فى الصباح الباكر استيقظ ليل واخد شاور وارتدى ملابسة وخرج من الغرفة بهدوء لاجل راحة حبيبتة لا يريد أن تستيقظ الحين. .
ليل : صباح الخير ياماما
سمية : صباح الخير ياحبيبى نازل بدرى لية ارتاح شويا
ليل: انتى عارفة سامر عريس بقى واجازة شهر عسل والشغل هيكون كتير علية
سمية: ربنا يسعدة ويسعدك ياحبيبى واشيل ولادكم مش هانت ولا اية
ليل: هههه الصبر ياست الكل كل شئ باوان انتى عارفة هابسى تعبانة نفسيا لم تهدى خالص انا مش مستعجل على حاجة كل شئ باوان
سمية : عارفة ياحبيبى ربنا يسعدكم طب هنروح نزور سامر امتة
ليل: ههه سامر عريس ياماما يعنى بعد اسبوع كدة نروح نزورة
سمية : لا أسبوع كتير نروح باليل انت عارفنى مش هرتاح غير لم اخدة فى حضنى مش عايزة يحس انو يتيم ومالوش حد
ليل: يتيم اية بس ياماما دة سامر لية فيكى اكتر مننا ربنا يخليك لينا ياست الحبايب همشى وبالليل نشوف هنروح ولا اية عايزة حاجة
سمية : سلامتك يابنى هى هابسى بقت كويسة شكلها كان متغير خير
ليل: ارهاق بس مش اكتر سلام بقى
. .
فى فيلا هانى التهامى
هانى بشرود : كدة حلو اوى بقى ليل النجار يكون متجوز بنت اختى وانا آخر من يعلم لازم اعرف ازى هابسى وصلت إلى ليل وكمان يتجوزو لازم اكلم هالة واقولها
هانى بيتصل على هالة
فى بيت هالة تستيقظ على زنة الهاتف
هالة بكسل: الو هانى خير فى اية متصل بدرى لية
هانى : عشان اطمنك على بنتك
هالة : هابسى لاقيتها بجد عرفت عنها حاجة هى كويسة
هانى : طب خدى نفس الاول واحدة واحدة علية يااختى ياحبيبتى مش هتصدقى لاقيتها فين
هالة : فين يا هانى اتكلم
هانى : كانت فى فرح امبارح واتفاجت بيها مع جوزها وجوزها يبق ليل النجار من أكبر رجال الأعمال والاستراد فى البلد شوفتى حظ بنتك وقعت واقعة اية ميت فل
هالة : يعنى اتجوزت ومبسوطة فى حياتها هى كويسة يعنى الحمدلله
هانى : هعرف تفاصيل الجوازة واقولك دة جوزها هيفدنى كتير اوى
هالة : هانى مالكش دعوة بحياة بنتى كفايا انا سبها فى حالها انا بقولك اهو
هانى : وش فقر صحيح انا غلطان انى بقولك سلام
هالة: الو هانى .
. .
هانى بوعيد : لازم نطلع بمصلحة من الجوازة دى مش بنت اختى ههههه
اتصل هانى باحد الأشخاص لجمع معلومات عن ليل وزواجة من هابسى
. .
وصل ليل إلى مقر الشركة
ودخل مكتبة
ليل يتصل .
