AKONG CRUSH (APRIL 14, 2020)
Naa koy crush, si Liza. Gikan grade 7 crush na nako siya. Kinsa man guy di maka-crush niya nga gwapa na bright pa.
Pero ang nabantayan jud nako niya gikan pa grade 7 kay dili niya hiktan iyang buhok. I-dunghay niya iyang buhok pero dili niya pasagdan na mapalid sa hangin. Ambot ngano, shiny man unta ug buhok.
Karon nga grade 10 nami, mu-confess nako sa akong feelings, basig maunhan pa ko, lisod na.
Pagkahuman ug dismiss sa amo ako dayon gisundan si Liza padung sa locker namo. Aw, oo uy, naa mi locker, kada room diri sa eskwelahan naay locker. Ingana mi ka-datu. Kasuya mo, mga choy.
Naa nako sa iyang likod ug ready na unta siya kuhiton pero kusog kaayo ang hangin maong napalid iyang buhok ug didto nako nahibal-an nganong dili niya pasagdan na mapalid iyang buhok.
Kay baga kaayo iyang lusa mga choy! As in ka-baga! Naa pa koy makit-an nga kuto na naglakaw-lakaw. Naa pa juy mga lusa na natagak sa iyang uniform dapit sa liog.
Yawa kaluod!
Turn off kaayo siya mga choy! Maong wa nalang nako siya gidayon ug kuhit ug nideritso na lang ug uli para maligo kay basig naay ning balhin sa ako nga kuto.
Atay jud bay! Di mawa sa akong huna-huna ang itsura sa iyang buhok. Yowo!
@cloudnine
••••
LOAD (APRIL 18, 2020)
"Kuya, pa load ko."
"Ako unaha, Kuya."
"Ako una, ganiha ra ko diri."
Kasaba ba aning mga bayhana!
Ganiha pag abli nako sa tindahan, mga alas 7, naa nay nag-atang na 10 ka babae. Magpa-load lagi daw sila kay mutan-aw daw sila atong live sa BTS karong alas 8 sa buntag. Saba kaayo sila kay nag-lalis kinsa'y una.
Gitan-aw sa nako pila nalay nabilin nga load. Atay, 100 na lang unya mag pa load pa jud sila kay tinag-50. Unsaon man nako ni?
Sultian na unta nako sila nga 100 na lang ang kaya nga load sadihang niabli man ang pultahan sa tindihan ug nisulod akong uyab, si Coreen.
"Rozen, pa load ko." Ana si Coreen ug nigakos sa ako. Magpa-load pud siya!?
Gilingi nako tung mga babae ug lain na kaayog tinan-awan kay Coreen. Patay, kinsa man akong loadan!?
Nibuhi sa gakos si Coreen ug nitalikod sa ako.
"Pag dili ko nimo loadan, bulag na ta." Pagpang-hadlok niya sa ako. What!? Kalabad! Tabang mga choy!
Gikuha nako ang selpon ug gibira pagawas si Coreen sa tindahan ug gidala siya pasulod sa balay.
"Pila man imong ipa load, baby?" Pangutana nako ug automatic na nag shinning shimmering iyang mata.
"100 lang, baby." Tubag niya ug ni-kiss sa akong aping.
Sorry, girls, pero lab nako akong baby ug sa iyaha padulong ang nabilin. Lisoda jud aning naa tay tindahan mga choy.
@cloudnine
