Weird& horror

بغباء شاهد في جريمة قتل 🦜⚰️

_ السلام عليكم جميعًا ومرحبًا بكم My sugars
_دي أول جريمه قتل هنشرها وبعد كدا هبدأ بإذن الله  بنشر القضايا مع الحوادث الخارقه أو الماورائيات ف انتظروا .
_ الجريمه دي مش طويله قضية خفيفه كدا وللأسف مفيهاش صور و تفاصيل كتير بس حلوه فأستمتعوا✨
&&_____________________&&_______________&&

• ازاي عرفت الشرطه بالجريمة؟؟
لما بحثت عن القضيه في المواقع ملقتش الشرطه بالتحديد عرفت أمر جثة مارتن أزاي يعني هل زوجته هي اللي اتصلت بلغت أو الجيران  لما سمعوا صوت طلقات هما اللي بلغوا متمش ذكر ده بالتحديد ولكن لما الشرطه الأمريكية  لقت جثة مارتن دورام مقتول داخل شقته  نتيجة أن أخد خمس رصاصات أخترقت جسده ، ومكنش موجود فى مسرح الجريمة غير المجنى عليه وزوجته والببغاء اللى بييطلقوا عليه اسم “بود”؛ وهو اللى شهد اللحظات الأخيرة فى حياة الضحية وكمان كان بود في ظل وجود الشرطه كان  بيردد الكلمات الأخيرة اللي قالها مارتن على قبل وفاته بلحظات؛ مما أدى إلى سهولة الوصول إلى القاتل عن طريق بود بغبغاء مارتن اللي ساعد رجال الشرطة فى كشف حقيقية مقتل مارتن .
.
.
.
.
.
.
.
.
.
.

وفي الجرائم اللي بتكون من نوعيه دي الروتين المُتبع هي الأشتباه في الأقارب وكان المشتبه بيه رقم واحد هي زوحته "جلينا دورام" وبالفعل استطاع رجال الشرطة التأكد من أن زوجة القتيل هي اللي قامت بتنفيذ جريمة قتل زوجها؛ بإطلاق خمس رصاصات متتالية باتجاه جسده، كمان قدرت الشرطة أثبات أن جلينا  حاولت أنها تنتحر بعد ما انتهت من جريمتها بإستخدام نفس المسدس اللي  قتلت به زوجها؛ غير أن محاولة إنتحارها فشلت
وكانت محاولة انتحار الزوجة في الأول خلتهم يعتقدوا في البداية أنها ضحية لهجوم من أحد القتله اللي قتل زوجها وكان هيقتلها هي كمان بس القدر وقف معاها ومحاولة قتلها فشلت وأعتقاد الشرطه ده خلاهم في الأول يستبعدوا إحتمالية تورط جلينا في قتل زوجها بس اللي معملتش حسابه جلينا أن "بود" البغبان بتاع مارتن هو اللي هيشهد عليها .
.
.
.
.
.
.
.
.
.
لما “كريستينا كيللر” قررت أخذ الببغاء (بود) عشان يعيش معها عشان تعتني بيه بعد وفاة مارتن  فلاحظت حاجه غريبه أن الببغاء بيردد  عبارات غريبه من الممكن أن تدل على طريق الوصول إلى الجانى فى قضية مقتل مارتن
طيب مين هي كريستينا كيللر؟
هي طليقه مارتن والجدير بالذكر  ،  وفي مايو عام ٢٠١٥ كريستينا  مترددتش فى الذهاب إلى الشرطه الأمريكية المسئولة عن ملف القضية، وهناك قام الببغاء بترديد الحوار اللى دار قبل وقوع الجريمة، وكان الحوار  ده بين شخصين بيزعقوا على بعض ، وكان واضح  أن صوت الراجل يعود لمارتن وصوت المرأة  يعود إلي جلينا، وده اللي  أثبت تورطها ؛ مما أدى إلى القبض عليها.
.

شكل البغبغاء "بود"
.
.
.
.
.
.
.
.
.
.

وكانت المفاجأة صادمة بالنسبه لجلينا  اللي لقت نفسها مدانة فى قبضة رجال الشرطة؛ اللي قاموا بتوجيه الإتهام إليها بقتل زوجها مع سبق الإصرار والترصد، ومخطرش على  بالها  ابدا أن الببغاء "بود"  اللي كان زوجها يربيه من سنوات حفظ كلمات زوجها الأخيرة وأستمر فى ترديدها
كان الببغاء يكرر فى نهاية كلامه جملة “اللعنة لا تُطلقي..” ، ومن الواضح أنها العبارة اللي كان  القتيل  بيرددها عشان يستعطف  جلينا وده اللي خلاه يتوسل ليها بعدم إطلاق الطلقات بس هي مسمعتش لتوسلاته البائسة؛ وقامت بتنفيذ جريمتها بلا تردد، ولكن الجريمة كانت غير كاملة لأنها تمت بوجود "بود" البغبغان ذكي اللي يردد الكلام .

.
.
.
.
.
.
.

وبالرغم من غرابة الموقف وأن لم يذكر في القضية أيه هو الدافع اللي حرك جلينا لقتل زوجها مارتن  وكونها أول قضية يكون الشاهد فيها غير بشري إلا أن الشرطه متراجعتش فى قرار القبض على جلينا  وتوجيه الإتهام إليها اعتمادًا على كلام الشاهد الوحيد اللي حضر وقت وقوع الجريمة؛ وهو الببغاء، من فصيله البغباء  الرمادي الأفريقي واللي بيعد من أذكى الفصائل من بني جنسه وبالفعل أخدت المحكمة بشهادته، وتم التأكد من أن الزوجة هي القاتلة بالفعل.

كدا وصلنا لنهاية قصتنا الغريبه اكتبوا رأيكم
_وعلقوا بين الفقرات .
_ متنسوش تحطوا  ڤوت لو عجبتكم القصه وتحطوا الكتاب في مكتبتكم عشان أول ما انزل قصه جديده تعرفوا  .
دمتم سالمين 🤍