///بـعـد مـرور ثـلاثـة أيـام
- و الله هموت يا مريم ، مش قادرة أتصور أن الحرباية دي فضلت في نفس البيت مع جوزي و أنا مقدرتش أعمل حاجة !
زفرت مريم بتمهل و هي تقول :
- إياد شكله ناويلك علي أيام سوده !
رددت مرام بسخرية :
- الله يطمنك !
ضحكت مريم و تتشدق :
- و الله مش قصدي بس أنا بنبهك يعني ، بس عارفة الموضوع دا عايز دماغ زي دماغ رُسل عشان تعرف تخططلك كويس !
- مش لما ترسوني علي الحوار الأول !
هتفت بها رُسل بهدوء و هي تتقدم منهم ببطئ ، أنتفضت كلاً من مريم و مرام من جلستهما و هما يتطلعتان لها بصدمة لتجلس هي بكل عجرفه علي المقعد المقابل للسرير واضعة ساق فوق الأخري ، نظرت مرام لـ مريم بـ توتر تحت أعين رُسل الثاقبة ، هتفت رُسل بهدوء مختلط بـ التحذير :
- أنا سمعتكم و عايزة أعرف أنتوا الأتنين مخبيين أية عليا بـ الظبط !
أخذت مريم نفس عميق و قد قررت بـ الإعتراف لها لكن بـ نصف الحقيقة فقط ، قالت مريم ببعض الثبات :
- أنا و مرام متجوزين !
رفعت رُسل حاجبها و هزت رأسها تشجعها علي التكملة لـ تسترسل مريم بحذر :
- أنا متجوزة بس جوزي في مصر..رامي معرفش أنتي متذكراه و لا لأ بس أظن لأ عشان أنتي عرفتيه أول ما روحتي أشتغلتي صحفية في الجريدة و مـ مرام ، جوزها هنا ، هو يبقي
أخو ليث !
ثواني من الصمت قبل قول رُسل القوي :
- و مقلتوش لية ؟ !
سارعت مرام قائلة :
- أنتي كنتي ممكن ترفضي الموضوع و متصدقيهوش و الصراحة الدكتور في مصر خوفنا و قالنا أن ممكن يحصلك أنتكاسه و ترجعي للغيبوبة تاني لو يعني زعلتي جامد أو أتعصبتي !
أومأت ببطئ ثم هتفت بتساؤل :
- و مين بقا الحرباية اللي كنتوا بتتكلموا عنها دي !
ردت مرام بإختناق :
- دي واحدة صاحبة إياد لبنانية جابها تقعد معاه كام يوم عشان يفرسني !
= و دا لية ؟ !
أردفت مريم بسرعة منقذه مرام التي من الممكن أن تقع بـ الكلام :
- ناس بعتولها صور ليه في أوضاع مش كويسة و هي أصلاً كامت فيك فـ مرام عملت معاه مشكلة و زعل هو أنه إزاي تخّونه و هو ماشي كويس !
صرخت رُشل بحنق و هي تنتصب بوقفتها :
- و حضرتك سيباه و قاعدة هنا يا خايبة ؟ !
نظرتا لها الفتاتان بدهشة لتكمل رُسل بقوة و هي تلوح بأصبعها :
- متسكتيش لـ راجل حتي لو أنتي كنتي غلطانه عشان هيسوق ساعتها العوج ع الشيطنه و ساعتها مش هيبقي ليه مالكه !
نفضت شعرها للخلف و هي تقول بثبات :
- ألبسي عشان تيجي معايا ، و لو عايزاه يرجعلك أمشي علي اللي هقولهولك بـ الحرف الواحد..تمام ؟ !