عز: حبيبى عامل اية ابن حلال كنت لسة هكلمك
ليل: القلوب عند بعضها خير
عز: لا اتكلم انت الاول
ليل: طيب تعرف هانى التهامى
عز بتفكير: اممم يعنى اسمع عنة مالة خير
ليل: طلع خال هابسى وكان فى الفرح امبارح ومن ساعتها وهابسى مش على بعضها وهو شكلة مش سهل
عز: مش سهل على نفسة وهى خايفة منة لية ماورهاش رجالة ولا اية سيبك منة ولا يقدر يعملها حاجة
ليل: تسلم ياصاحبى بس هى مش خايفة منة هى بتكرة ومش حابة تشوفو لا ويقولها خالك ومامتك هتتجنن عليكى
عز: يابنى دى لو هابسى شافتها تنهار انا فاكر حصلها اية وقت موت اختها لم والدتها دخلت تشوف هابسى انهارت
ليل: ربنا يستر كانت الحياة بدأت تنور عند هابسى ضلمت تانى
عز: كلم جهاد وخلى هابسى تحكى كل حاجة وجعها يمكن ترتاح بقى من الهم دة وانت معاها وكلنا جنبها
ليل: هابسى جواها كتير وكل يوم بتفاجة بحاجات غريبة وصعبة بالنسبالها
تعرف انا متوقع هانى يجى يقابلنى ويتكلم معايا فى موضوع الجواز هانى مش سهل
عز: هيعمل اية اولا هابسى مش قاصر وبتحبك ولا يقدر يعملك حاجة وهى بقى بتكرهم
ليل: طب عايزك تجمعلى قصة حياة هانى التهامى من يوم ماتولد إلى يومنا هذا
عز: بسيطة اعتبر كل ملفة عندك انهاردة
ليل: تسلم يازيزو بقولك كنت هتكلمنى لية على الصبح
عز: هتروح امتة نبارك للعريس عشان اجى معاكم
ليل: ههه اشمعنا
عز: من ساعة ماشوفت ريم وانا شكلى كدة هحصلكم واعملها واخش دنيا
ليل: بجد الف مبروك ياصاحبى خلاص نروح بالليل واكيد هتقابل ريم
عز: مش لم نشوف الدنيا رايحة معانا على فين
ليل: على كل خير ان شاء الله
عز: يارب بس اوع تقول حاجة لسامر احسن يسيحلى
ليل: هههه ماتخفش
عز: ربنا يستر
ليل: ههه ماشى ياعريس المستقبل اشوفك بالليل مع السلامة
عز: مع السلامة
. . .
استيقظت هابسى من نومها واخذت شاور وغيرت ملابسها ونزلت إلى الأسفل
.
هابسى : صباح الخير ياطنط صباح الخير يا نونو
نور : صباح الفل
سمية : صباح الخير ياحبيبتى اقعدى افطرى عشان تعرفى انا بحبك اوى
نور: اة حماتك بتحبك وانتى بقى بتحبى ابنها ولا بتشفقى علية ههه
سمية : اسكتى ياام نص لسان انت
هابسى بابتسامة : هو ليل خرج بدرى
سمية : اة قال فى شغل كتير عشان سامر هيكون اجازة بقى
نور : هنزور سمورة امتة
سمية : ليل قال بلليل نكلمة ونشوف هنروح ولا اية
هابسى: تمام انا بفكر انزل الشغل مع ليل واساعدة
سمية بفرحة : والله خبر كويس لازم تقفى جنب جوزك فى أى مشكلة تواجهكم وتكونى انتى سندة وهو سندك ربنا يسعدكم يارب
هابسى: يارب
خلاص هروحلة الشركة بس اوع حد يكلمة
سمية ونور: لا طبعا مش هنقولة حاجة
نور: خلية يتفاجة بالقمر
هابسى غيرت ملابسها *وارتدت فيست اورنج يصل إلى الركبة وعلية حزام من الخصر دهبى وبنطلون بنى وحجاب بنى وحملت شنطة بنى. *وركبت تاكسى وتوجهت إلى الشركة
بعد عدة دقايق وصلت مقر الشركة ودخلت بكل فرحة .
هابسى لنفسها: كنت باجى الشركة عشان الانتقام والكرة والحقد مسيطر علية اول مرة ادخلها باحساس تانى خالص حاسة بفرحة وانا جنب ليل وداخلة بحب المرة دى مش كرة سبحان الله الحمدلله على كل حال .
