Weird& horror

متاحف غريبه"متحف التعذيب القرون الوسطى"

_السلام عليكم عاملين ايه إن شاء الله تكونوا بخير 💜✨ومرحبًا بكم جميعًا My sugars🍭🍭

_فعلوا وضع ال Dark وأنتم بتقرأو أما لو كنتم عاملينه اصلا زي ف أنتم كفوا واقفلوا النور عشان تدخلوا في الاجواء .

_موضوعنا أنهارده زي ماهو مكتوب بالعنوان "متحف أدوات تعذيب القرون الوسطى " وأنا ببحث لاحظت أن فيه كذا متحف بنفس العنوان في دول مختلفه زي لوس انجلوس ، و كالفورنيا ، و ايطاليا و مصر ، ولكن اخترت أتكلم عن المتحف اللي في أمستردام لأنه عامل زي دمى من سليكون على هيئة بشر داخل الأدوات + أدوات منفصله وكمان ناشرين صور لبعض المعروضات عكس باقي المتاحف وإذا زرت المتحف اللي في مصر بصور ليكم المعروضات وبنزلها في بارت ٢ من متحف أدوات التعذيب في القرون الوسطى بإذن الله ، وتقديرًا لتعبي ڤوت وكومنت بين الفقرات حلوين زيك يلي تقرأ .

_ 🚫هذكر بعض التفاصيل الدمويه والصور كمان ف إذا كنتم ما تتحملوا العنف وتعذيب ودماء البارت ده مش ليكم وتقدروا تقرأو أي بارت تاني من الكتاب فيه مواضيع مشوقه ومتنوعه متأكده بتعجبكم .

_ حضروا مشروبكم المفضل ☕🧃ويلا نبدأ رحلتنا النهارده إلى امستردام

_⛓️_______🪑🪑_________⛓️⛓️__________🪑

تشتهر مدينة أمستردام بمطاعمها وفنادقها اللي بتنبض بالحياة في الليل أكتر من النهار إلا أن المدينة بتقدم لزائريها الفرصة علشان يتعرفوا على الوجه المظلم لأوروبا في العصور القديمة ، لأن المتحف بينقل الزوار إلى تاريخ أوروبا الدامي لما كان التعذيب والإعدام شائع في كل المدن الأوروبية.
يقع متحف التعذيب في وسط مدينة أمستردام بالقرب من سوق الزهور ، وبيطل على قناة سينجيل ، وتم تصنيف المتحف على قائمة المتاحف الأكتر غرابة في العالم.
وبيعد متحف شعبي صغير بيضم حوالي 40 أداة للتعذيب كانت تستخدم في استجواب المجرمين والمشتبه بهم والسحرة والسجناء السياسين ، وهو واحد من 50 متحفاً مشابه موجود في هولندا.
وبيجسد المتحف صورة حية عن الماضي الأليم اللي عاشته أوروبا في العصور الوسطى لما كان يتم إعدام الأشخاص بالمقصلة ، وتعذيب السجناء أنهم يجبروهم أنهم يقعدوا على كراسي مليانه مسامير الحادة.
كمان يحتوي على عارض الحديد وكسارة الجماجم ومسامير الإبهام ومزمار العار وعجلات كاثرين وكرسي يهوذا وغيرها الكتير من أدوات اللي تم الحفاظ على بعضها من العصور الغابرة وفي بعض الأدوات تم إعادة بناءها بالأعتماد على النصوص والقصص التاريخية القديمة.
.
.
.
.
ومن جهة تانية، بيقوم المتحف بتنظيم جولات تثقيفية للطلاب مع مرشدين للمدارس والجمعيات حول طرق التعذيب القديمة والحديثة اللي بيتم أستخدامها في أكتر من 100 بلد حول العالم ، وفي ده الإطار انضمت هولندا لإتفاقية الأمم المتحدة لمناهضة التعذيب.
بيستقبل المتحف زواره يومياً من الساعة 10 صباحاً حتى 11 مساءً ، وسعر تذاكر الدخول بين 7.50 يورو للكبار و4 يورو للأطفال ، ويتم تقديم مجموعة واسعة من المعلومات عن تاريخ التعذيب بأكثر من 8 لغات عالمية إلى جانب مجموعة متنوعة من البرامج التعليمية.
اتعرفنا على المتحف بنظرة عامله تعالوا بقى ندخل جوا المتحف ، ونتعرف أكتر على كل معروضه على حدى .
.
.
.
• شوكة الهراطقة
(شكل الشوكة👇👇)