DIE BEAUTIFUL (JANUARY 5, 2021)
"Waaahhh, owemji!"
"Everyone, don't panic!"
"Holy shjshdjdhs! I don't wanna die!"
Mao rana ang madunggan nimo sa palibot. Ga-linog karon ug sige'g panic ang mga tao.
Ikapila nami nag-earthquake drill sa skwelahan pero useless ra kay sige mig panic karon. Naa mi karon sa school ug nag-linog. Mao sigurong sige mig panic karon kay wa mi natun-an tung nag-earthquake drill. Ahihihi, sorry naman.
Nag-duck, cover and hold mi tanan pero naa juy mga tao nga panic sa daan bago buhaton tung tulo. Amputs!
Gikuha nako ang bag tas gikuha akong make-up kit ug nagsugod nako ug retouch. Aba, kung mamatay man ko karon, atleast mamatay ko nga gwapa no!
Pagkahuman nako ug retouch, gibalik na nako tanan sa bag.
"Okay, everyone, slowly line up." Ingon sa among maestra tung nihunong ang linog.
Nanindog na sad mi tanan ug ni-linya. Pagawas nami sa classroom tung ni-linog na pud ug this time mas kusog na siya!
Wala naman mi kataguan maong nag-panic na sad mi ug usab. Ug bago pa ko mag-panic, natagakan nako ug semento.
Maong karon, kaluluwa nako nga gatan-aw sa akong mga klasmet samtang ga-panic sila. Gitan-aw nako ug balik ang kaugalingon nga namatay.
Maynalang jud kay nag-retouch ko. Oh, diba, namatay ko nga gwapa! Mao na ang ginatawag nga 'Die Beautiful.' Ehehehehehe.
@cloudnine
••••
KIDNAPPING (JANUARY 19, 2021)
Alas otso na sa gabii ug naa ko diri sa gawas, magpa-load sa tindahan. Gisugo ko ni Mama—ay wait! Si Kuya man jud iyang gisugo pero syempre, saksakan ng bait si Kuya, gipasa niya sa ako gisugo ni Mama. Oh, diba, but-an kayo? Sa iyang kabut-an, lami kaayo siya ipapaak sa iro sa among silingan! Choss.
Sige kog bagubot samtang gabaktas. Alangan man bih, mutabok pa ko ug kalsada kay naa sa pikas side ang tindahan. Pagtabok nako, nanampit dayon ko ug nagpa-load. Pagkahuman ug pa-load, mutabok na unta ko pabalik pero naay nihunong nga puting van. Hala!
Ninaog ang duha ka lalaki nga naka-maskara ug gisakay ko sa van. Sige kog palag pero kusgan man kaayo sila maong wa na koy nabuhat.
"Aaaahhh! What do you want from me?!" Awa, sa akong kakulba ug kalagot, naka-english kog ahat!
"Paghilom dira, Miss. Ayaw sig english² kay naa tas Pilipinas!" Yawyaw sa lalaki nga naa sa akong tuo. Ay, siya si Pangit 1.
Gitanggal nila ilang mga maskara pero wa gihapon ko kaila nila. Duh, pake ko?
Gikapa nako sa akong bulsa akomg selpon pero nisiga akong mata tung wa koy magunitan. Atay! Gibilin man diay to nako nga naka-charge sa kwarto kay mag-wattpad ko hangtud unya kadlawn!
"Ah, mga Kuya, pwede mubalik ta sa balay? Kuhaon sa nako akong selpon kay mag-wattpad ko." Hangyo nako sa ila pero gitan-aw rako nila nga murag naa koy dakong sala.
"Unsay tuo nimo sa amo, Miss, tanga? Nganong mubalik man daw mi sa inyong balay?!" Tubag atong lalaki nga saksakan ng pangit nga naa sa akong wala. Siya si Pangit 2.
"Mubalik mo or tawagon nako si Maxpein para ipabugbog mo?" Galagot nako nga pangutana.
"Max—ha? Kinsa man na?"
Ni-ngisi ko. "You'll die if I tell you."
Nikatawa silang duha, apil na tong driver. Si driver ang Pangit 3. "Mura jud ug kaya mi nimo?"
"Try me." Ingon nako ug gipagawas ang ganiha pa nako gipugngan. Akong utot. Blast from the past!
Gitabunan dayon nila ilang ilong ug gihunong ni Pangit 3 ang sakyanan tas ninaog sila.
"Pakshet, kabaho! Ywa!" Reklamo ni Pangit 3.
Ninaog ko sa van samtang sila kay busy pa kayo ug tabon sa ilang ilong. Sige sad silag wasiwas sa ilang kamot nga murag mawala jud ang baho sa ilang gibuhat.
"Never mess with a wattpader. I'm silent, but deadly." Last nakong ingon sa ila bago ko nidagan palayo.
Kingina, gikapoy kog dagan da. Layo naman diay mi gikan sa tindahan.
@cloudnine
