GRANNY (NOVEMBER 23, 2020)
Gabaktas nami pauli gikan sa school kauban akong barkada. As usual, saba mi samtang gabaktas.
"Oy, Hayan, ikaw dula ani." Ana si Josh ug gihatag niya sa ako iyang selpon.
"Unsa diay ni?" Pangutana nako ug gi-open ang iyang selpon. Nakuratan ko kay nawng sa babae nga nakaputi ang nibungad sa ako.
"Granny na nga dula. Ywa, di jud ko madaog ay. Pirme man gud ko makit-an ni Granny tas puspusan niya sa iyang dos por dos."
Nikatawa rako ug gisigdan nato ug dula samtang gabaktas mi.
"Kita ra ta sa school ugma. Bye!" Ingon ni Ryan ug nisulod na siya sa ilang balay. Wa ko kabantay, kami nalang man diay duha ni Josh ang nabilin.
Niabot nami sa among balay. Nihuning ko sa gate ug gipadayon ang dula.
"Dalia na, Hayan. Muoli nako." Ana si Josh ug gitan-aw ang dula.
"Pag-huwat dira. Ikaw ang nagpadula ani." Ingon nako.
Gamay nalang jud, ma-ayo na ang sakyanan. Kinahanglan lang nako pangitaon ang car engine kay mao nalang to ang kulang. Gituyok pa nako ang balay ug naniguro nga wa koy masagid nga gamit kay mugawas ug kalit si Granny.
Nakit-an na nako ang car engine ug gikuha to pero pagtalikod nako, bunal ni Granny ang nisalubong sa ako.
Sa kakurat nako, nalabay ang selpon ug na-shoot...
sa kanal! Patay.
"Ywaaa, akong selpon!" Singgit ni Josh ug niduol sa kanal. Dili ingato ka lalom ang kanal maong nakuha ra niya iyang selpon.
"Ah, ywa, lagi." Bagutbot pa niya ug nikuha ug tissue sa iyang bag.
Wa ko kabalo kung mukatawa ba ko or maluoy sa iya.
"Samoka nimo, Hayan, uy! Wa na gani koy uyab, gitagak pa jud nimo akong selpon!" Yawyaw niya sa ako ug nilakaw palayo.
Nikatawa rako bago ni-singgit sa iya. "Sorry, Josh!"
Imbes na maluoy ko sa ug ma-guilty kay ako ang nakatagak sa iyang selpon, makatawa man nuon ko. Kataw-anan man gud kaayo iyang nawng sig bagutbot. BWAHAHAHA!
@cloudnine
••••
KAMUNGGAY (NOVEMBER 30, 2020)
"Hoy, Yanna!"
"Ay, kabayo!" singgit niya ug nabuhian ang kamunggay. Nilingi siya sa ako nga lain na kaayo ug nawng.
"Nganong mangurat man ka!?" singgit pa niya sa ako ug nisiga akong mata. Waw, ha, ikaw pa ang galit?
"Nganong nangawat man ka ug kamunggay?"
"W-Wala kaya ko nangawat! Nananghid man ko g-ganiha ba! Wa lang jud ka kadungog.." ingon niya ug gipunit ang kamunggay.
Niduol ko sa iya ug gikuha ang kamunggay.
"Pwede nimo ni makuha ang kamunggay sa isang kondisyon." Ngisi nako sa iya.
"Unsa man? Pagdali kay nagsugod na to ug luto si Mama." tubag niya pero wa siya nitan-aw nako. Naa sa semento iyang panan-aw ug gidula-dulaan ang iyang tiil.
"I-crushback ko." sulti nako nga ga-ngisi. Nitan-aw siya sa ako nga siga ang mata. Hala, naay tarsier!
"Haha, nice joke, Craige. Pagdali na ba, unsa nga kondisyon?" sarcastic niya nga ingon ug nikataw ug pilit. Amaw, di man mutuo.
"Mao gani to, i-crushback ko." Wa gihapon nawala akong ngisi ug siga gihapon iyang mata. Sayang lang, wa nako nabitbit akong cp, picturan unta nako iyang nawng nga murag baboy ug tarsier.
Dugay siya wa nitingog, murag naghuna-huna unsay itubag.
"Deal." Ingon niya ug mas nidako akong ngisi. "I-crushback tika, basta tagaan ko nimo permi ug kamunggay pag managyo ko, okay?"
"Opo, babe." Ingon nako nga naka-smile ug gikusi iyang aping. Gihatag nako sa iya ang kamunggay ug wa ko nag-expect nga kissan ko niya..
sa cheeks! Wag kayong ano.
Nag-ngisi siya samtang gabaktas palayo ug ako kay kamatis na ang nawng.
Kamunggay ra diay ang solusyon para i-crushback ko niya.
@cloudnine
