BAHAW (AUGUST 2, 2020)
"Joshuaaa! Joshua, mata na diha!" Buntag sayo tingog ni Mama ang madunggan sa tibuok baranggay.
Nibangon nalang ko ug ninaog kay basig muabot sa pikas baranggay iyang tingog pag di pa ko mubangon. Pag-abot nako sa kusina, suko kaayo siya ug nawng.
"Unsa man, Ma?" Pangutana nako ug nikatol sa akong ulo. Ywa, basig naa nakoy kuto.
"Asa naman ang bahaw diri?!" Suko nga pangutana ni Mama maong nakatindog ko ug tarong. Hala, ang bahaw.
"A-Ambot lang, Ma, uy. Wa man ko nanghilabot ana." Tubag nako ug nitalikod para mubalik sa kwarto.
"Kung kinsa man ang nikaon ato, good luck sa iya. Ilabay na baya unta to nako kay gitugpahan ug uk-ok." Yawyaw ni Mama ug nakahunong ko ug lakaw. Uk-ok?
H-Hala, patay na.
Nidagan ko ug balik sa kwarto ug nag-ilis ug gikuha nako akong cellphone dayun nigawas sa balay, wa nako nag-mask kay duol raman. Ni-adto dayun ko sa balay sa akong uyab ug naabtan nako nga naay ambulansya sa gawas sa ilang balay.
Nigawas ang Mama sa akong uyab maong giduol nako.
"Tita, asa si Maurine?"
Gilingi ni Tita ilang balay ug nigawas si Maurine nga gahigda sa stretcher. Niduol ko sa iya ug gigunitan iyang kamot pero giwakli ra to niya.
"U-Unsay naa atong bahaw?! Tungod ato nisakit akong tiyan!" Yawyaw ni Maurine ug wa nako gipansin.
"S-Sorry, baby. Wa man ko kabalo nga gitugpahan diay to ug uk-ok." Tubag nako maong nakalingi siya sa ako.
"Ha?! Ywa, gitugpahan to ug ug-ok!? Nganong wa man ka ni-ingon?!" Singgit niya ug gihapak akong bukton. Ywa, sakita jud manghapak niya uy.
Ni-undang siya ug hapak sa ako dayun gitabunan iyang ba-ba. Nipadaplin ko tung nisuka siya.
"Bulag na ta, Joshua!" Ingon niya bago siya gisakay sa ambulansya.
Bwisit nga bahaw to. Nahimo kong pang-quarantine!
@cloudnine
••••
ONLINE CLASS (AUGUST 13, 2020)
Alas sais palang sa buntag, mata na ko. Nakaligo ug nakaluto na ug pamahaw. Nganong sayo ko nimata? First day of class karon sa among online class.
Tulog pa sila Mama maong nauna na ko ug kaon. Samtang nagkaon, ni-log in ko sa messenger ug niadto sa GC.
Miss Laine: Good moening, class.
Chat ni Miss sa GC, siya ang Adviser namo. Gibasa nako ug balik ug nabantayan ang typo ni Miss. Nakahuna-huna dayon ko ug kabuang.
Raven: Moening, moening, moening, moening, moening.jpeg~
Gi-HAHA react sa akong mga klasmet akong chat ug si Miss ra ang ni-angry.
Miss Laine: Bumtag sayo, kabuang na sad imong gihuna-huna, Raven!
Chat ni Miss pero wa jud kalikay sa akong mata iyang typo.
Raven: Bumtag, bumtag, bumtag, bumtag, bumtag, bumtag.jpeg~
Gi-HAHA ra gihapon nila ug gi-angry gihapon ni Miss.
Gibuhian sa nako ang selpon ug nikaon ug tarong. Gihuman sa nako akong pagkaon bago ni-online ug balik. Mu-chat na unta ko sa GC pero "You can't reply to this conversation anymore. Learn more." ang nakabutang.
Ywa, gi-remove ko ni Miss?!
Gi-chat dayon nako si Miss.
Raven: Miss, nganong gi-remove man ko nimo? 😭👈
Miss Laine: Samok na kayka, Raven! Puro nalang ka kabuang! Bagsak na ka!
Raven: Miss, uy. Ayaw ko ibagsak.
Miss Laine: Wala nay pero-pero! Bagdak na ka!
Since bagsak naman pud ko, tiwas-tiwason nalang sad nako akong gisugdan nga kabuang.
Raven: Bagdak, bagdak, bagdak, bagdak, bagdak, bagdak.jpeg~
Murag wa na jud ka-agwant si Miss, gi-block na ko niya. Labad diay kaayo ko sa ulo? Aw, okay ra sad, di nako kinahanglan mu-mata ug sayo para sa online class.
@cloudnine