صعدت إلى مكان مكتب ليل ووقفت تتحدث مع شروق سكرترية بالشركة وانتقلت إلى مكتب ليل فى غياب هابسى وهى تعلم ان هابسى زوجة ليل
شروق : هابسى اهلا اية المفاجاة الحلوة دى
هابسى: شكرا ياشروق هو فى حد مع ليل
شروق : لا هو لوحدة
هابسى: طب ممكن ادخل
شروق : ياخبر ياهابسى طبعا دة جوزك هو انا اقدر امنعك ياجميل ولا اية بس قوليلى هو الجواز بيحلى اوى كدة امال احنا مابنحلوش لية يختى عندك وصفة سهلة اعملها
هابسى : هههههه والله انتى عسل ياشروق
شروق: ربنا يجبر بخاطرك امال المخفى محسن جوزى مابيقوليس كدة لية:
هابسى: هههه ماهو لو بتتكلمى معاة باسلوب الشد دة مش هيقولك حاجة لازم انتى تبدى بالحنية والطبطبة هدخل اشوف ليل احسن ههههه
دخلت فاجاة بدون ان تطرق الباب وتسحبت بهدوء كان ليل منشغل بالاوراق ويتطلع فى اهتمام
هابسى تقبل خدة: واحشتنى
ليل بصدمة: هابسى دى حلم ولا علم ولا اية
هابسى: ههه هو كل شويا تقول حلم ولا علم لا علم اطمن
ليل سحبها واجلسها امامة فوق المكتب
اصل مش مصدق تعرفى لم بشوفك بتغيرى المود بتاعى بس قوليلى فعلا واحشتك
هابسى بكسوف: اة واحشتنى وجيت اشوفك وكمان اساعدك فى الشغل اية رايك بقى
ليل بفرحة انتى مستعدة ترجعى الشغل بجد هابسى : يعنى هكون قدرك هنا وفى البيت كمان هههه
ليل: احسن قدر فى حياتى كلها قدرى معاكى وحياتى معاك
طرقت شروق باب المكتب
هابسى بكسوف: سبنى انزل شروق تقول اية
ليل: يامجنونة انتى مراتى ماحدش لية دعوة هههه بلاش كسوف ومش هشيل ايدى هههههه غير لو خدت بوسة
هابسى بكسوف: احنا فى الشغل عيب
ليل: انا صاحب الشغل وجوزك ومافيش عيب
اطرقت شروق الباب مرة أخرى ولم تدخل لم يأذن لها بالدخول
هابسى: فى البيت بقى
ليل بإصرار: توتو دلوقتى
هابسى بكسوف: طبعت قبلة رقيقة على خدة
ليل: لا دى اوت مش نافعة عايزة بوسة تطرقع كدة وقبلها فى ثغرها قبلة حب وشوق
هابسى بكسوف: نزلنى بقى
ليل: امرك يامولاتى بس وشك قلب طماطم ليةها دى بوسة بريئة
هابسى خبطتة على صدرة : اتلم بقى وخلى شروق تدخل
ليل: بصوت عالى : ادخلى ياشروق
شروق : اسفة بس فى شخص برة مصر يقابل حضرتك
ليل بقلق : مين
شروق: اسمة هانى التهامى
ليل: كنت متوقع
هابسى بصدمة : هانى عايز اية
---
فى مكتب ليل
ليل: اهدى ياقلبى انا معاكى وبعدين دى زيارة متوقعة
شروق خلية يتفضل
شروق : حاضر
. .
دخل هانى : اهلا بالحبايب وكمان هابسى هنا دة انا حظى حلو بقى
ليل: مالكش دعوة بهابسى كلمنى انا اتفضل اقعد تشرب اية
هانى بعد أن جلس على الكرسى
مافيش داعى للشرب انا جاى فى كلمتين وماشى اية ياهابسى مش تسلمى على خالك بردوة ولا ابوكى ماعلمكيش تسلمى على اهلك
هابسى: بابا علمنى وفهمنى كويس اوى انت اية وعايز اية وتبيع نفسك عشان الفلوس والشغل ومصلحك الشخصية وبس
هانى: حلو اوى يعنى هتوفرى علية كتير بص ياليل باشا جوازك من هابسى باطل وغير معترف بية
ليل: نعم لية حد قالك انها قاصر مثلا واجوزتها غصب عنها دى مراتى فاهم وبرضها ورضايا وغصب عنك مراتى
