نور: انا نوراى اخت ليل الصغيرة
شريف بابتسامة: نور كبرتى ماشاء الله انا ماعرفتكيش
نور : هو حضرتك كنت تعرفنى
شريف : مش فاكرنى انا ياما لعبتك جيمز وكنت برمجحك بنفسى لم ليل كان يخاف يركبك المرجاحة فاكرة بس انا ماشوفتكيش من سنين
نور : شريف اخو شرى مش كدة كنت بتجبها نلعب سوى هى فين دخلت كلية اية انا بقى دخلت طب عشان ابقى دكتورة فين شرى دلوقتى اتخرجت مش كدة
شريف بحزن : فعلا اتخرجت من الدنيا كلها
نور: ازى مش فاهمة
شريف : ماتت يانور من 4سنين
نور بحزن : الله يرحمها انا اسفة
شريف بابتسامة : مافيش داعى للاسف امال فين طنط
نور : ماما بتصلى وجايا
شريف : عاملة اية بقى فى حياتك
نور: عادى دخلت طب ولسة فى سنة اولى وبحاول اجتهد بقى
شريف : ربنا يوفقك ياحبيبتى
نور بكسوف : شكرا اهى ماما جت آهى
سمية: شريف ازيك ياحبيبى عامل اية واحتضنها شريف بعاطفة
شريف : الحمدلله ياحبيبتى انتى عاملة اية
سمية: بخير ياحبيبى اقعد
كدة يانور مش تعملى حاجة لشريف
نور : مش راضى يا ماما
اهو ليل وهابسى جم
ليل: سلام عليكم
هابسى بفرحة : شريف
شريف بابتسامة وقرب من هابسى واحتضنها بعاطفة الاخوة. وهابسى بادلتة العناق وحالة الذهول على وجة نور والغضب والغيرة على وجة ليل . .
فاق شريف من الاحتضان: انتى كويسة بخير خوفت عليكى لم جهاد قلى الحمدلله انك بخير
هابسى بابتسامة: الحمدلله ماتقلقش على اختك تفوت فى الحديد هههه
ليل: ازيك ياشريف
شريف بابتسامة: ازيك انت ياليل عامل اية
ليل: الحمدلله هو انت خرجت ولا اية
شريف : لا جهاد مخرجنى ازوركم بس وهيرجع ياخدنى
هابسى: نورت البيت نتغدا بقى
شريف : مالوش داعى انا اطمنت عليكى كلمى جهاد يرجعنى
سمية : لا والله ياشريف لازم ناكل سوى انت واحشنى والله
هابسى تنظر إلى ليل : ماتقول حاجة ياليل
ليل: اقعد ياشريف اتغدا معانا وانا ممكن ارجعك
شريف: مش عايز اتعبك جهاد جاى
نور: ترجع فين وزيارة اية هو انت كنت مسافر طب دكتور جهاد هيرجعك فين مش فاهمة حاجة
هابسى: تعالى يانور نحضر الاكل مع دادة تعالى بس
نور : طيب. .
هابسى: دادة قدرية حضرى الاكل واعملى حساب شخص كمان على الغدا
قدرية : حاضر يابنتى
نور : تعالى هنا فهمنى بقى شريف صاحب اخويا يحضنك لية وكمان كان قلقان عليكى بتاع اية مش شوفتى عين ليل بطق شرار فى اية عايزة افهم هو شريف مالة بجهاد دة حضنك انتى وماسلمش على ليل افهم بقى
هابسى: شريف زى اخويا وعادى عرف انى كنت فى مشكلة وقلق علية وهو معتبرنى اختة وهو زعلان شويا من ليل هبق احكيلك الحكاية كلها بالتفصيل بعدين وعد
نور : وعد تحكهالى
هابسى: يابنتى والله حاضر
تعالى نتغدا بقى عشان جعانة
. . .
اتغدا شريف معاهم ولم ينظر إلى ليل مازال غاضب منة ولن يسامحة إلى الآن وبعد الغداء قرر أن يجلس مع هابسى فى الجنينة وينتظر قدوم جهاد .
هابسى: اهو بقينا لوحدينا شكل فى كلام عايز تقولة
شريف بابتسامة: انا اسف الاول انى حضنتك بس دة والله نبع منى عشان حسيتك اختى بجد ومش فى نيتى أى سوء سامحينى انا شوفت اختى بعد غياب وكانت محتجالى وانا ماكنتش جنبها
هابسى: انا عارفة وانت كمان كنت واحشنى وشوفت اخويا رغم مافيش صلى دم تجمعنا ببعض بس حسيتك اخويا بجد وانا لسة عند وعدى ماحدش هيسلمنى لليل غيرك
شريف : بصى فوق هتلاقى ليل بيبص من شباك الاوضة هههه غيران عليكى منى بس انا فرحان بحبة ليكى وكمان شايف الحب فى عنيكى بس انا نفسى اشيل عيالك شكل قعادى فى المستشفى هيطول ههه لازم تعيشى حياتك وان كان على الوعد فتعالى معايا هسلمك دلوقتى لليل وخلية يفهم بعدين براحتة بقى هههه
المهم خلى بالك من نفسك واوعى تنسى تزورينى دايما انا بحس بوحدة من غيرك
هابسى: طب سمحت ليل
شريف : ههه امال هسلمك لية دلوقتى لية بس حابب اخلى يطلب منى السماح أو يتاسف بس ماحصلش منة حاجة بس انا هسلم اختى لجوزها ووصي عليكى دلوقتى وكدة الوعد تم وانتى وضميرك بقى هههه
. .
انكج شريف هابسى ودخل الفيلا مرة أخرى وطرق باب غرفة المكتب وتفاجا ليل بوجودة . .
شريف : اتفضل مراتك اهى خلى بالك منها اوعى تزعلها عشان مش انتقم منك بجد هههه
ليل. .
هابسى : اية ساكت لية مش عايزنى اروح مع اخويا المستشفى اصل احنا عيلة كلها مجانين هههههه
شريف : هههه لا خليكى انتى كفايا انا ههه
هابسى تغمز ليل
ليل: شريف انت واحشنى اوى ياصاحبى وسامحني ماكنش قصدى اخزلها وطول عمرى شايف شرى اختك الصغيرة واقسملك بالله لو اعرف انى جوزى ممكن يخليها تنتحر وتخسرها انا ماكنتش اتجوزت غير لم شري توافق والله ماكنت فاهم انها بتحبنى اوى كدة كنت فاهم بتحبنى حب اخوة
شريف يحتضن ليل : عارف ياليل وانا بسلمك اختى دلوقتى وخلى بالك منها وسلام بقى عشان ورايا مستشفى ههههه
هابسى: سلام
. .
خرج شريف وتوجة إلى المستشفى مرة أخرى برفقة جهاد
. .
ليل: اية بقى
هابسى: اية بقى
ليل: اممم مش عارفة حصل اية اول لم شوفتى شريف دة ماينفعش يحصل تحت أى ظرف من الظروف انتى مراتى وماينفعش حد يلمسك ولا يحضنك غيرى فاهمة
هابسى: هههه بتغار علية
ليل: طبعا دى عايزة كلام بقولك اية انا اشتريت الارض وان شاء الله هتفق مع مهندس كويس يعمل التخطيط والمشروع
هابسى بفرحة : بجد ربنا يخليك ودى تانى خطوة قولى اية التالتة
ليل: لا دى مفاجاة وكل شئ فى وقتة حلو
