[Unicode & Zawgyi]
ရှုဇယ့် က တက်ကြွလှုပ်ရှားတတ်သူလေ။အခု ယန်းယန် က ဒီလိုစီစဉ်ပေးလာပြီဆိုမှတော့ သူအနေနဲ့ လှုပ်ရှားစရာတွေ ညှိနှိုင်းစရာတွေမလိုတော့ဘူး။တစ်ချို့အရာလေးတွေ ထုပ်ပိုးပြီးတော့ နောက်နေ့ကျရင် ယန်းယန် အိမ်ကို ပြောင်းရုံပဲ။
အိမ်က နှစ်ထပ်အိမ်ဖြစ်ပြီး ယန်းယန် က ရှုဇယ့် ဆီကို ကားနဲ့ လာခေါ်ခဲ့တယ်။
အောက်ထပ်ရော အပေါ်ထပ်မှာရော အခန်းသန့်တွေ ရှိတယ်။ ရှုဇယ့် ကတော့ အောက်ထပ်ကို ရွေးလိုက်တယ်။ အခုက လနုသေးတော့အဆင်ပြေတယ် ထင်ရပေမဲ့ ဗိုက်က ပိုကြီးလာရင် လှေကားထစ်တွေတက်ရတာ အဆင်ပြေ တော့မှာမဟုတ်ဘူး။
ယန်းယန် က ရှုဇယ့် ကို အိမ်သော့ပေးလိုက်တယ်။ အိမ်ကို ထိန်းသိမ်းဖို့ ငှားထားတဲ့သူက နံနက်ခင်းမှာ ရောက်လာပြီး တစ်အိမ်လုံးအိမ်မှုကိစ္စတာ၀န်ကို လုပ်ပေးမှာဖြစ်တယ်။
သန့်ရှင်းရေးနဲ့ ချက်ပြုတ်တဲ့ အဒေါ် ရဲ့ နောက်ခံရာဇ၀င်ကို သေချာပေါက် စုံစမ်းခဲ့ပြီးပြီ။ သူမ က ရှုဇယ့် ရဲ့ အစားအသောက် နေ့စဥ်ပုံမှန်ဘ၀ကိုရော ရှုဇယ့် ကိုရော ဂရုစိုက်ရုံသာမက ရှုဇယ့် ဗိုက်ထဲက ကလေးကိုပါ ဂရုစိုက်ဖို့ ဒီကိုရောက်လာတာမလို့လေ။
ယန်းယန် က ကလေးအကြောင်းကို အိမ်အကူကို ပြောပြထားတယ်။ အိမ်က အလုပ်သမားတိုင်းကိုလည်း ပုံမှန်လစာထက် လစာနှစ်ဆတိုးပေးလိုက်တယ်။ ထုံးစံအတိုင်း၊နားလည်ရမှာက အိမ်တွင်းရှိ အခြေအနေအားလုံးကို လျှို့ဝှက်ထားရပြီး အိမ်တွင်းရေးကို အခြားသူများ မသိစေရဘူးဆိုတာပဲ။
ယန်းယန် က လူတွေကို ပြန်လွှတ်လိုက်ပြီးတဲ့နောက်မှာ သူလည်း အကြာကြီး မနေခဲ့ဘူး။ သူက အခြားသူတွေနဲ့ ညစာစားဖို့ ချိန်းဆိုထားတာကြောင့် ရှုဇယ့် ကို သူ့ဟာသူ အိမ်မှာထားခဲ့ရတယ်။
ယန်းယန် ထွက်သွားတဲ့နောက် ရှုဇယ့်က ပိုပြီး သက်တောင့်သက်သာရှိသလို ခံစားရတယ်။အမှန်တိုင်းပြောရရင် ယန်းယန် ဒီမှာရှိနေရင် သူနဲ့ပြောဆိုဆက်သွယ်ဖို့ သူ့အားအင်တွေသုံးနေရဦးမှာလေ။
YOU ARE READING
သူကအဖေဖြစ်ရတာကိုသဘောကျတယ်
Randomသူဟာ အဖြည့်ခံဇာတ်ကောင်အနေနဲ့ ကမ္ဘာတစ်ခုချင်းစီသို့ ကူးပြောင်းခဲ့တယ်။ သူကူးပြောင်းလိုက်တဲ့ အခါတိုင်း မူလအဖြည့်ခံဇာတ်ကောင်မှာ ကိုယ်၀န် ဆောင်ထားရပြီးသားဖြစ်နေလေရဲ့။ ကမ္ဘာတိုင်းမှာ သူဟာ အဖေတစ်ယောက် မဖြစ်မနေဖြစ်လာရတော့တယ်။ ............... Eng Title_He li...