هانى: مابلاش نضحك على بعض جوزك منها عشان خوفت على اسمك وسمعتك فى السوق دى كانت هتكون قضية الموسم ممسكو آداب وقولت تلم الدور وتتجوزها عشان تطلع منها مش كدة يابنت اختى هى دى تربيتك
هابسى: انت بتتكلم عن تربيتى مالها تربيتى كنت فين زمان لسة فاكر ان بنت اختك انت زى اختك مافيش فى قلبكم رحمة هى سابت جوزها وبناتها زمان وانت جاى دلوقتى تقول بنت اختى ومش عاجبك تربيتى مالها تربيتى انطق مالها عمرك فكرت تسال عننا جيت عذتنى فى ابويا وقولت انا خالكم وزى ابوكم جيت وستنى فى موت اختى ولا تيتة خدتنى فى حضنك قربت منى انت ولا اختك ولا فاكر ان ليك بنت اخت كنت فين لم هالة كانت بتسبنا لجوزها واحنا بنات صغيرين وماخفتش علينا وهى عارفة ان جوزها وسخ ماهو صاحبك مش كدة انت دمرت حياتنا وموت بابا انت السبب فى كل حاجة اطلع برة مش عايزة اشوفك تانى واوع تقول بنت اختى تانى
ليل: اهدى بس اهدى
هانى : هطلع بس هسيبلك الورقة دى انا كنت الوصى عليكم بعد موت محمد وجوزتك من سنتين من يوسف ابن خالد الشاذلى شريكى ولو ماجتيش معايا بالذوق هخلى يوسف ياخد الإجراءات القانونية ضدك اية رايك بقى وجوزك من ليل باطل عشان انتى فعلا متجوزة من سنتين ويقدر يوسف ياخدك فى بيت الطاعة ويقدر يبلغ ان ليل خاطفك وقاعدة عندة وكمان يبلغ ان فى علاقة بينكم يعنى اخرك هتكونى ليوسف وبس وابعت هات محاميك وهيقولك انا وصى وكنت وكيلها ولية حق اجوزها بالوصايا عليها فكرو كويس واعرف ان ماسك يوسف عنكم انا قولت هسلمها لية بنفسى اصل يوسف من ساعة ماشاف صورتك مع هالة واعجب بيكى وطلب يتجوزك وانا وافقت هو صبر كتير كفايا كدة مستنى ردك ياليل بكرة ودة كرت بعنوانى لو هابسى ماجتش هخلى جوزها يتصرف انا بلغتكم سلام
ليل: استنى هنا انت مجنون جواز اية وجنان هابسى مراتى وماحدش هيقدر يلمسها فاهم وبل الورق دة واشرب ميتة
هانى : ههههه براحتك سلام يابنت اختى
. . .
هابسى: هو بيقول اية دة يعنى اية كلامة دة
ليل: اهدى دلوقتى نفهم هتصل بالمحامى
ليل: الو متر محتاجك فى الشركة حالا مع سلامة
. .
ليل يهدى هابسى
ليل: هابسى اهدى وثقى فية ماتخفيش
هابسى: هو لية مش مكتوب علية افرح لية الحزن بس هو إللى مصير يفضل ملازمنى لية هو انا عملت اية عشان افضل طول عمرى فى حزن وألم ووجع لية ياليل اشمعنا انا هم عايزين منى اية
ليل: هابسى حبييتى اهدى واستغفرى ربنا هو الوحيد إللى هيشيل عنك أى حزن وهم استغفرى ياحبيبتى
هابسى بدموع : استغفر الله العظيم من كل ذنب عظيم
استغفر الله العظيم. .
لا إلة الا انت سبحانك انى كنت من الظالمين. .
ليل تعالى اوصلك البيت وهكلم عز يقعد مع المحامى ونشوف حل
. .
اتصل ليل بعز وبلغة ضرورة الحضور إلى المكتب والتحدث مع المحامى وينتظرة يوصل هابسى المنزل ويرجع لهم مرة أخرى. .
وصل إلى البيت واتصل بجهاد وبلغة ان يحضر إلى البيت فهابسى ليست بخير
. .
سمية : مالها هابسى يابنى دى كانت كويسة حصل اية
ليل : ماما لم جهاد يوصل خلية يطلع علطول
سمية: استر يارب
ادخل ليل هابسى وهى صامتة شاردة فى كلام هانى وفى احداث مرة عليها زمن.
