KILLER (FEBRUARY 16, 2021)
Naglingkod rako diri sa gawas sa balay ug gatutok sa akong kamot nga naay dugo. I.. I can't believe I did that..
"RODOLFO!"
Nilingi ko sa likod pagkadungog sa singgit ni Papa. Gitulon nako akong laway ug nitindog tung nakit-an nako si Papa nga naglakaw padung sa ako ug suko kaayo ang nawng.
"Rodolfo! Asa si Juan?!" Pangutana niya pero wa ko nitubag. Niduko rako ug nitan-aw sa akong kamot.
"Hoy, Rodolfo! Nag-istorya pa ko nimo! Asa si Juan?! Ganiha rako sig pangita sa iya kay pakan-on na nako siya!"
"P-Pa.. I'm sorry.."
"Unsay sorry?!" Nangunot ang noo ni Papa. "Unsay gibuhat nimo kay Juan?!" Gi-kwelyuhan ko niya.
"P-Pa, wa nako tuyua.." Nigunit ko sa iyang kamot nga naka-kwelyo sa ako. Nitan-aw siya sa akong kamot ug nidako ang mata.
"Tubaga ko, Rodolfo. Unsay gibuhat nimo kay Juan? Asa siya?" Suko na ang tingog ni Papa.
"Gi.. Giihaw na nako si Juan, Pa."
"Unsa?! Ngano?!"
"G-Gituhik man ko niya tas wa ko ganahi, maong g-giihaw nalang nako s-siya.."
"Animal jud ka, Rodolfo! Si Juan akong gamiton pang-sabong ugma kay naa mi pustahan sa akong mga kumpare! Unya karon, unsa nalang akong gamiton na manok nga giihaw naman nimo?!" Yawyaw pa ni Papa pero wa ko nitubag.
Pagka-ugma gi-uban ko ni Papa sa sabungan, ako daw iyang i-sabong. Kung kagabii, nakonsensya ko ug nahadlok kay Papa. Karon, lami kaayo yawyawan si Papa.
Himuon ba daw kong pang-sabong. Mura diay kog manok?! Giihaw lang gani nako iyang manok, ako na ang gipuli. Pinisteha lagi. Ug isa pa, gibansagan ko ni Papa gabii.
Ako daw si Killer. Wa ko kabalo kung muhilak ba ko or patyon tanang manok ni Papa.
@cloudnine
••••
PILOT (FEBRUARY 25, 2021)
Ako si Apolinario, isa ka piloto. Naa mi karon ni Maria sa balay nila kay ipa-ila ila ko niya sa iyang Mama.
"Ma, mao ni si Nario, akong fiancee." Ingon ni Maria ug gigunitan akong kamot.
Gitan-aw ko sa iyang Mama ug gitaasa'g kilay. Kamaldita ba ni Tita uy. Gi-head to toe ko niya tas gilingi iyang anak.
"Mao ni imong mapangasawa?" Pangutana niya kang Maria ug gi-head to toe na pud kog usab. Aray ha, murag insulto na gamay ang pagtan-aw sa ako ni Tita. "Mabuhi ka ani niya? Mapakaon ka ani niya? Wala ba ni bisyo—"
"I'm a pilot, tita. I can give the needs of your daughter." Oh ha, english na akong tubag.
Nakuratan gamay si Tita pero pagka-taod taod nikatawa siya. Luh?
"Wa man dayon ka ni-ingon nga piloto ni imong mapangasawa, Maria." Ingon ni Tita ug nikatawa. "Pasensya na sa akong tinan-awan ganiha, kinahanglan lang nako maniguro nga dili maling tao ang pakaslan sa akong anak." Ingon niya nako ug gihapak pa akong bukton. Kabug-at ba'g kamot, Tita? Choss.
Pagkahuman atong murag orientation, nangaon na mi. Dali rami nangaon kay gabii na kaayo unya layo pa ang balay nako. Ana si Maria didto daw siya matug karon. Nagsakay nami sa sakyanan ug padung na sa balay. Halata nga excited si Maria kay sige ra siyag smile.
Pag-abot sa balay, ninaog dayon ko ug ni-adto sa side ni Maria para ablihan siyag pultahan. Pagtan-aw nako sa iya, ang ganiha nga excited niyang nawng, na-ilisdan ug confused nga tinan-awan.
"Nario, what is this? Abi nakog muadto ta sa inyong balay?"
"Mao ni akong balay, Maria."
"Ba.. Balay sa tunga sa ka-sagingan? Abi ba nakog piloto ka? Aha na imong mansion, imong mga kotse?!" Nagsugod na siyag kasuko.
"Piloto bitaw ko, baby. Piloto nga tig-spray sa saging." Tubag nako ug gigunitan iyang kamot.
"Ultra wow, na-scam ko."
@cloudnine
