سلام عليكم عاملين ايه إن شاء الله تكونوا بخير 💜✨ومرحبًا بكم جميعًا My sugars .🍭🍭
_فعلوا وضع ال Dark وأنتم بتقرأو أما لو كنتم عاملينه اصلا زي ف أنتم كفوا واقفلوا النور عشان تدخلوا في الاجواء .
_موضوعنا النهارده زي ماهو مكتوب بالعنوان عن مطار غريب بدور عنه شائعات وجود كائنات فضائية فيه ، و زواحف بشريه ، ومش بس كدا موضوع وصل أنهمزيسموه مطار دينڤر الماسوني عايزين تعرفوا قصه الوثيقه كامله اقرأوا الفصل للنهايه ، وتقديرًا لتعبي كومنت لأنه رأيكم يهمني ، Up vote لتشجيعي .
_ قصة النهارده قصيره نوعًا ما ، فحضروا مشروبكم المفضل ☕🧃ويلا نبدأ رحلتنا النهارده .
✡️✡️_________✡️________👁️__________✡️
لو حد منكم عايش ، أو زار قبل كدا ولاية كولورادو أكيد سمع عن شائعات مطار دينڤر ، وعلاقته بالماسونية ، والأمور الغريبه حبتين لا مش حبتين دول تلاته اربعه كدا 😂😂 وهتعرفوا ليه كمان شويه .
تخيل نفسك عزيز القارئ قاعد منتظر طيارتك ، أو مستني شخص في المطار ، وقررت تستنى في كافيه تبص يمين تبص شمال تلاقي صور مريبه ، وتعليق عليها اغرب ده غير هيقابلك قاعه كبيره اسمها "The great hall" وهو نفس إسم قاعة الماسونية في المحافل بإستثناء أنك في قاعة المطار مش في المحفل وهتكون وسط مسافريين مش وسط أعضاء المحفل .
أنت أصلًا أول ما تدخل المطار هتحس نفسك دخلت عالم غريب مليان لوحات فيها رسائل مشفره ، لتماثيل بترحب بيك بطريقة مريبه لما منين ما تمشي في كل مكان حرفيًا فيه رساله هنا عن الماسونيه ، رساله هنا عن الفضائيين ، لسكان جوف الأرض ده غير رسائل تانيه كتير بتخاطب عقلك اللاوعي بتجذبه غصب عنه يشوفها ، ويدقق فيها ، ومين عالم يمكن في يوم تقتنع بيها ؛ لأنها هتتخزن بشكل ، أو بآخر في عقلك ، والأحساس اللي أكده ليك أنك هتحس بيه هو عدم الراحه خالص في المطار ده .
.
.
.
.
قبل ما بتدي موضوع اليوم خلونا الأول نعرف شوية معلومات عن المطار
مطار دينڤر الدولي في مدينة دينڤر في ولاية كولورادو بالولايات المتحدة الأمريكية في عام ١٩٩٠ تم وضع حجر الأساس للمطار وهو نقطة البداية للأحداث الغريبة اللي أثارت علامات إستفهام كتيرة ، حجر الأساس عباره عن ٥ مباني تم بنائها الأول ، ولكن في يوم من الأيام إكتشف المهندسين ، والعمال مشكلة بين أبعادها والتصرف الطبيعي اللي كان المفروض أن المشرفين يعملوه هو أنهم يهدوا ال ٥ مباني ، ويعيدوا البناء ، ولكن العمال تفاجأوا لما المشرفون قرروا أنهم يكملوا بناء المطار فوق ال٥ مباني ، واللي هي مدفونة لحد يومنا ده لسبب غير معروف ، و في عام ١٩٩٥ اكتمل بناءه عشان يحل محل مطار أقدم منه كان معروف وقتها بمطار "ستابليتون الدولي" ، وفي العاده لما بيحصل هدم للمطار ، ويتم بناء مطار جديد بتكون الأسباب يا أنه بسبب وجود عيوب ، أو مشكلات فنية في المطار ، أو أن مدرجات الطائرات كانت غير مناسبة ، أو غير كافية في المطار ، ولكن كتير من سكان المدينة ، وحتى الزائريين كانوا شايفين بأن المطار القديم "ستابليتون" كان شغال بطاقة جيدة ، تكنولوجيا متقدمة كمان مطار دينڤر لما تم افتتاحه مقدمش أي نوع من الخدمات الإضافيه عن اللي كان بيقدمها مطار "ستابليتون" الفرق الوحيد بين المطارين هو أن المطار الجديد تفوق في مساحته اللي بلغت ٥٣ ميل مربع أي ١٣٧ كيلومتر مربع ، وبكدا يعتبر مطار دينڤر أكبر مطار في الولايات المتحدة ، وتاني أكبر مطار في العالم بعد مطار الملك فهد في المملكة العربية السعودية من حيث المساحة الكلية
، ولكن السؤال هنا هو ليه هدموا المطار القديم بالرغم من أنه كان شغال كويس؟
.
.
.
خلونا بقى نمسك المطار جزء جزء واحكيلكم الشائعات اللي بدور عن بعض المناطق في المطار اللي فعلًا عليها تساؤلات كتيره جدًا
تاني سؤال ممكن يجي في بالك عزيزي القارئ من بعد سؤال ليه تم إستبدال المطار القديم بمطار دينڤر
هو ليه فيه شعار للجمعية الماسونية العالمية موضوع على حجر الأساس ؟ خاصه أن مفيش حد يعرف دورها في إنشاء ، أو إدارة المطار يعني من المعروف لما يتم بناء مبنى ما عند أول حجر تم وضعه في البناء ، أو بيخلوا حجر معين وينقشوا عليه أسم المكان ، والتاريخ ، والشعار إذا كان موجود ، ولكن الحجر ده ملوش أي علاقة بالمطار ، معلومة إضافيه الحجر منقوش عليه تاريخ معين وتم نقش على الحجر "سيفتتح هذا المطار بتاريخ 13/9/1994 ، وعندما يفتح سيكون هناك سر كبير تحته وسيكون رسالة وذكرى لسكان كولورادو عام 2094".
وتحت الرسالة رسمة الفرجار الخاص بالماسونية وتحتها كتبت عبارة بإشراف لجنة مطار العالم الجديد.
(صورة لحجر الأساس من بعيد 👇🏻👇🏻)
أنت تقرأ
Weird& horror
Non-Fictionهنا في الكتاب ده هجمع بعض مواضيع التي أحبها من قتله متسلسلين واحداث من وراء الطبيعه والمنظمات واcrepe pasta والجرائم المحلوله والغير محلوله . حصلت على مرتبة # 1- في ماوراء الطبيعة. حصلت على مرتبة #1- يهود . حصلت على مرتبة #1-ماسونية.