ليل: ارتاحى دلوقتى ياحبيبتى وانا معاكى
هابسى: ماتسبنيش ياليل
ليل: انا جنبك ومش هسيبك ارتاحى بس دلوقتى
هابسى: ساعات بقول لنفسى ان اكيد هالة مش امنا مش معقول تكون أمنا وتعمل فينا كدة
ليل: بلاش تفكرى فى حاجة
دخل جهاد : لا سبها تقول إللى جواها وتخرجة هى بقالها سنين كتماة جواها لازم تخرجة وترتاح احكى ياهابسى احكى راح ترتاحى بلاش تشيل هموم جوة صدرك احكى وزيلى همك احكى
هابسى بدموع: انا فعلا عايزة احكى عشان تعبت الجبل إللى جوايا اتهز واتهد ومابقاش قادر خلاص لم بابا مات وهالة خدتنا بالقوة نعيش معاها انا كنت رافضة ومش عايزة اسيب تيتة بعد كلام بابا لم عرفت ان هانى هو السبب فى طلاقهم وكمان دبر حادثة بابا وهالة اتخلت عن بابا واتجوزت صاحب هانى عشان يكبر شغلة وفلوسة وشركاتة وبس وماهتمش ان اختة عندها بنتين وهى سمعت كلام اخوها وسابت بابا فى محنتة وازمتة انا وهمس إللى كنا بنساعد بابا فى كل حاجة ناكلة ونشربة ونغيرلة ونلبسة كنا احنا رجلين بابا اللى بيمشى عليها واحنا عمرنا عشر سنين اتحملت مسئولية بابا ولم مات حسينا بخوف وفزع وان احنا مبقاش لينا حد كانت تيتة عايشة معانا حاولت تخفف عننا يمكن مع الوقت همس نسيت بابا لكن انا كنت متعلقة بية اكتر وفضلت ساكتة اراقب بس إللى حواليا هالة جت عشان نروح نعيش معاها وتضحك علينا بلعبة بشكولاتة بس انا رفضت وتيتة كمان رفضت بشدة لكن هالة بقى ماسكتتش جابت قوة من الشرطة واخدتنا فى بوكس وتيتة كانت منهارة وعشنا معاها وانا رافضة حياتها وجوزها كان نظراتة لينا مش كويسة كنت فاكرة كرة عشان احنا بنات مراتة ومش عايزنا نعيش معاة انا كنت ببصلة نظرات كلها كرة وهو فهم نظراتى لية كان بيبعد عنى وانا ماكنتش بكلمة لكن همس طول عمرها طيبة ويضحك عليها بكلمة وكانت بتحب كل الناس ومابتكرهش حد وانا فضلت احذرها من جوز هالة واقولها ابعدى عنة هو مش كويس هى بتحبنى ومتعلقة بية وكانت تسمع كلامى بس خافت تقولى هو كان بيجبلها العاب شوكولاتة عشان ماتقولش لحد وفهم همس ان هو زى باباها فضل يقربها منة عشان تحبة وماتخفش منة ولم حبتة زى بابا جى مرة البيت فى غياب هالة كانت بتسافر تتفسح مع صحابها وتسبنا عادى فى الييت جى شاكر وكان جايب هدية لهمس كانت قميص نوم عريان عايز يلبس طفلة عشر سنين قميص نوم شوفت حقارة اكتر من كدة همس رفضت تلبس هو كان مفهمها دى فستان وهيكون حلو عليكى ولازم البسهولك هى خافت منة وصرخت فية وقالتلة لا ماحدش بيلبسنى هدومى انا بلبس لوحدى هو شخط فيها وقال اسمعى الكلام انا ابوكى هى فضلت تعيط انا حسيت بيها احنا مرتبطين ببعض اوى وبنحس ببعض اوى انا كنت نايمة صحيت على صوتها ودورت عليها ولقيت صراخها فى اوضة هالة وشاكر دخلت وليقتة عمال يزعق فيها وبيحاول يقلعها هدومها بالعافية وانا فضلت اضرب فية وكسرت علية الفاظة وهو غضب وسار وقلع الحزام وفضل يضرب فينا جامد وهربت بالعافية من تحت ايدية وروحنا اوضتنا وكلمنا تيتة واحنا بنصرخ وحكينالها إللى حصل هى اتخضت وجابت حد من الجيران وجت خدتنا وزعقت فية وخافت علينا يكون عمل فينا حاجة اخدتنا عند دكتورة تكشف علينا هى خافت علينا لكن امى إللى كانت مفروض تحمينة كانت بضيعنا ولسة بضيعنا انا بكرهها وبكرة هانى بكرهم كلهم وشاكر السبب ان همس تصاب بازمة نفسية وعمرها عشر سنين كانت تخاف تكلم حد او تقرب من حد كان عندها فوبية خوف وفزع وتقوم بالليل تصرخ فضلت خمس سنين تتعالج بس فضلت بالفوبية وشخصيتها بقت ضعيفة وتخاف تطلع برة البيت من غيرى معاها او تيتة هالة وشاكر هم السبب حاولت اقنعها تلعب كراتية معايا وتقوى من شخصيتها بس هى خافت تحتك بالناس فضلت العزلة عشان كدة ماقدرتش تحمى نفسها من حمدى الحقير إللى اغتصبها وقتلها
هابسى بانهيار : بس انا مش هسكت انا هقتلهم كلهم هالة وشاكر وهانى وحمدى هقتلهم والله هقتلهم
وخارت قوها فاقدة للوعى بعد كل هذة المعاناة من عمر عشر سنوات وهى تعانى من صراع داخلى وتريد قتل كل من تجبر على اختها
