BAHALA NA (JANUARY 2, 2021)
Pila ka minuto nalang, New Year na. Ug ako, namroblema. Waaaahhh, pa'no ba naman kasi, gidugo ko kung kanus-a New Year na! Kini jud akong dugo no, wrong timingggg!
Diba pag dug-on ka kay daghan ug bawal? Maong namroblema si ako! dT_Tb
"Five."
Wa ko kabantay nga nagsugod na diay sila ug countdown. Maong nitindog ko ug nigawas tas nipatong sa lamesa nga naa diri sa balkon.
"Four."
Gitarong nako akong short ug ni-apil sa countdown.
"Three."
Inhale, exhale.
"Two."
Wokie, here goes nothing.
"One!"
Ni-ambak dayon ko pag-abot sa one. Ug murag naka-feel ko nga naay nisirit.
"Hala, ate, nalapsan ka!" Gilingi nako akong manghud tungod sa gi-ingon niya.
Gitan-aw dayon nako akong short. Aksncjsbsksn! Nalapsan jud diay ko!
Pero bahala na, atleast naka-ambak ko. Kini kay sure na jud nga mutaas ko.
Bahala na'g nalapsan, basta naka-ambak.
@cloudnine
••••
SABON (JANUARY 3, 2021)
"Oh, I been caught under the spot spot spotlight. I wanna cave into the dark side calling to me. The ending's obvious, I know it's not right~" Kanta pa nako samtang gasabon.
Naa ko diri karon sa CR, para mukaon. Charot! Malamang para maligo, duh?
Ani jud ko pag maligo. Magkanta-kanta para dili ma-bored or di kaya, mahadlok. Mura man gud ug amaw akong utok ba, maghuna-huna ug mga hadlok nga butang. Pashnea.
Pagkahuman nako ug sabon, ibalik na unta nako siya sa butanganan. Sadihang...
*Plok*
Natagak siya sa inidoro. Wait, what? Waaaaahhhh, natagak ang sabon sa inidoro! Waaaaahhh! Waaaahhhh-la kay uyab, charot.
Patay, libing, hukay! Giatay, bag-o pa jud tong sabon ba, wa pa nahilis. Waaaahhh, unsaon nalang nako ni?! dT_Tb
"Hoy, ate, pagdali daw diha! Naunsa, isa ka oras naka sa CR, wa gihapon ka nahuman?!" Nadunggan nakong singgit sa akong manghud gikan sa gawas.
Wala koy choice maong gikuha nako ang sabon sa inidoro ug gi-hugasan ug balik-balik. Ika-20 times na guro nako ning hugas sa sabon ba. Pagkahuman gibalik na sa butanganan ug nagdali-dali kog pangbanlaw. Gitapis nako ang tuwalya ug nigawas sa CR.
Pag-abli nakos pultahan, ang suko nga nawng sa akong igsoon ang nibungad sa ako. Waw, suko suko ka, choy? Mura jud ug gwapo oh.
"Dugaya nimo mahuman, te, uy. Naa pa mi date sa akong uyab ba." Yawyaw niya ug nisulod dayon sa CR. Waw, sanaol naay uyab. Unya ang uyab raba niya, mura jud ug kinsang gwapaha. Maldita baya kaayo, litse.
I rolled my eyes at the door ug nilakaw na padung sa kwarto. Tss, maypag wa nako gihugasan ang sabon da. Malipay pa guro ko kung manimaho siyag inidoro sa ilang date tas magbulag sila sa iyang uyab. Mwahahaha!
Sayanga jud uy, maypag wa nako to gihugasan.
@cloudnine
