكتور حمدى ابنها عشان يخلو بالة مننا ولا اية دة انا بعون الله اقدر اخلى بالى من الكون كلة هى ناسية انى مدربة كارتية ولا اية وماحدش يقدر يتعرض ليا واخدحقى بايدى:
فاطمة: سيبك منهم انا بكرةاقولها مافيش نصيب وان زى اخوكى وخلاص
هابسى: اللى يريحك ياقلبى انا هدخل اسخن الاكل وناكل وننام انا تعبانة وعندى شغل بدرى دعواتك يا توتة قلبى الشركة قبلتنى ومن 8 الصبح هستلم الشغل
فاطمة بخوف: ربنا يستر عليكى يابنتى من إللى جاى. . .
فى فيلا النجار.
على مائدة الطعام تجلس سيدة كبيرة فى عمر 55 عام طيبة القلب تدعى سمية والدة ليل ونور وخالت سامر منذ وفاة شقيقتها وهى التى تحملت مسئوليه بجانب أولادها .
سمية : ليل حبيبى انا هاخد اختك ونروح المزرعة نقعد شويا هناك بعد لم خلصت الامتحانات وهى زهقانة ومخنوقة من القعدة وانا قولت نغير جو اية رايك
ليل بحب: اللى يريحكم ياست الكل
نوراى : ميرسى ياابية ربنا يخليك
سامر بهزار : هو بس طب انا روحت فين ههه
نوراى: ربنا يخليك لينا يا سمورة هههههه
سامر : البت تقولى سمورة وتقول ليل ابية ينفع كدة يا ماما انا مش هرد عليها ههه
سمية بضحكة : ربنايخليكم لبعض يا حبايبى .
نوراى : اخت ليل عمرها 17 عام ثانوية عامة ليل وسامرأكبر منها 12 عام ويعتبروها ابنتهم المدلله .
ليل : سامر ابقى وصلهم بكرة المزرعة وتعالى بعد لم ترجع على الشركة
سامر : حاضر يا بوص
. .
فى صباح اليوم التالى
فى فيلا النجار .
ذهبت سمية وابنتها بصحبة سامر إلى مزرعتهم الخاصة ويقضو اجازة نوراى بعد ارهاقها فى امتحانات آخر العام . .
وذهب ليل إلى شركتة الخاصة . .
فى بيت هابسى .
هابسى ارتدت: بدلة سودة وحجاب اسود
صباح الخير ياتوتة وتقبل جدتها
فاطمة : صباح الخير ياحبيبتى اية كل السواد دة يابنتى غيرى لبسك الحزن فى القلب يابنتى
هابسى : لا مش هغير الاسود غير لم اخد حق اختى وساعتها هقدر اتنفس كويس وارتاح دة وعد منى لهمس يا تيتة
فاطمة : ربنا يهديكى يابنتى.
فطرت مع جدتها وعملت الاكل عشان جدتها ماتتعبش نفسها.
هابسى: انا خلصت ياتوتة الاكل لم ارجع ابقى اسخنة خلى بالك من نفسك وخدى علاجك لو عوزتى حاجة كلمينى لو حسيتى باى تعب اتصلى عليا علطول ماشى وكلمى طنط منى تنزل تقعد معاكى بلاش الست حشرية دى
فاطمة : هههه ام حمدى هى إللى بتيجى لوحدها والله
هابسى : ماشى يا توتة سلام ياقلبى
فاطمة : فى رعاية الله يابنتى ربنا يصلح بالك يابنتى . . .
استقلت هابسي التاكسي ثم املت السائق عنوان الشركه ، لينطلق السائق حيث وجهته ..
بعد مرور بعض الوقت ، ترجلت من التاكسي ثم سارت بخطوات واثقه لتدلف داخل الشركة وهي تتوعد بالانتقام ..
صعدت الي حيث الطابق المنشود ، ثم اقتربت من مريم : صباح الخير انا جيت حسب الميعاد
ابتسمت لها بود ثم هتفت مرحبا بها : اهلا اتفضلى انا اسمى مريم
هابسى : وانا هابسى
مريم :اتفضلي اقعدى مستر ليل على وصول وهتعرفى مكانك فى الشغل تحبى تشربى اية
هابسى: ممكن شاى
ظلت مريم تتحدث مع هابسى وتعرفو على بعض
مريم : ممكن سوال لو سمحتى يعنى
هابسى : هتقولى لابسة اسود لية اكيد عندى حالة وفاة
مريم : اسفة والله ماتزعليش
هابسى : لا عادى
مريم: مين عندك متوفى
هابسى بحزن : اختى
مريم : البقاء لله اعتبرينى زى اختك
هابسى : ان شاء الله .
حضر ليل وتوجة إلى مكتبة .
ليل : مريم ابعتى السكرترية الجديدة وتعالى معاها
مريم : حاضر ياافندم.
دخلت مريم وهابسى إلى مكتب ليل .
ليل : هابسى انتى هتشتغلى مكان مريم ومريم هتفهمك كل حاجة تخص الشغل هتكونى سكرتريتى الخاصة ولم تفهمى الشغل كويس مريم هتنتقل مكتب مستر سامر مفهموم يامريم
مريم : مفهوم يا مستر ليل
ليل : اتفضلو شوفو وراكم اية وظبطى مواعيدى انهاردة
مريم : حاضر. .
بداءت مريم فى تعليم هابسى امور الشغل وبعد فترة تركتها مريم وذهبت إلى المرحاض ..
.
حضر سامر في ذلك الوقت بعد أن وصل من المزرعة
. .
سامر : ياصباح الجمال على عيونك ياقمر
هابسى تتطلع آلية: نعم حضرتك مين
سامر بصدمة : انتى إللى مين وقاعدة مكان مريم لية انتى اكيد دسيسة علينا انطقى انتى مين بعتك
هابسى : بقولك اية ياجدع انت ركز كدة وشوف بتكلم مين انت الا مين وعايز اية
سامر : انا إللى مين يابت انطقى مين بعتك
