GRENADE (JULY 17, 2021)
Padung ko karon sa mall kauban akong uyab ug akong iro. Wala man guy mubantay sa iro didto sa balay maong giuban nalang nako.
Pwede man makasulod ang pets sa mall, ayaw lang lagi nang mga wild animals nga gihimo nimong pet. Parehas anang imong amiga nga ahas. Kidding!
Pagsulod namo sa mall, nakita dayon kog restaurant. Gigutom ko uy.
"Hey, babe, didto ta?" ingon ni Spart, akong uyab, ug gitudlo ang restaurant nga dili layo.
Nisulod mi ug ni-order dayon siya samtang ako kay nangita ug malingkuran. Naay lamesa'ng duol sa entrance ug bakante maong didto nalang mi nilingkod. Gibutang nako sa tapad si Grenade, akong iro. Magpuyo raman na siya tas dili mag sige ug lihok.
Hapit nami mahuman ug kaon tung nabantayan nako nga murag hilom ra kaayo si Grenade. Paglingi nako sa iyang pwesto, nidako akong mata. Kanang parehas sa tarsier.
Alangan man bi, WALA NA AKONG BEBE GRENADE SA IYANG PWESTO!
Hala, hala, yati! Ywa, pota, litseeee!
"B-Babe! Babe, si Grenade nawala!" ingon nako ug nitindog tas gilibot ang panan-aw. I can't see him.
Gilibot na namo ang restaurant pero wa jud namo siya nakita. Gibayaran na ni Spart among bill ug nanggawas nami sa resto.
"Aha man ta mangita sa iya, babe, nga dako man ang mall?" guol nako nga pangutana. Basig nakidnap na tung iro-a. Giingnan bitaw siyag magpuyo pero gahi jud ug ulo!
Pigilan niyo ako, sasakmalin ko 'yung aso ko.
"Mangita ko sa iya ground floor ug diri sa first floor, tas ikaw mangita sa iya sa second ug third floor. Okay?" instruction niya ug mitando rako.
Niadto na siya sa ground floor ug ako kay nisaka sa second floor.
"Grenade! Grenade!" singgit nako tas naglingi-lingi sa palibot, basig naa ra siya diri.
"Grenade!" singgit pa nako. Nabantayan nako nga murag na-alarma ang mga tao tas nidagan.
Naunsa to sila?
Neh, bahala to sila. Mas importante si Grenade baby.
Naabot nalang ko sa third floor nga sig singgit ug 'Grenade'. Kada maagian nako nga tao samtang gasinggit sa pangalan sa akong iro, managan. Naboang naman guro ni sila.
Mawad-an na unta ko'g pag-asa nga makit-an ang beloved doggie pero naa koy nadunggan nga nanawag sa ako ug sunod nakong nadunggan kay tahol sa iro.
Nisiga ako mata pagkakita kay Grenade.
"Grenadeeee!" nidagan ko padung sa iya ug siya pud sa ako. Nakalingkod ko sa salug ug gugakos siya.
"Ikaw iro-a ka, ayna'g sig latagaw ha? Diba giingnan man tika nga di basta-basta mulakaw nga wa ko?! Unsaon nalang kung dili imong Daddy ang nakakita sa imo?!" sermon nako samtang gabaktas mi pagawas sa mall. Si Spart kay sige rag katawa samtang gatan-aw sa ako.
Paggawas namo sa mall, natingala nalang ko kay naa nay mga pulis, sundalo ug SWAT team diri.
Niduol ko sa usa ka babae. "Unsay naa?"
"Naa daw granada sa sulod sa mall." Tubag niya.
Nagtinan-away ming Spart ug nitan-aw kay Grenade.
"Tss, ikaw man gud ba. Sa tanang pwede ipangalan sa imong iro, nganong 'Grenade' man?" pangutana niya pagkasakay namo sa kotse.
"Ihh, cool man gud paminawon. Tsaka, naminaw man gud ko sa kanta nga 'Grenade' tung niabot sa ako si Grenade." Tubag nako ug ni-pout.
Mao diay'ng nanagan ang mga tao ganiha pag-singgit nako ug 'Grenade'. Abi nila'g naay granada. Hehe, peace mhen.
