Weird& horror

سلسلة"دُميتي الملعونة"

سلام عليكم عاملين ايه إن شاء الله تكونوا بخير 💜✨ومرحبًا بكم جميعًا My sugars .🍭🍭

_♥️🇵🇸
_متنسوش الدعاء لأهلنا في فلسطين اللهم أنصرهم وأعزهم على القوم الظالمين اللهم أذل الأعداء وأجعل كيدهم في نحورهم اللهم آمين .

_ متنسوش كما الدعاء لأهلنا في السودان الشقيق عسى الله أن يفرج كربكم ، ويفرق شمل كل من عادى المسلمين والإسلام اللهم آمين ♥️🇸🇩

_فعلوا وضع ال Dark وأنتم بتقرأو أما لو كنتم عاملينه اصلا زي ف أنتم كفوا واقفلوا النور عشان تدخلوا في الاجواء .

_موضوعنا النهارده بيكون أول فصل من سلسلة "دُميتي الملعونة" ، و  زي ماهو مكتوب بالعنوان دُمية أكيكو هي دُمية يابانية مشهورة بأسطورتها ، وبشعرها البشري اللي بينمو ، عايزين تعرفوا أكتر عن موضوعنا اليوم كملوا البارت للآخر ، وتقديرًا لتعبي ڤوت ، وكومنت بين الفقرات لأن رأيكم وتعليقاتكم تهمني .

_ الفصل اليوم قصير نوعا ما  ، فحضروا مشروبكم المفضل ☕🧃ويلا نبدأ رحلتنا النهارده .

🧸🧸____________🧸🧸____________🧸🧸

فيه أساطير كتير يابانية اتكلمت عن الدُمية أكيكو بس القصة الأكتر شهره ، وتداول في اليابان ، و أي شخص يعرف قصة أكيكو هي القصة دي
في 30 القرن الماضي ما ذكر التاريخ بالظبط كلن فيه ولد اسمه " أيكشي سوزوكي" ، وكان في الوقت ده عمره   17 عام لما أشترى الدُمية هدية لأختة الصغيرة اللي يقال أنه كان يحبها ، ومتعلق فيها أخت "أيكشي " الصغيرة أسمها "أوكيكو" عمرها 3 أعوام .

( صورة الدُمية أوكيكو👇🏻👇🏻)

.

.

.
أكيكو حبت الدُمية بشكل كبير ، وكانت تاخدها معها في كل مكان تروح ليه ، وكانت  زي باقي الأطفال أكيكو كانت تلعب ، وتاكل ، وتنام مع الدُمية، ولكن في يوم " أكيكو " تعبت وانصابت بنزلة برد ، ويشاء القدر أنها تتوفى ، ومن هنا تبدأ قصتنا .

عائلة "أكيكو"  الدُمية اللي كانت تحبها "أكيكو" ، وعملوا ليها زي قبر  من الزجاج صغير علشان تفكرهم ببنتهم ،  وأحتفظوا فيه داخل بيتهم ، و سموا الدُمية على أسم بنتهم ، وبدأوا بإقامة الصلاة عليها كل يوم  ، ولكن في يوم من الأيام وهما بيصلوا على الدُمية لاحظوا شيء غريب ظاهر على الدُمية هو أن الدُمية تسريحة شعرها نفس تسريحة شعر بنتهم ، وهي تسريحة شعر أسمها (Okappa) ، وهي تسريحة الشعر يكون فيها قصير
شعر الدُمية بدأ يطول ، وده اللي رعبهم، وبعد فترة بدأ الأهل يقتنعوا أن ممكن تكون روح بنتهم سكنت في الدُمية .
.

.

.
بعد فترة تحديدًا في  عام 1938 قررت العائلة أنهم  ينتقلوا من جزيرة " هوكايدو"اللي كانوا عايشين فيها لمكان تاني ، ولكنهم سابوا الدُمية في المدينة بس نقلوا الدُمية في معبد في جزيرة " هوكايدو"  ، والرهبان في المعبد" مانينجي" بقوا مسؤولين عنها ، وبيشاركوا مع العائلة سر الدُمية.
والدُمية موجودة في المعبد ليومنا ده ، وبقى المعبد اللي موجود فيه الدُمية مزار للناس علشان يشوفوا الدُمية اللي عندها شعر بشري ، ويتحققوا من صحة  الأسطورة ، ولكن الرهبان مانعين تصوير الدُمية من السياح .

( صور أوكيكو في المعبد👇🏻👇🏻)

.

.

.
الدُمية "أوكيكو" شعرها طويل واصل لركبتيها ، ومن المحتمل أن يكون شعرها أطول من كدا بكتير ، وخاصة إن الرهبان بيقصوا شعرها كل فترة .
واحد من الكهنة المختصين برعاية الدُمية قال  أنه شاف في المنام الطفلة اللي توفت اللي تسكن روح الدُمية طلبت منه أنه يقص شعر الدُمية ، وعلشان كدا هو بيقص شعرها كل فتره .
.

.

.
ولحد دلوقتي مفيش حد قدر أنه يفسر سر نمو شعر الدُمية ، و واحده من الصحف صرحت  أن الدُمية فعلًا شعرها بينمو ، وصرحت كمان أنه إذا تم فتح فكها الأمامي هنلاقي أسنان لبنية تبدأ في الظهور.

.

.

.
وبسبب نجاح القصة الدُمية (أوكيكو) دخلت أسطورة الدُمية في الكتير من المسرحيات ، والأفلام السينمائية وجسدوا شخصياتها .

_______________________________________
•فقرة الأسئلة:🤔🤔

_ هل شعر أكيكو ينمو فعلًا ؟

_  ايه السر ورا منع تصوير السياح للأكيكو ؟

____________________________🤔🤔

_ لا تنسوا قيام الليل 💜🤍

_ دمتم سالمين 🤍