(AUGUST 5, 2020)
"Samuka jud anang sig kawat sa bulak uy!"
Ninaog ko padung sa gawas kay nag-yawyaw na sad si Mama. Atay, gikawatan na sad mi ug bulak?
"Oh, imoha na ni." Ingon ni Mama ug gihatag sa akong ang Army Bomb. Nisiga akong mata pagkakita ato.
"Aha man ni gikan, Ma?" Pangutana nako ug gi-ablihan ang sudlanan.
"Ambot lang. Naa naman na dira tung nakawat ang bulak." Ingon ni Mama ug nisulod sa balay. Nisulod nalang sad ko sa balay ug niadto sa kwarto.
The next day, ingato gihapon ang nahitabo. Nakawatan mi ug bulak pero naa na sad gibilin nga BTS Merch and this time, posters na sad.
Gihatag gihapon ni Mama sa ako ang merch ug lipay kaayo ko. Wawex, naa koy collection pero wa ko nigasto ug kwaaaaarta~
Pagka-gabii, nagplano ko nga musayo ug mata para makit-an kung kinsa ang naga-kawat sa bulak ug naga-bilin sa mga merch.
------------
Alas singko ko sa buntag nagpa-alarm. Nibangon ko ug naghinay-hinay ug gawas sa kwarto. Nigawas ko sa balay ug nagtago sa sakyanan.
Pila ka-minuto ko sig hulat tung naay babae nga padung sa among mga bulak ug naa siyay dala nga merch.
Pag-gunit niya sa bulak, nigawas dayon ko ug giduol siya.
"Te, nganong sige man kag pangawat sa bulak namo?" Pangutana nako pero nikatawa ra siya. Buang ka, te? Charot.
"Ayaw na pag-ate sa ako, Jans, ka-edad ra ta." Ingon niya ug gikuha ang bulak.
"Nganong sige man kag pangawat ug bulak namo?" Pangutana nako ug gikuha sa iya ang bulak.
"Gisugo ra jud ko, Jans. Kuhaa nalang ning merch unya ako na ning bulak." Ingon niya ug gikuha na sad sa ako ang bulak. Nag-inilugay mi hangtud sa nakuha jud niya sa ako ang bulak ug gihatag sa ako ang merch.
Wa ko kalihok ug gatan-aw ra sa merch nga naa sa akong kamot.
"Pag wa man gud koy bulak nga na-uli sa balay, pang-sunugon ni Mama akong mga merch unya sayang ra akong kwarta nga gigasto maong ibaylo nalang nako na. Mas okay pa sa ako nga naa sa laing kamot akong mga merch kaysa masunog sa balay." Ingon pa niya ug gihatag sa ako tung BT21 nga ballpen.
"Thanks, Jans! Ay'g saba sa imong Mama, ha!" Ingon niya ug ni-babye sa ako.
"Ah, okay." Ingon ra nako ug gatutok gihapon sa merch nga naa sa akong kamot.
Hala, mura man ug gipa-barter nako ang bulak ni Mama sa BTS Merch. Sorry, Ma.
@cloudnine
