APRIL FOOLS DAY (APRIL 1, 2021)
Nimata ko karong adlawa nga gwapa ug naay uyab. Charot! Gwapa ra diay kay wa pa ko gi-crushback ni crush.
Nitan-aw ko sa kalendaryo para makita kung unsa nang petsaha gikan atong gibiyaan ko niya. Char lang! Wa baya ta gi-crushback. Pagkakita nako sa petsa, nisiga akong mata. O to the M to the G! Today is April Fools Day!
Ang adlaw nga akong gihulat para ma-prank si crush. Mwehehehe!
Nagdali-dali ko ug kaligo tas nag-ilis dayon. Pagkahuman kay nihigda ko ug balik sa kama tas gikuha ang cellphone para i-chat si crush. Nidiretso ko sa messenger ug swerte nalang jud nako nga online siya!
Ni-chat dayon ko. "Hi, crush!"
Kumakabog ng bongga akong hart pagkakita nga typing siya!
"Hello, Mira."
Nagtype dayon ko ug i-prank sa iya tas i-send na unta peri nakit-an man nako nga typing na sad siya maong gihulat nalang nako iyang reply.
"Naa koy iingon." Chat niya maong gi-erase nako dayon akong i-reply unta.
"Sige, unsa man?"
"Kanang, i-crushback na tika." Nisiga akong mata sa iyang gi-chat ug nisinggit.
OWEMJI, GI-CRUSHBACK NAKO! WAAAAHHH, GI-CRUSHBACK NAKOO! YESSSS!
Pagkahuman nako ug singgit, ni-reply ko ni crush.
"Hala, seryoso?" Syempre, di ta magpahalata nga gikilig kaayo ta. Dapat pabebe, hihihi.
Ga-ngisi ko samtang gahulat sa iyang reply. Dis iz it, pansit! Mwahahaha!
Pero halos matagak ko sa akong gihidaan ug kulang nalang isumpa nako siya pagkita sa iyang reply.
"Joke lang, it's a prank! Happy april fools day!"
P O T A K A, C R U S H!
Ako nuon ang na-prank imbes na siya.
@cloudnine
••••
NAAY NANUKTOK (APRIL 13, 2021)
Nag scroll scroll rako diri sa fb ug naay na-agian nga post. About na sad atong kulto nga manuktok.
Viral jud kaayo ni ron ba. Naa sad koy nakit-an nga nag post na naa daw nanuktok sa ila. Nahadlok na nuon ko, basig naa sad manuktok diri sa amo, taga Misamis baya ko.
Pila ka oras nakong sig facebook, nag decide ko nga matug na. Chour, decide.
Ako ray isa diri sa balay kay nilakaw si Mama ganiha. Hangtud karon, wa pa gihapon nibalik. Muadto na unta ko sa kusina para muinom ug tubig sadihang naay nanuktok.
Nisiga akong mata ug naratol. Mao na lagi ni akong gikahadlukan ba! Ywaaa, tabang! Naay nanuktok! Wa ko kabalo unsay buhaton maong gatuyok tuyok rako diri sa sala.
Kultooo! Naay nanuktok! Mamaaa!
"Hoy, Bernadyn! Kanus-a man ko nimo ablihan diri?!"
Nahunong ko sig tuyok pagkadungog sa tingog ni Mama. Ay, di diay kulto. Hehehe.
@cloudnine
